LUKE 12
12
1 Oku malaga a Kalaisi ki he ene kau akoga ke oua naa nau malualoi, be manavahe ke fakaha ia mo ene gaue: 13 oku ne valoki aki ae fakatātā oe tagata vale nae ma‘umea, ke oua e manumanu. 22 Ke oua naa lau feiga ki he gaahi mea o mamani, 31 kae kumi ki he buleaga oe Otua, 33 ke faa foaki, 36 ke tali teuteu be ki he Eiki. 41 Ke vakai e he kau faifekau a Kalaisi ki he kakai kuo tuku ke nau tauhi, 49 mo amanaki fakataga. 54 Ke gaue i he aahi ofa, 58 koeuhi koe mea fakailifia ke mate taefakalelei moe Otua.
1BEA feouga mo ia, kuo fakakatoa ae fuu kakai taefaalaua, o nau femalakiaki akinautolu, bea kamata lea ai ia, o fuofua fai ki he ene kau akoga, Mou vakai telia ae mea fakatubu ae kau Falesi, aia koe malualoi. 2He oku ikai ha mea oku ufiufi, e tae fakaha; be fufu, e taeiloa ia. 3Bea koia kotoabe kuo mou lea aki i he bouli, e fanogo ia i he māma; bea koia kuo mou fanafana aki i he gaahi loki, e kalagaekina ia mei he tua fale. 4Bea oku ou tala atu kiate kimoutolu ko hoku kaiga, Oua te mou manavahe kiate kinautolu oku tamate‘i ae jino, bea hili ia oku ikai mo ha mea te nau faa fai. 5Ka teu fakaha kiate kimoutolu aia te mou manavahe ki ai: manavahe kiate ia, aia, oka hili ene tamate‘i, oku ne faa fai ke li ki heli; io, oku ou behe kiate kimoutolu, manavahe kiate ia. 6Ikai oku fakatau ae hiki‘i manu buna e nima aki ae baaga jii e ua? bea oku ikai galo ha nau taha i he ao oe Otua. 7Ka koe gaahi tuoni louulu o ho mou ulu kuo lau kotoabe. Koia oua e manavahe: he oku mou mahuiga hake i he faga kihi‘i manu lahi. 8Oku ou tala foki kiate kimoutolu, Ko ia ia te ne fakaha au i he ao oe kakai, e fakaha foki ia e he Foha oe tagata i he ao oe kau agelo ae Otua. 9Ka ko ia oku ne jiaki au i he ao oe kakai, e jiaki ia i he ao oe kau agelo ae Otua. 10Bea ko ia e lea kovi ki he Foha oe tagata, e fakamolemole ia kiate ia; ka ko ia oku ne lohiaki‘i ae Laumalie Maonioni, e ikai fakamolemolea ia. 11Bea ka nau ka omi akimoutolu ki he gaahi fale lotu, moe kau fakamāu, moe kau bule, oua naa mou feiga be fefe be koeha te mou tali aki, be koia te mou fakaha: 12Koeuhi e ako e he Laumalie Maonioni kiate kimoutolu i he feituulaa koia, aia oku totonu ke mou lea aki.
13Bea nae behe e he toko taha oe kakai kiate ia, Eiki, ke ke leaage ki hoku tokoua ke ma vaeua mo au ae tofia. 14Bea behe eia ki ai, Tagata, kohai ne ne fakanofo au koe fakamāu be koe tufaki kiate kimoutolu? 15Bea behe eia kiate kinautolu, Tokaga bea vakai, telia ae manumanu: he koe moui ae tagata oku ikai i hono lahi oe gaahi mea oku ne ma‘u. 16Bea naa ne lea aki ae fakatātā kiate kinautolu, o behe, Nae fua o lahi aubito ae fonua oe tagata koloaia e toko taha: 17Bea fifili ia i hono loto, o behe, Koeha teu fai, he oku ikai ha botu ke fetuku ki ai eku gaahi fua? 18Bea ne behe, Teu fai eni: teu vete hifo a hoku gaahi feleoko, o laga ke lalahi; bea teu fetuku ki ai a eku gaahi fua kotoabe mo eku koloa. 19Bea teu behe ki hoku laumalie, Laumalie, kuo fokotuu maau ae gaahi mea lelei lahi ki he ta‘u lahi; ke ke fiemalie be, o kai, mo inu, mo fiefia. 20Ka nae behe e he Otua kiate ia, Koe vale koe, e too iate koe i he bo ni a ho laumalie: bea e hoko koe gaahi mea ahai aia kuo ke tokonaki? 21Bea oku behe ia aia oku ne fokotuu koloa maana, ka oku ikai ma‘umea ki he Otua.
22Bea behe eia ki he ene kau akoga, Koia oku ou behe ai kiate kimoutolu, Oua naa mou tokaga ki hoo mou moui, ki ha mea te mou kai; be ki he jino, be koeha te mou ai ki ai. 23Oku lahi hake ae moui i he mea kai, moe jino i he kofu. 24Tokaga ki he faga leveni, he oku ikai te nau tutui be tuuji; bea oku ikai ha nau fale koloa, be feleoko: ka oku fafaga e he Otua akinautolu; bea ikai oku mou lelei hake aubito i he faga manu? 25Bea kohai ia iate kimoutolu i he ene tokaga e faa fakaloloa jii ki he ene moui? 26Bea kabau oku ikai te mou mafai aia oku jii taha be, koeha oku mou tokaga ai ki he mea kehe? 27Tokaga ki he tubu hake oe fiji‘i akau: oku ikai ke nau gaue, bea oku ikai ke filo; ka oku ou tala atu kiate kimoutolu, nae ikai tatau ae teuga o Solomone i hono nāunāu fulibe mo ha taha iate kinautolu ni. 28Koia kabau e fakakofu behe e he Otua ae mohuku, aia oku i he goue he aho ni, kae li ki he gotoumu abogibogi; ikai e lahi hake kiate kimoutolu, akimoutolu oku jii hoo mou tui? 29Bea oua naa mou kumi ki ha mea te mou kai, moe mea te mou inu, bea oua naa mou loto fakataetaetui. 30He koe mea kotoabe eni oku kumi ki ai e he gaahi kakai o mamani: bea oku ilo e hoo mou Tamai oku mou majiva i he gaahi mea ni. 31Kae kumi mua akimoutolu ki he buleaga oe Otua: bea e fakalahi aki kiate kimoutolu ae gaahi mea ni kotoabe.
32Ae faga sibi jii, oua e manavahe: he koe finagalo lelei o hoo mou Tamai ke foaki ae buleaga kiate kimoutolu. 33Fakatau atu aia oku mou ma‘u, bea faa foaki; tokonaki maa moutolu ae gaahi kato e ikai fakaaau ke motua, koe koloa i he lagi e ikai oji, bea e ikai ofi ki ai ha kaihaa, be fakabobo ia e he ane. 34He koe botu oku i ai hoo mou koloa, e i ai foki mo ho mou loto. 35Tuku ke nonoo be ho mou nootaga vala, bea ulo hoo mou gaahi māma. 36Bea ke tatau akimoutolu moe kau tagata oku tatali ki he liliu mai a ho nau eiki mei he taane; koeuhi ka ha‘u ia o tukituki, ke nau too leva kiate ia. 37Oku monuia ae kau tamaioeiki koia, oka ha‘u ae eiki bea ne ilo oku nau leo: koe mooni oku ou tala kiate kimoutolu, te ne nonoo ia, o bule ke nau nofo hifo ki he kai, bea ha‘u ia o tauhi akinautolu. 38Bea kabau e ha‘u ia i hono ua oe leo, be ha‘u i hono tolu oe loe, bea ne ilo oku behe be, e monuia ae kau tamaioeiki koia. 39Bea ilo eni, ka ne ilo e he eiki oe fale ae feituubo koia e ha‘u ai ae kaihaa, behe, ne leo ia, ka e ikai tuku ke hae hono fale. 40Koia mou teuteu be foki: he koe feituulaa oku ikai te mou amanaki ki ai, e ha‘u ai ae Foha oe tagata.
41Bea toki behe e Bita kiate ia, Eiki, oku ke lea aki mai ae fakatātā ni kiate kimautolu, be ki he kakai kotoabe? 42Bea behe e he Eiki, He kohai ae tauhi agatonu mo boto, e fakanofo e he ene eiki ke bule ki hono kau nofoaga, ke atu ae tufakaga i hono feituu totonu? 43E monuia ae tamaioeiki koia, oka ha‘u ene eiki o ne ilo oku fai behe be ia. 44Ko eku tala mooni kiate kimoutolu, Te ne fakanofo ia ke bule ki he ene mea kotoabe. 45Bea ka behe e he tamaioeiki koia i hono loto, Oku fakatuotuai e he eku eiki a ene ha‘u; bea haga ia o ta‘i ae kau tamaioeiki moe kau kaunaga, bea kai mo inu ke kona: 46E ha‘u ae eiki oe tamaioeiki koia i ha aho e ikai amanaki ia ki ai, bea i ha feituulaa e ikai tokaga ai ia, o tuuji ia, bea tuutuuni ke ne inaji fakataha moe taetui. 47Bea koe tamaioeiki koia nae ilo ae lotoo ene eiki, ka nae ikai ke teuteu, be fai o fakatatau mo hono loto, e ta‘i aki ia ae gaahi ta lahi. 48Ka ko ia nae ikai iloa, bea fai eia ae gaahi mea oku gali moe tautea, e ta‘i aki ia ae gaahi ta jii. He ko ia ia kuo tuku ki ai ae mea lahi, e amanaki lahi iate ia; bea ko ia kuo tuku ki ai e he kakai ae mea lahi, e lahi ai e nau amanaki iate ia.
49Kuou ha‘u ke tuku ae afi ki mamani; bea koeha hoku loto, o kabau kuo tutu ni ia? 50Oku ai ae babitaiso keu babitaiso ai; bea oku ou feiga kae oua ke fai ia! 51Oku mou mahalo kuou ha‘u ke tuku ae melino ki mamani? Oku ou tala kiate kimoutolu, Ikai; ka koe mava-hevahe: 52Gata heni e feiteitani ae toko nima i he fale be taha, koe toko tolu ki he toko ua, moe toko ua ki he toko tolu. 53E feiteitani ae tamai ki he foha, moe foha ki he tamai; koe fa‘e ki he taahine, moe taahine ki he fa‘e; koe fa‘e i he fono ki he ene taahine i he fono, moe taahine i he fono ki he ene fa‘e i he fono.
54Bea naa ne behe foki ki he kakai, Oka mou ka mamata ki he alu hake ae ao mei he tokaga laa, oku mou behe leva, Oku ha‘u ae uha; bea oku behe. 55Bea oka agi mai ae matagi mei he feituu toga, oku mou behe, E bubuha; bea oku behe. 56Ae kau malualoi, oku mou ilo ae mata oe fonua bea moe lagi; ka koeha oku ikai te mou ilo ai ae kuoga ni? 57Io, bea koeha oku ikai te mou ilo ekimoutolu aia oku totonu?
58Oka ke ka alu mo ho fili ki he fakamāu, ke ke fai feiga i he hala, koeuhi ke ke hao meiate ia, telia naa ne ave koe ki he fakamāu, bea tukuage koe e he fakamāu ki he matābule bea e li koe e he matābule ki he fale fakabobula. 59Oku ou tala kiate koe, E ikai te ke alu mei ai, kae oua ke ke atu ae totogi kotoabe.
Currently Selected:
LUKE 12: TWB
Highlight
Share
Copy
Want to have your highlights saved across all your devices? Sign up or sign in
