JONE 18
18
1 Oku lavaki e Jutasi a Kalaisi. 6 Oku to ki he kelekele ae kau tagata fekau. 10 Oku motuhi e Bita ae teliga o Malikusi. 12 Oku buke a Jisu, o taki ia kia Anasi mo Kaiafasi. 15 Koe fakafiji e Bita. 19 Oku fakamāu a Jisu i he ao o Kaiafasi. 28 Koe omi ia ki he ao o Bailato. 36 Ko hono buleaga. 40 Oku tala e he kakai Jiu ke veteage a Balabasa.
1BEA hili ae lea aki e Jisu ae gaahi lea ni, nae alu atu ia mo ene kau akoga, o laka i he vai ko Kitiloni, aia nae i ai ha goue, bea alu ia ki ai, mo ene kau akoga. 2Bea nae ilo ae botu e Jutasi foki, aia ne ne lavaki i ia: he nae faa alu ki ai a Jisu mo ene kau akoga. 3Bea kuo ma‘u e Jutasi ha kau tau, moe tuuga tagata fekau mei he kau taulaeiki lahi moe kau Falesi, nae ha‘u ia ki ai moe gaahi māma moe tūhulu moe gaahi mahafu. 4Ka nae ilo e Jisu ae mea kotoabe e hoko kiate ia, bea alu atu ia, o ne behe kiate kinautolu, Kohai oku mou kumi? 5Bea nau talaage kiate ia, Ko Jisu o Nasaleti. Bea behe e Jisu kiate kinautolu, Ko au ia. Bea nae tuu foki mo kinautolu a Jutasi, aia naa ne lavaki‘i ia. 6Bea i he ene behe kiate kinautolu, Ko au ia, naa nau fakaholomui, o to ki he kelekele. 7Bea toe fehui eia kiate kinautolu, Kohai oku mou kumi? Bea nau behe, Ko Jisu o Nasaleti. 8Bea leaage a Jisu, Kuo oji eku tala kiate kimoutolu ko au ia: koia kabau oku mou kumi au, tuku akinautolu ni ke alu: 9Koeuhi ke fakamooni ai ae lea aia naa ne lea aki, Iate kinautolu naa ke foaki kiate au, oku ikai mole ha taha. 10Bea nae ma‘u e Saimone Bita ae heleta, bea ne unuhi ia, o ta‘i aki ae tamaioeiki ae taulaeiki lahi, bea motuhi ai hono teliga toomatau. Koe higoa oe tamaioeiki ko Malikusi. 11Bea behe e Jisu kia Bita, Ai hoo heleta ki hono aiaga: koe ibu oku foaki mai kiate au e he Tamai, ikai teu inu ia? 12Bea koe kau tau moe houeiki moe kau tagata fekau oe kakai Jiu naa nau buke a Jisu, o ha‘i ia, 13O nau tomua taki ia kia Anasi; he koe tamai ia i he fono kia Kaiafasi, aia koe taulaeiki lahi ia i he ta‘u koia. 14Bea ko Kaiafasi ia foki naa ne tala ki he kakai Jiu, oku aoga ke mate ha tagata e taha koeuhi koe kakai.
15Bea nae muimui a Saimone Bita ia Jisu, bea moe akoga e taha: nae ilo ae akoga koia e he taulaeiki lahi, bea alu ia mo Jisu ki he fale oe taulaeiki lahi. 16Ka nae tuu a Bita itua i he mataba. Bea alu ae akoga e taha aia nae ilo e he taulaeiki lahi, o lea kiate ia nae leo mataba, o ne omi a Bita ki loto. 17Bea lea ae fefine leo mataba kia Bita, Ikai koe taha koe oe kau akoga ae tagata ni? Bea tala eia, Oku ikai. 18Bea koe kau tauhi moe kau ta gata fekau nae tutuu i ai, kuo nau tafu ae afi aki ae akau fefie; he nae momoko: bea naa nau mumu ai: bea tuu a Bita mo kinautolu, o mumu ai.
19Bea fehui ai ae taulaeiki lahi kia Jisu ki he ene kau akoga, bea mo ene akonaki. 20Bea talaage e Jisu kiate ia, Kuou lea fakaha ki mamani; neu ako mau be i he fale lotu, bea moe fale lotu lahi, oku faa fakataha ai ae kakai Jiu; bea nae ikai teu lea aki ha mea i he lilo. 21Koeha oku ke eke ai kiate au? eke kiate kinautolu kuo fanogo, he koeha eku lea kiate kinautolu: vakai, oku nau ilo eku lea. 22Bea hili ene lea behe, bea jibi‘i a Jisu, e he matābule e taha nae tuu i ai, aki hono aofi nima, o ne behe, Oku behe hoo tali ae taulaeiki lahi? 23Bea talaage e Jisu kiate ia, Kabau kuou lea kovi, fakaha hono kovi: bea kabau oku lelei, koeha oku ke jibi‘i ai au? 24Bea nae fekau e Anasi ke ave ha‘ijia ia kia Kaiafasi koe taulaeiki lahi. 25Bea nae tuu a Saimone Bita, o mumu. Bea nau behe kiate ia, Ikai koe taha foki koe o ene kau akoga? Bea fakafiji eia, o behe, Oku ikai. 26Bea nae lea ae toko taha oe kau tamaioeiki ae taulaeiki lahi, koe kaiga o ia nae motuhi hono teliga e Bita, o behe, Ikai naaku mamata kiate koe mo ia i he goue? 27Bea toe fakafiji e Bita: bea uua leva ae moa.
28Bea naa nau taki hegihegi a Jisu mei a Kaiafasi ki he fale fakamāu: bea nae ikai alu akinautolu ki he fale fakamāu, telia naa uli‘i akinautolu, bea koeuhi koe nau kai i he feilaulau oe Lakaatu. 29Bea alu kitua a Bailato kiate kinautolu, o ne behe, Koeha ae mea oku mou talatalaaki‘i ai ae tagata ni? 30Bea leaage akinautolu, o behe kiate ia, Ka ne ikai koe fai kovi ia, behe, e ikai te mau tuku atu ia kiate koe. 31Bea tala e Bailato kiate kinautolu, Mou ave ia, o fakamāu ia o fakatatau ki hoo mou fono. Koia nae behe ai e he kakai Jiu kiate ia, Oku ikai gofua kiate kimautolu ke tamate‘i ha tagata: 32Bea fakamooni ai ae lea a Jisu, i he ene fakaha ae aga oe mate e mate ai ia. 33Bea toe hu a Bailato ki he fale fakamāu, o ne ui a Jisu, o ne behe kiate ia, Koe tu‘i koe oe kakai Jiu? 34Bea leaage a Jisu kiate ia, Oku meiate koe hoo lea ni, be nae fakaha ia e ha niihi kiate koe? 35Bea beheage e Bailato, He koe Jiu au? Ko ho kakai oou moe kau taulaeiki lahi kuo nau tuku mai koe kiate au: koeha kuo ke fai? 36Bea behe e Jisu, Oku ikai o mamani hoku buleaga; ka ne o mamani hoku buleaga, behe, e tau hoku kakai, ke oua naa atu au ki he kakai Jiu: ka ko eni, oku ikai mei heni hoku buleaga. 37Koia nae behe e Bailato kiate ia, Bea koe tu‘i koe koa? Bea talaage e Jisu, Koe tu‘i au o hage ko hoo lea. Koia naaku fanau‘i, bea koia naaku ha‘u ai ki mamani, koeuhi keu fakamooni ki he mooni. Ko ia kotoabe oku i he mooni, oku fanogo ia ki hoku le‘o. 38Bea behe e Bailato kiate ia, Koeha ae mooni? Bea hili ene lea koia, nae toe alu ia kitua ki he kakai Jiu, o ne behe kiate kinautolu, Oku ikai teu ilo eau ha kovi iate ia. 39Ka koeuhi ko hono aga, keu tukuage ha toko taha i he katoaga oe Lakaatu kiate kimoutolu: bea ko ho mou loto keu tukuage ae Tu‘i oe kakai Jiu kiate kimoutolu? 40Bea toe kalaga akinautolu kotoabe, o behe, Ikai koe tagata ni, ka ko Balabasa. Bea ko Balabasa koe kaihaa ia.
Currently Selected:
JONE 18: TWB
Highlight
Share
Copy
Want to have your highlights saved across all your devices? Sign up or sign in
