LUKE 14
14
2 Oku fakamoui e Kalaisi ae fulavai i he aho tabu: 7 oku ne ako ke agavaivai: 12 he fafaga ae majiva: 15 oku ne fakaha i he fakatātā oe katoaga kai, ae tabuni mei he moui ae kakai aga fakamama. 25 Ko kinautolu e fie hoko ko ene kau akoga, ke nau tomua fifili ki ai, telia naa nau jiaki ia amui, 34 bea hoko o taeaoga aubito, o hage koe masima kuo oji hono kona.
1BEA behe, i he ene hu ki he fale oe eiki e toko taha oe kau Falesi ke kai ma i he aho sabate, naa nau lamaji ia. 2Bea vakai, nae i hono ao ha tagata nae fulavai. 3Bea lea a Jisu ki he kau akonaki i he fono moe kau Falesi, o ne behe, Oku gofua ke fakamoui i he aho sabate? 4Bea nau fakalogo be. Bea ne omi o fakamoui ia, bea tukuage ke alu; 5Bea leaage ia, o behe kiate kinautolu, Kohai iate kimoutolu kabau e to ene asi be ko ene bulu ki ha luo, e ikai too leva ia mei ai i he aho sabate? 6Bea nae ikai te nau faa tali ia i he gaahi mea ni.
7Bea i he ene vakai kiate kinautolu nae tala ki ai, oku nau fili ki he gaahi botu lelei, bea ne lea aki ae fakatātā, o ne behe kiate kinautolu. 8Oka tala kiate koe e ha taha ke ke alu ki he taane, oua naa ke nofo hifo i ha botu maoluga aubito; telia kuo tala eia ki ha taha oku lahi iate koe; 9Bea ha‘u ia, aia ne ne tala kiate koe mo ia, o ne behe kiate koe Faka-ataatā ki he tagata ni; bea ke toki ma ai, o alu ki he botu māulalo. 10Ka oka tala kiate koe, bea ke alu o nofo i he botu māula o; koeuhi oka ha‘u ia nae tala kiate koe, te ne behe kiate koe, Kaiga, alu koe ki oluga: bea te ke ma‘u ae fakamalo i he ao o kinautolu oku mou nofo o kai. 11He ko ia ia oku hiki hake ia, e fakavaivai ia; bea ko ia oku fakavaivai ia, e hakeaki‘i ia.
12Bea behe ai foki eia kiate ia ne ne tala kiate ia, Oka ke ka teuteu ae kai hoata be ae ohomohe, oua naa ke ui ki ai ho kaumea, be ho gaahi te-momo, be ho kaiga, be koe kaugaabi koloaia, telia naa nau toe tala kiate koe, bea totogi ai kiate koe. 13Ka oka ke ka teu ae katoaga, ui ae kau majiva, moe lavea, moe bibiki, moe kui: 14E monuia ai akoe; he oku ikai te nau faa totogi kiate koe: ka e totogi kiate koe i he toetuu oe agatonu.
15Bea koe toko taha nae nofo o kai mo ia, i he ene fanogo ki he gaahi mea ni, naa ne behe kiate ia, E monuia ia aia te ne kai ma i he buleaga oe Otua. 16Bea toki behe eia kiate ia, Nae teu e he tagata e toko taha ae ohomohe lahi, o ne tala ia ki he toko lahi: 17Bea hoko ae feituubo ke kai, bea ne fekau ene tamaioeiki ke fakaha kiate kinautolu nae tala ki ai, Ha‘u; he kuo teuteu ae mea kotoabe. 18Bea naa nau loto taha kotoabe o kamata fakafiji. Nae behe e he uluaki kiate ia, Kuou fakatau ae botu fonua, bea oku gali keu alu o vakai ia: oku ou kole kiate koe, ke ke tukuage au. 19Bea behe e he toko taha, Kuou fakatau ae taulua‘i bulu e nima, bea oku ou alu ko hono ahiahi: oku ou kole kiate koe, ke ke tukuage au. 20Bea behe e he toko taha, Kuou mali moe fefine, bea koia e ikai teu faa alu ai. 21Bea liu mai ae tamaioeiki koia, o fakaha ki he ene eiki ae gaahi mea ni. Bea tubutamaki ae eiki oe fale, o ne behe ki he ene tamaioeiki, Alu fakavave ki he gaahi hala motua moe gaahi hala jii oe kolo, o omi ki heni ae majiva, moe mutu, moe bibiki, moe kui. 22Bea behe e he tamaioeiki, Eiki, kuo fai o hage ko hoo fekau, ka oku kei ataatā be. 23Bea behe e he eiki ki he ene tamaioeiki, Alu ki he gaahi hala motua moe gaahi maga‘i hala, o fakaafe‘i akinautolu ke ha‘u, kae fonu ai hoku fale. 24He oku ou tala atu kiate kimoutolu, E ikai ha toko taha i he kakai koia nae tala ki ai te ne kamata eku oho mohe.
25Bea nae alu mo ia ae fuu kakai, bea tafoki ia, o ne behe kiate kinautolu, 26Kabau e ha‘u ha taha kiate au, kae ikai fehia ki he ene tamai, moe fa‘e, moe unoho, moe fānau, moe gaahi tokoua, moe gaahi tuofefine, io, ki he ene moui foki, e ikai jii hoko ia ko eku akoga. 27Bea ko ia e ikai te ne fua ene akau māfajia, o muimui kiate au, e ikai jii hoko ia ko eku akoga. 28He kohai iate kimoutolu oku teu laga ha fale, kae ikai tomua nofo hifo ia o lau hono totogi, be oku iate ia ke faa fakaoji aki? 29Telia naa hili hono ai ae tuuga, ka oku ikai te ne faa fakaoji ia, e kamata manuki kiate ia akinautolu kotoabe e mamata ai, 30O behe, Koe tagata eni nae kamata fokotuu, ka nae ikai faa fakaoji. 31Be koe tu‘i fe oku teu tau ki ha tu‘i e taha, oku ikai ke tomua nofo hifo, o fakakaukau be te ne faa tau‘i aki ae toko mano, aia oku ha‘u kiate ia moe toko ua mano? 32Bea ka ikai, oku ne kouna ha talafekau, i he kei mamao ae toko taha, o kole ke na fakalelei. 33Bea oku behe foki, ko ia ia iate kimoutolu oku ikai te ne jiaki aia kotoabe oku ne ma‘u, e ikai hoko ia ko eku akoga.
34Oku lelei ae masima: bea kabau kuo mole i he masima hono kona, e toe fakakona ia meife? 35Oku ikai aoga ia ki he kelekele, be ki he tuuga otoota; ka oku li ia kitua. Ko ia oku ne teliga ogo, ke ogo‘i ia.
Currently Selected:
LUKE 14: TWB
Highlight
Share
Copy
Want to have your highlights saved across all your devices? Sign up or sign in
