JONE 14
14
1 Oku fakafiemalie aki e Kalaisi a ene kau akoga ae amanaki lelei ki he moui taegata: o oku ne fakaha ko ia koe hala, moe mooni, moe moui, bea oku taha be ia moe Tamai: 13 oku ne fakababau ko‘e nau gaahi lotu i hono higoa oku tau: 15 oku ne fekau ke nau ofa mo talagofua: 16 oku talaofa ki he Laumalie Maonioni koe Fakafiemalie: 27 o ne tuku ene fiemalie kiate kinautolu.
1OUA naa mamahi ho mou loto: oku mou tui ki he Otua, tui foki kiate au. 2I he fale o eku Tamai oku ai ae gaahi nofoaga oku lahi: ka ne ikai, behe, kuou tala ia kiate kimoutolu. Oku ou alu ke teuteu ha botu moo moutolu. 3Bea kabau teu alu, o teuteu ha botu moo moutolu, teu toe ha‘u, o ma‘u akimoutolu kiate au; koeuhi koe botu teu i ai, te mou i ai foki. 4Bea koe botu oku ou alu ki ai oku mou ilo, bea oku mou ilo moe hala. 5Bea lea a Tomasi kiate ia, Eiki, oku ikai te mau ilo be oku ke alu kife; bea e fefe e mau ilo ae hala? 6Bea talaage e Jisu kiate ia, Ko au koe hala, moe mooni, bea moe moui: oku ikai h‘au ha tagata e taha ki he Tamai, kae iate au. 7Ka ne mou ilo au, behe, kuo mou ilo mo eku Tamai foki: bea gata mei heni oku mou ilo ia, bea kuo mou mamata kiate ia. 8Bea lea a Filibe kiate ia, Eiki, fakaha kiate kimautolu ae Tamai, bea mau fiemalie ai. 9Bea beheage e Jisu kiate ia, Filibe, he kuo behe ni hono fuoloa o eku iate kimoutolu, ka oku teeki ai te ke ilo au? ko ia kuo ne mamata kiate au, kuo mamata ia ki he Tamai; bea fefe ai hao behe, Fakaha kiate kimautolu ae Tamai? 10Oku ikai te ke tui oku ou i he Tamai, moe Tamai iate au? koe lea oku ou lea aki kiate kimoutolu, oku ikai teu lea aki iate au: ka koe Tamai, oku nofo iate au, oku ne fai ae gaahi gaue. 11Tui mai kiate au oku ou i he Tamai, moe Tamai iate au: bea kabau e ikai, bea tui kiate au koeuhi koe gaahi gaue. 12Koe mooni, koe mooni, oku ou tala atu kiate kimoutolu, Ko ia oku tui kiate au, koe gaahi gaue oku ou fai e fai eia foki; bea te ne fai moia oku lahi hake; koeuhi ko eku alu ki he eku Tamai. 13Bea koe mea kotoabe te mou kole i hoku huafa, teu fai ia, koeuhi ke fakaogoogolelei ae Tamai i he Alo. 14Koia kotoabe te mou kole i hoku huafa, teu fai.
15Kabau oku mou ofa kiate au, fai eku gaahi fekau. 16Bea teu kole ki he Tamai, bea te ne foaki kiate kimoutolu ha Fakafiemalie e taha, koeuhi ke nofo ia mo kimoutolu o taegata; 17Io, koe Laumalie oe mooni; aia oku ikai faa ma‘u e he mamani, he oku ikai mamata ia ki ai, be ilo‘i ia: ka te mou ilo ia; he te ne nofo mo kimoutolu, bea nofoia eia akimoutolu. 18E ikai teu tuku ke tuenoa akimoutolu: teu ha‘u kiate kimoutolu. 19Oku toe jii, bea e ikai mamata kiate au a mamani; ka te mou mamata kiate au: koeuhi oku ou moui, e moui akimoutolu foki. 20I he aho koia te mou ilo oku ou i he eku Tamai, mo kimoutolu iate au, mo au iate kimoutolu. 21Ko ia oku ne ma‘u eku gaahi fekau, o fai ki ai, ko ia ia oku ofa kiate au: bea ko ia oku ofa kiate au, e ofa a eku Tamai kiate ia, bea teu ofa mo au kiate ia, bea teu fakaha au kiate ia. 22Bea lea a Jutasi kiate ia, nae ikai ko Isikaliote, Eiki, koeha te ke fakaha ai koe kiate kimautolu, kae ikai ki mamani? 23Bea leaage a Jisu, o behe kiate ia, Kabau oku ofa ha tagata kiate au, te ne fai eku lea: bea e ofa a eku Tamai kiate ia, bea te ma omi kiate ia, o nofo mau mo ia. 24Ko ia oku ikai ofa kiate au, oku ikai te ne ma‘u eku gaahi tala: bea koe lea oku mou ogo‘i, oku ikai aaku, ka oku ae Tamai kuo ne fekau‘i au. 25Koe gaahi mea ni kuou tala kiate kimoutolu, i he eku iate kimoutolu. 26Ka koe Fakafiemalie koe Laumalie Maonioni, aia e fekau e he Tamai i hoku huafa, te ne ako‘i akimoutolu i he mea kotoabe, mo fakamanatu‘i akimoutolu i he mea kotoabe, aia kuou lea aki kiate kimoutolu. 27Oku ou tuku ae melino kiate kimoutolu, ko eku melino oku ou foaki kiate kimoutolu: oku ikai hage koe foaki a mamani, a eku foaki kiate kimoutolu. Oua naa mamahi ho mou loto, bea oua naa manavahe ia. 28Kuo mou ogo‘i eku lea kiate kimoutolu, Oku ou alu, beau toe ha‘u kiate kimoutolu. Ka ne mou ofa kiate au, te mou fiefia, koe mea i he eku behe, Oku ou alu ki he Tamai: he oku lahi eku Tamai iate au. 29Bea ko eni kuou fakaha ia kiate kimoutolu, ka oku heeki hoko, koeuhi oka hoko ia, ke mou tui. 30Gata mei heni, e ikai teu lea lahi kiate kimoutolu: he oku ha‘u ae eiki oe mamani, ka oku ikai ha mea iate au. 31Ka koeuhi ke ilo a mamani oku ou ofa ki he Tamai; bea mo eku fai o hage koe fekau ae Tamai kiate au. Tuu hake, ke tau alu i heni.
Currently Selected:
JONE 14: TWB
Highlight
Share
Copy
Want to have your highlights saved across all your devices? Sign up or sign in
