EKESOTOSI 3
3
1 Oku tauhi e Mosese ae faga manu a Jetelo. 2 Oku fakaha ae Otua kiate ia i he ulu akau vela. 9 Oku ne fekau ia ke alu o fakahaofi a Isileli. 14 Koe huafa oe Otua. 15 Ko ene fekau ki Isileli.
1BEA koeni, nae tauhi e Mosese ae faga manu a ene tamai i he fono ko Jetelo, koe taulaeiki o Mitiane: bea naa ne tataki atu ae faga manu ki he tukuuta oe toafa, o a‘u ki he mouga oe Otua, ki Holebi. 2Bea nae ha mai ae agelo a Jihova kiate ia i he ulo afi i he lotolotoga oe uluakau: bea jio ia, bea vakai, nae ulo ae uluakau i he afi, ka nae ikai oji ai ae uluakau. 3Bea behe e Mosese, Koeni, teu afe atu o mamata ki he mea lahi ni, be koeha oku ikai vela ai ae uluakau. 4Bea nae afio‘i e Jihova ki he ene afe ke mamata, bea folofola ae Otua kiate ia mei he lotolotoga oe uluakau, o behe, Mosese, Mosese. Bea behe eia, Ko au eni. 5Bea behe eia, Oua naa ke ofi mai ki heni; too ho tobuva‘e mei ho va‘e, he koe botu oku ke tuu ai koe kelekele tabu. 6Bea naa ne behe foki, Ko au koe Otua o hoo tamai, koe Otua o Ebalahame, koe Otua o Aisake, bea koe Otua o Jekobe. Bea nae fufu e Mosese hono mata; he nae manavahe ia ke jio atu ki he Otua.
7Bea nae behe e Jihova, Koe mooni kuou mamata ki he mamahi a hoku kakai, aia oku i Ijibite, bea kuou ogo‘i e nau tagi koe mea i ho nau kau eginaki gaue: bea oku ou ilo‘i e nau gaahi mamahi: 8Bea kuou alu hifo ke fakamoui akinautolu mei he nima oe kakai Ijibite, bea ke omi akinautolu mei he fonua koia ki ha fonua lelei mo lahi, koe fonua oku mahu tafea i he hua huhu moe honi; ki he fonua oe kau Kenani moe kau Heti, moe kau Amoli, moe kau Belesi, moe kau Hevi, moe kau Jebusi. 9Bea koeni, vakai, koe tagi ae fānau a Isileli kuo ogo mai kiate au: bea kuou mamata foki ki he mamahi aia oku fakamamahi aki akinautolu e he kakai Ijibite. 10Bea koeni, ke ke ha‘u, bea teu fekau koe kia Felo, koeuhi ke ke omi hoku kakai koe fānau a Isileli mei Ijibite. 11Bea beheage e Mosese ki he Otua, Kohai au, koeuhi keu alu kia Felo, bea koeuhi keu omi ae fānau a Isileli mei Ijibite? 12Bea behe eia, Koe mooni, Teu iate koe; bea koe fakailoga eni kiate koe, kuou fekau‘i koe: Hili hao omi ae kakai mei Ijibite, te mou tauhi ae Otua i he mouga ni. 13Bea beheage e Mosese ki he Otua, Vakai, o kau ka hoko atu ki he fānau a Isileli, be au behe kiate kinautolu, Koe Otua o hoo mou gaahi tamai kuo ne fekau au kiate kimoutolu; bea te nau behe mai kiate au, Kohai hono huafa? bea koeha teu tala kiate kinautolu? 14Bea behe e he Otua kia Mosese, KO AU, KOE KO AU: bea behe eia, Te ke lea behe ki he fānau a Isileli, Kuo fekau au e he KO AU kiate kimoutolu. 15Bea toe behe e he Otua kia Mosese, Bea ke lea o behe ki he fānau a Isileli, Ko Jihova koe Otua o hoo mou gaahi tamai, koe Otua o Ebalahame, koe Otua o Aisake, moe Otua o Jekobe, kuo ne fekau au kiate kimoutolu: ko hoku huafa eni ke taegata, bea ko hoku fakailoga eni ki he gaahi toutagata kotoabe. 16Alu, o fakataha ae kau mātua o Isileli, mo ke behe kiate kinautolu, Ko Jihova koe Otua o hoo mou gaahi tamai, koe Otua o Ebalahame, o Aisake, mo Jekobe, nae ha mai ia kiate au, o ne behe mai, Kuou aahi atu mooni kiate kimoutolu, o mamata ki he mea oku fai kiate kimoutolu i Ijibite. 17Bea neu behe, Teu omi akimoutolu mei he gaahi mamahi o Ijibite, ki he fonua oe kau Kenani, moe kau Heti, moe kau Amoli, moe kau Belesi, moe kau Hevi, moe kau Jebusi, ki he fonua oku mahu tafea i he hua huhu moe honi. 18Bea te nau tokaga ki ho le‘o: bea te ke ha‘u, akoe moe kau mātua o Isileli ki he tu‘i o Ijibite, bea te mou lea kiate ia, Ko Jihova koe Otua oe kakai Hebelu kuo ha‘u kiate kimautolu: bea koeni, oku mau kole kiate koe, tuku ke mau alu i he fonogaaga oe aho e tolu ki he toafa, koeuhi ke mau fai ae feilaulau kia Jihova ko ho mau Otua. 19Bea oku ou ilo bau e ikai fie tukuage akimoutolu e he tu‘i o Ijibite ke mou alu, ka i he nima malohi. 20Bea teu mafao atu hoku nima o ta‘i a Ijibite aki a eku gaahi mea mana kotoabe, aia teu fai i he lotolotoga o ia: bea hili ia, te ne toki tuku ke mou alu. 21Bea teu fakaofeina ae kakai ni i he ao oe kakai Ijibite: bea e hoko o behe, oka mou ka alu, e ikai te mou alu majiva. 22Ka e kole ae fefine kotoabe ki hono kaugaabi, bea mo ia oku aunofo i hono fale, ae gaahi teuga siliva, moe teuga koula, moe gaahi kofu: bea te mou ai ia ki ho mou gaahi foha, bea ki ho mou gaahi ofefine; bea te mou fakamajiva‘i ae kakai Ijibite.
Currently Selected:
EKESOTOSI 3: TWB
Highlight
Share
Copy
Want to have your highlights saved across all your devices? Sign up or sign in
