JENESI 7
7
1 Koe hu a Noa mo ene fānau moe faga manu moui ki he vaka. 17 Koe kamataaga, moe tubu, mo hono fuoloa oe lomaki.
1BEA nae folofola a Jihova, kia Noa, Ha‘u koe mo ho fale kotoabe ki he vaka; he kuou vakai kiate koe oku ke maonioni i hoku ao i he toutagata ni. 2Te ke too kiate koe o tautau toko fitu i he faga manu maa kotoabe koe tagata moe fefine: bea tautau toko ua i he faga manu tae maa, koe tagata moe fefine. 3Ke tautau toko fitu i he faga manu foki oe atā, koe tagata moe fefine; ke fakamoui ae hako i he fuga o mamani kotoabe. 4He oku toe ae gaahi aho e fitu, bea teu bule ke uha ki mamani i he aho e fagofulu moe bo e fagofulu; bea teu fakaauha mei he fuga o mamani ae gaahi mea moui kotoabe kuou gaohi. 5Bea nae fai e Noa o hage koia kotoabe nae fekau e Jihova kiate ia. 6Bea nae onogeau ae ta‘u o Noa feouga moe hoko ae lomaki oe gaahi vai ki mamani.
7Bea nae hu a Noa ki he vaka mo hono gaahi foha, mo hono unoho, moe gaahi unoho o hono gaahi foha mo ia, koeuhi koe gaahi vai oe lomaki. 8Koe faga manu maa, moe faga manu tae maa, moe faga manu buna, moe mea kotoabe oku totolo i he fonua, 9Nae alu atu kia Noa i he vaka o tautau toko ua, koe tagata moe fefine, o hage koe fekau ae Otua kia Noa. 10Bea i he ene hili mai ae aho e fitu, nae hoko ki mamani ae gaahi vai oe lomaki.
11I he ta‘u e onogeau oe moui a Noa, i hono ua oe mahina, mo hono hogofulu ma fitu oe aho i he mahina, koe aho koia nae fakaba hake ai ae gaahi matavai oe moana lahi, bea nae too ai ae gaahi matavai oe lagi. 12Bea nae to ae uha ki mamani, i he aho e fagofulu moe bo e fagofulu. 13I he aho be koia nae hu ai ki he vaka a Noa, mo Semi, mo Hami, mo Jefeti, koe gaahi foha o Noa, moe unoho o Noa, moe gaahi unoho e toko tolu o hono gaahi foha, mo kinautolu. 14Akinautolu, moe faga manu oe vao i hono faahiga kotoabe, moe faga manu kotoabe i ho nau faahiga, moe mea totolo kotoabe oku gaolo i he fonua i hono faahiga, moe faga manu buna kotoabe i hono faahiga, ae manu kabakau kehekehe kotoabe. 15Bea naa nau alu kia Noa ki he vaka, o tautau toko ua i he kakano kotoabe, aia nae i ai ae manava oe moui. 16Bea ko ia nae hu ai, nae alu koe tagata moe fefine i he kakano kotoabe, o hage koe fekau ae Otua kiate ia; bea nae tabuni ia i ai e Jihova. 17Bea nae i he fonua ae lomaki i he aho e fagofulu; bea nae hake ae gaahi vai, bea maanu ai ae vaka, bea nae tētē ia i oluga, i he fonua. 18Bea nae malohi ae gaahi vai, bea tubu lahi i he fuga fonua; bea nae tētē ae vaka i he fukahi vai. 19Bea nae malohi aubito ae gaahi vai i he fuga fonua; bea nae fakagalo ai ae gaahi mouga maoluga kotoabe, aia nae i he lalo lagi. 20Nae malohi ae gaahi vai; nae hake ia koe haga e tolugofulu, bea nae ufia ai ae gaahi mouga. 21Bea nae mate ae kakano kotoabe aia nae gau‘e i mamani, koe faga manu buna, moe faga manu lalata, moe faga manu oe vao, moe mea totolo kotoabe oku gaolo i he fonua, moe tagata kotoabe: 22Koia kotoabe nae i ho nau ava‘i ihu ae manava oe moui, aia kotoabe nae i he fonua momoa nae mate. 23Bea nae fakaauha ae mea moui kotoabe aia nae i he fuga kelekele, ae tagata, moe faga manu, moe gaahi mea totolo, moe faga manu buna oe atā; bea nae fakaauha akinautolu mei he mamani; bea nae toe be a Noa, mo kinautolu nae iate ia i he vaka. 24Bea nae malohi ae gaahi vai i mamani i he aho e teau ma nimagofulu.
Currently Selected:
JENESI 7: TWB
Highlight
Share
Copy
Want to have your highlights saved across all your devices? Sign up or sign in