JENESI 43
43
1 Koe tae fie tuku a Benijimani e Jekobe. 15 Koe feiloaki a Josefa mo hono kaiga. 31 Oku no teuteu ae katoaga kiate kinautolu.
1BEA nae lahi aubito ae hoge i he fonua. 2Bea i he ene oji e nau kai ae koane naa nau omi mei Ijibite, nae behe e nau tamai kiate kinautolu, Toe alu o fakatau e tau meakai jii. 3Bea lea a Juta kiate ia, o behe, Nae lea fakatotonu mai ae tagata kiate kimautolu, o behe, E ikai te mou mamata ki hoku mata, o kabau e ikai iate kimoutolu ho mou tehina. 4Bea kabau te ke tuku ho mau tehina ke alu mo kimautolu, bea te mau toe alu hifo o fakatau hao meakai. 5Bea kabau e ikai te ke tuku mai ia, e ikai te mau alu; he nae behe e he tagata kiate kimautolu, E ikai te mou mamata ki hoku mata, o kabau e ikai iate kimoutolu ho mou tehina. 6Bea behe e Isileli, Koeha naa mou fai kovi behe ai kiate au, koeuhi ke fakaha ki he tagata oku toe ho mou tehina? 7Bea naa nau behe, Nae fehui fakatotonu mai e he tagata ki he e mau nofo, mo ho mau gaahi kaiga, o behe, Oku kei moui hoo mou tamai? oku ai ho mou tehina? bea naa mau tala kiate ia o hage koe lea ni; he naa mau teitei ilo te ne lea, o behe, Omi ho mou tehina ki heni? 8Bea behe e Juta ki he ene tamai ko Isileli, Tuku mai ae tamajii kia au, bea te mau tuu hake o alu; koeuhi ke mau moui, kae oua naa tau mate, io, akimautolu mo koe, moe mau tamaiki foki. 9Teu totogi ia; te ke ma‘u ia i hoku nima: kabau e ikai teu toe omi o tuku ia i ho ao, ke iate au hono kovi o taegata: 10He koe mooni, ka ne ikai koe tau fakatuotuai ni, behe kuo mau toe liu mai ko hono tuo ua. 11Bea behe e he e nau tamai ko Isileli kiate kinautolu, Kabau koia, bea mou fai eni; ave ae gaahi fua fugani lelei oe fonua i hoo mou gaahi tagai, bea mou ave ia, koe meaofa ki he tagata, koe bame, moe hone, moe akau namu lelei, moe bame nanamu, moe gaahi foi ai, moe telie. 12Bea ave ae kato baaga e ua i ho mou nima; bea moe baaga nae toe omi i he gutu o hoo mou tagai, toe ave ia i ho mou nima: naa ko ha fainoa nai; 13Ave foki mo ho mou tehina, bea mou tuu o toe alu ki he tagata: 14Bea ke tuku kiate kimoutolu e he Otua Mafimafi ae ofa i he ao oe tagata, koeuhi ke ne toe tuku mai ho mou tokoua e taha, mo Benijimani. Kabau e fakamajiva au i he eku fānau, kuou majiva mooni.
15Bea nae ave e he kau tagata ae meaofa, bea naa nau too ae kato baaga e ua i ho nau nima, bea mo Benijimani; bea naa nau tutuu hake o toe alu ki Ijibite, o nau tutuu i he ao o Josefa. 16Bea i he mamata a Josefa oku iate kinautolu a Benijimani, bea behe eia ki he bule o hono fale; Omi ae kau tagata ni ki abi, bea tamate‘i ha manu mo teuteu; he te mau kai moe kau tagata i he hoata. 17Bea nae fai e he tagata o hage koe fekau a Josefa; bea nae omi e he tagata ae kau tagata ki he fale o Josefa. 18Bea nae manavahe ae kau tagata, koeuhi koe ave akinautolu ki he fale o Josefa; bea naa nau behe, Kuo omi akitautolu ki heni, koe mea i he baaga nai, nae toe tuku mai i he e tau tagai, i he fuofua ha‘u; koeuhi ke nau fakahala‘i aki akitautolu, o oho mai kiate kitautolu, o buke o fakabobula‘i akitautolu, moe tau faga asi. 19Bea naa nau unuunu o ofi ki he tauhi oe fale o Josefa, o nau alea moia i he mataba oe fale, 20O behe, E eiki, koe mooni naa mau fuofua ha‘u ke fakatau meakai: 21Bea i he e mau hoko ki he fale talifonoga, bea mau vete e mau tagai, bea vakai, kuo taki taha ae tagata ene baaga i he gutu o ene tagai, ae baaga kotoa; bea kuo mau toe omi ia i ho mau nima. 22Bea moe baaga kehe kuo mau omi ke fakatau meakai: oku ikai te mau ilo be kohai naa ne ai e mau baaga ki he e mau tagai. 23Bea behe eia, Mou fiemalie, oua te mou manavahe: ko ho mou Otua, moe Otua o hoo mou tamai naa ne tuku koloa maa moutolu, ki hoo mou tagai: nae iate au hoo mou baaga. Bea naa ne omi a Simione kiate kinautolu. 24Bea omi e he tagata ae kau tagata ki he fale o Josefa, o ne atu e nau vai, bea fufulu ho nau va‘e; bea naa ne atu ae meakai ki he e nau faga asi. 25Bea naa nau teuteu ae meaofa o tali ae ha‘u ki abi a Josefa i he hoata: he naa nau fanogo te nau kai ma i ai.
26Bea kuo ha‘u a Josefa ki abi, naa nau omi kiate ia ki fale ae meaofa nae i ho nau nima, o nau tulolo akinautolu kiate ia ki he kelekele. 27Bea fehui ia kiate kinautolu be oku nau fefe, o ne behe, Oku lelei hoo mou tamai, ae tagata motua naa mou lea ki ai? oku kei moui ia? 28Bea nau talaage, Ko hoo tamaioeiki koe mau tamai oku mālōlō be, oku kei moui ia. Bea naa nau tulolo ho nau ulu o nau hu. 29Bea naa ne haga hake hono mata o mamata ki hono tehina ko Benijimani, ae tama a ene fa‘e, o ne behe, Ko ho mou tehina eni, aia naa mou lea ki ai? bea behe eia, Ko hoku foha, ke ofa ae Otua kiate koe. 30Bea fakatootoo e Josefa, he nae gau‘e lahi hono fatu ki hono tehina: bea naa ne kumi ha botu ke tagi ai; bea hu ia ki hono loki, bea tagi ai. 31Bea naa ne kaukau hono mata, bea alu ki tua, bea ne fakama‘uma‘u eia ia, bea ne behe, Ke mou teu mai ae kai. 32Bea naa nau teuteu maana toko taha be, bea teu kehe maa nautolu, bea ai kehe ki he kakai Ijibite nae kai mo kinautolu; koeuhi nae ikai kai ae kakai Ijibite o fakataha moe kakai Hebelu; he koe mea ia nae fakalilia ai ae kakai Ijibite. 33Bea nae fakanofo akinautolu i hono ao, koe uluaki o fakatatau ki kono fanau‘i, moe kimui o fakatatau hi he ene jii; bea nae feofoaki be ae kau tagata. 34Bea nae too o age e nau meakai mei hono ao: ka koe mea a Benijimani, nae tuo nima hono lahi hake i he e nau mea. Bea naa nau inu mo nau fiefia mo ia.
Currently Selected:
JENESI 43: TWB
Highlight
Share
Copy
Want to have your highlights saved across all your devices? Sign up or sign in
