EKESOTOSI 29
29
1 Koe feilaulau moe gaahi gaue i he fakanofo ae kau taulueiki 38 Koe feilaulau tutu e fai mau be. 45 Koe fakailo e he Otua te ne nofo moe fānau a Isileli.
1BEA koe mea eni te ke fai kiate kinautolu ke fakatabu‘i akinautolu, ke tauhi kiate au i he gaue fakataulaeiki: Omi ha bulu mui e taha, moe sibi tagata e ua tae haa na mele. 2Moe ma tae fakalevani, moe gaahi foi ma iki tae fakalevani, kuo natu aki ae lolo, moe gaahi ma manifinifi kuo tākai aki ae lolo: gaohi ia aki ae kano‘i uite. 3Bea te ke ai ia ki he kato be taha, bea omi ia i he kato, fakataha moe bulu moe sibi tagata e ua. 4Bea te ke omi a Elone mo hono gaahi foha ki he mataba oe fale fehikitaki oe kakai, bea ke kaukau‘i akinautolu aki ae vai. 5Bea te ke omi ae gaahi kofu, bea ai kia Elone ae kofu tua, moe kofu oe efoti, moe efoti, moe jifafatafata, o nonoo aki ia ae noo fakanikoniko‘i oe efoti: 6Bea te ke ai ae tatā ki hono ulu, bea ai ae bale tabu ki he tatā. 7Bea te ke toki too ae lolo tākai, o ligi ia ki hono ulu, o tākai aki ia. 8Bea te ke omi hono gaahi foha o ai ae gaahi kofu kiate kinautolu. 9Bea te ke nonoo a Elone mo hono gaahi foha aki ae gaahi noo, bea ai moe gaahi tatā kiate kinautolu: bea koe gaue ae taulaeiki e anautolu ia i he fekau tuu mau be: bea te ke fakatabu‘i a Elone mo hono gaahi foha. 10Bea te ke fekau ke omi ae bulu tagata ki he mata fale fehikitaki oe kakai: bea ko Elone mo hono gaahi foha te nau hili ho nau nima ki he ulu oe bulu tagata. 11Bea te ke tamate‘i ae bulu tagata i he ao o Jihova, i he vee mataba oe fale fehikitaki oe kakai. 12Bea te ke too ae toto oe bulu tagata o ai ia ki he gaahi nifo oe feilaulauaga aki ho tuhu, bea liligi hono toto kotoabe oku toe ki lalo i he vee feilaulauaga. 13Bea te ke too ae gako kotoabe oku ne ufiufi ae tootooga i loto, ae ahu moe ate, moe kofuua e ua, moe gako oku i ai, o tutu ia i he fuga oe feilaulauaga. 14Ka ko hono kakano oe bulu mo hono kili, mo hono tae, te ke tutu ia aki ae afi i he tuaa oe abitaga: koe feilaulau ia ma ae agahala.
15Bea te ke too foki ae sibi tagata e taha; bea ko Elone mo hono gaahi foha te nau hili ho nau nima ki he ulu oe sibi tagata. 16Bea te ke tamate‘i ae sibi tagata, bea ke too hono toto, o luluku takatakai ia i he feilaulauaga. 17Bea te ke tafa ae sibi tagata ke iki, bea fufulu ae tootooga i loto o ia, mo hono kauva‘e, o ai ia ki hono gaahi koga, bea ki hono ulu. 18Bea te ke tutu ae sibi tagata kotoabe i he fuga feilaulauaga: koe feilaulau tutu ia kia Jihova: koe mea namu kakala ia, koe feilaulau kuo gaohi aki ae afi kia Jihova.
19Bea te ke ave ae sibi tagata e taha: bea e hilifaki e Elone mo hono gaahi foha ho nau nima ki he ulu oe sibi tagata. 20Bea te ke tamate‘i ae sibi tagata, bea omi hono toto, bea ai ia i he botu i oluga oe teliga toomatau o Elone, bea ki he botu i oluga oe teliga toomatau o hono gaahi foha, bea ki he motua nima o ho nau nima toomatau, bea ki he motua va‘e o ho nau va‘e toomatau, bea luluku ae toto ki he feilaulauaga o takatakai. 21Bea te ke too ae toto aia oku i he feilaulauaga, bea moe lolo takai, o luluku aki a Elone, mo hono gaahi kofu, mo hono gaahi foha, bea moe gaahi kofu o hono gaahi foha mo ia: bea e fakatabu‘i ia, mo hono gaahi kofu, mo hono gaahi foha, moe gaahi kofu o hono gaahi foha. 22Bea te ke too foki mei he sibi tagata ae gako, moe tuugaiku, moe gako oku ne ufiufi ae tootooga i loto, moe ahu i oluga i he ate, moe kofuua e ua, moe gako oku i ai, moe alaganima toomatau; he koe sibi tagata ia oe fakatabu‘i: 23Bea moe foi ma e taha, moe ma jii kuo tākai aki ae lolo, moe foi ma manifinifi e taha mei he kato oe ma tae fakalevani, aia oku i he ao o Jihova: 24Bea te ke ai ia kotoabe ki he nima o Elone, bea moe nima o hono gaahi foha: bea ke lieliaki ia, koe feilaulau lieliaki ia i he ao o Jihova. 25Bea te ke ma‘u ia mei ho nau nima, o tutu ia i he fuga oe feilaulauaga, koe feilaulau tutu, koe mea namu kakala i he ao o Jihova: koe feilaulau ia kuo gaohi aki ae afi kia Jihova. 26Bea te ke too hono fatafata oe sibi tagata oe fakatabu‘i o Elone, o lieliaki ia koe feilaulau lieliaki ia i he ao o Jihova: bea ko ho inaii ia. 27Bea te ke fakatabu‘i ae fatafata oe feilaulau lieliaki, moe alaganima oe feilaulau hiki hake, aia oku lieliaki, bea oku hiki hake: ae sibi tagata oe fakatabu‘i, io, o ia oku a Elone, mo ia oku a hono gaahi foha. 28Bea e ia Elone ia mo hono gaahi foha i he fekau tuu mau mei he fānau a Isileli: he koe feilaulau hiki hake ia; bea e hoko ia koe feilaulau hiki hake mei he fānau a Isileli mei he feilaulau oe fakamelino, io, koe nau feilaulau hiki hake kia Jihova.
29Bea koe gaahi kofu tabu o Elone e hoko ki hono gaahi foha ki mui iate ia, aia e tākai ai, bea e fakatabu‘i ai akinautolu. 30Bea koe foha koia kuo hoko ke taulaeiki, ko hono fetogi o ia, te ne ai ia i he aho e fitu, i he ene ha‘u ki he fale fehikitaki oe kakai ke gaue i he botu maonioni.
31Bea te ke ave ae sibi tagata o fakatabu‘i, bea haka hono kakano i he botu maonioni. 32Bea e kai e Elone mo hono gaahi foha ae kakano oe sibi tagata, moe ma oku i he kato, i he vee matabe oe fale fehikitaki oe kakai. 33Bea te nau kai ae gaahi mea koia, aia nae fai aki ae fakalelei, ke fakanofo mo fakatabu‘i akinautolu: ka e ikai kai ia e ha toko taha kehe, he oku tabu ia. 34Bea kabau oku toe ha kakano oe fakatabu‘i be koe ma, o a‘u ki he abogibogi, bea e tutu hono toe aki ae afi: e ikai kai ia, koeuhi oku tabu. 35Bea te ke fai behe be kia Elone mo hono gaahi foha, o fakatatau ki he mea kotoabe kuou fekau kiate koe: koe aho e fitu te ke fakatabu‘i ai akinautolu. 36Bea te ke atu ae bulu tagata i he aho kotoabe koe feilaulau oe agahala ke fakalelei aki: bea te ke fakamaa ae feilaulauaga, hili hao fai ae fakalelei koeuhi koia, bea ke tākai ia ko hono fakatabu‘i. 37Koe aho e fitu te ke fai ae fakalelei ki he feilaulauaga, o fakatabu‘i ia; bea e hoko ia koe feilaulauaga maonioni lahi: koia kotoabe e lave ki he feilaulauaga e tabu ia.
38Bea koe mea eni aia te ke atu i he fuga oe feilaulauaga: koe lami e ua oe uluaki ta‘u mau ai be i he aho kotoabe. 39Te ke atu ae lami e taha i he bogibogi; moe lami e taha i he efiafi: 40Bea kakano aki ae lami e taha ae oma e taha oe mahoaa kuo ligi ki ai hono fa oe vahe oe hini lolo tuki; mo hono fa oe vahe oe hini uaine koe feilaulau inu. 41Bea ko hono ua oe lami te ke atu i he efiafi, mo ke fai ki ai o hage koe feilaulau kai oe bogibogi, bea fakatatau ki he feilaulau inu o ia, koe mea namu kakala, koe feilaulau kia Jihova kuo gaohi aki ae afi. 42Ko eni ae feilaulau tutu ke fai mau be i ho mou gaahi toutagata i he ao o Jihova i he mataba oe fale fehikitaki oe kakai; aia teu fetaulaki ai mo kimoutolu, ke lea ai kiate koe. 43Bea teu fakafetaulaki ai moe fānau a Isileli, bea e fakatabu‘i aki ae fale fehikitaki a hoku nāunāu. 44Bea teu fakatabu‘i ae fale fehikitaki oe fakataha, moe feilaulauaga: Teu fakatabu‘i foki a Elone mo hono gaahi foha, ke nau gaue kiate au i he gaue ae taulaeiki.
45Bea teu nofo i he lotolotoga oe fānau a Isileli, bea ko ho nau Otua au. 46Bea te nau ilo ko au ko Jihova ko ho nau Otua, neu omi akinautolu mei he fonua ko Ijibite, koeuhi keu nofo iate kinautolu: Ko au ko Jihova ko ho nau Otua.
Currently Selected:
EKESOTOSI 29: TWB
Highlight
Share
Copy
Want to have your highlights saved across all your devices? Sign up or sign in
