JENESI 11
11
1 Koe lea taha a mamani. 3 Koe laga o Bebeli. 5 Koe veuveuki ae gaahi lea. 10 Koe hako o Semi. 27 Koe hako o Tela koe tamai a Ebaiame. 31 Koe alu a Tela ki Halani.
1BEA nae gutu taha be a mamani kotoa, mo lea taha be. 2Bea nae hoko, i he e nau fonoga mei hahake, naa nau ilo ai ae toafa i he fonua ko Saina; bea nau nofo ai. 3Bea naa nau febeheaki, Vakai, ke tau gaohi ae makaumea, bea ta‘o ia ke vela aubito. Bea naa nau maka aki ae makaumea, mo nau lahe aki ae kelebulu. 4Bea naa nau behe, Vakai, ke tau laga moo tautolu ha kolo moe fale maoluga, kae a‘u hono tua fale ki lagi; bea tau fakaogoogoa a ho tau higoa, telia naa fakamovetevete akitautolu ki he fuga o mamani kotoa. 5Bea nae haele hifo a Jihova, ke afio ki he kolo moe fale maoluga, aia nae laga e he fānau ae tagata. 6Bea nae behe e Jihova, Vakai, oku taha be ae kakai, bea oku nau lea taha be; bea kuo nau kamata fai eni: bea koeni, e ikai taofia akinautolu, i ha mea kuo nau takakaukau ke fai. 7Vakai, ke tau alu hifo, bea veuveuki e nau lea, koeuhi ke oua naa nau feiloaki lea. 8Koia nae fakamovetevete ai akinautolu e Jihova ki he fuga o mamani kotoabe: bea naa nau tuku ae laga kolo. 9Koia oku ui ai hono higoa ko Bebeli; koeuhi nae veuveuki i ai e Jihova ae lea a mamani kotoabe: bea nae fakamovetevete akinautolu mei ai, e Jihova, ki he fuga o mamani kotoabe.
10Ko eni ae gaahi toutagata o Semi: nae teau ta‘u ae motua o Semi, bea fanau kiate ia a Afakisati i hono ua ta‘u hili ae lomaki: 11Bea nae moui a Semi hili ae fanau‘i a Afakisati i he ta‘u e nimageau, bea nae fanau kiate ia ae gaahi foha moe gaahi ofefine. 12Bea nae moui a Afakisati i he ta‘u e tolugofulu ma nima, bea fanau kiate ia a Sela: 13Bea nae moui a Afakisati, hili ae fanau‘i a Sela, i he ta‘u e fageau ma tolu, bea fanau kiate ia ae gaahi foha moe gaahi ofefine. 14Bea nae moui a Sela i he ta‘u e tolugofulu, bea nae fanau kiate ia a Ibela. 15Bea nae moui a Sela hili ae fanau‘i a Ibela i he ta‘u e fageau ma tolu, bea nae fanau kiate ia ae gaahi foha moe gaahi ofefine. 16Bea nae moui a Ibela i he ta‘u e tolugofulu ma fa, bea nae fanau kiate ia a Beleki: 17Bea nae moui a Ibela hili ae fanau‘i Beleki, i he ta‘u e fageau ma tolugofulu, bea nae fanau kiate ia ae gaahi foha moe gaahi ofefine. 18Bea nae moui a Beleki i he ta‘u e tolugofulu, bea nae fanau kiate ia a Liu: 19Bea nae moui a Beleki hili ae fanau‘i a Liu, i he ta‘u e uageau ma hiva, bea nae fanau kiate ia ae gaahi foha moe gaahi ofefine. 20Bea nae moui a Liu i he ta‘u e tolugofulu ma ua, bea nae fanau kiate ia a Seluke: 21Bea nae moui a Liu hili ae fanau‘i a Seluke, i he ta‘u e uageau ma fitu, bea nae fanau kiate ia ae gaahi foha moe gaahi ofefine. 22Bea nae moui a Seluke i he ta‘u e tolugofulu, bea nae fanau kiate ia a Nehoa; 23Bea nae moui a Seluke hili ae fanau‘i a Nehoa i he ta‘u e uageau, bea nae fanau kiate ia ae gaahi foha moe gaahi ofefine. 24Bea nae moui a Nehoa i he ta‘u e uofulu ma hiva, bea nae fanau kiate ia a Tela: 25Bea nae moui a Nehoa hili ae fanau‘i a Tela i he ta‘u e teau ma hogofulu ma hiva, bea nae fanau kiate ia ae gaahi foha moe gaahi ofefine. 26Bea nae moui a Tela i he ta‘u e fitugofulu, bea nea fanau kiate ia a Ebalame, mo Nehoa, mo Halani.
27Bea koeni ae hako o Tela: nae fanau kia Tela a Ebalame, mo Nehoa, mo Halani; bea nae fanau kia Halani a Lote. 28Bea nae tomua bekia a Halani i he ene tamai ko Tela, i he fonua nae fanau‘i ai ia, ko Ua i Kalitia. 29Bea nae ma‘u unoho a Ebalame mo Nehoa: koe higoa oe unoho o Ebalame ko Selai, bea koe higoa oe unoho o Nehoa ko Milika, koe ofefine o Halani, koe tamai a Milika, moe tamai a Isika. 30Ka nae baa a Selai; nae ikai haa ne tama 31Bea nae ave e Tela a hono foha ko Ebalame, mo Lote koe foha o hono foha ko Halani, mo Selai ko hono ofefine i he fono, koe unoho o hono foha ko Ebalame; bea naa nau alu atu mei Ua i Kalitia, ke fonoga ki he fonua ko Kenani; bea naa nau hoko ki Halani, o nofo ai. 32Bea koe gaahi aho o Tela koe ta‘u e uageau ma nima: bea nae bekia a Tela i Halani.
Currently Selected:
JENESI 11: TWB
Highlight
Share
Copy
Want to have your highlights saved across all your devices? Sign up or sign in
