EKESOTOSI 20
20
1 Koe fekau e hogofulu. 18 Oku manavahe ae kakai. 20 Oku fakafiemalie‘i akinautolu e Mosese. 22 Oku tabu ke tauhi otua loi. 24 Ko hono aga oe feilaulauaga.
1BEA nae folofola aki e he Otua ae gaahi folofola ni kotoabe, o behe, 2Ko au ko Jihova ko ho mou Otua, kuou omi koe mei he fonua ko Ijibite, mei he fale oe bobula. 3Oua naa ke ma‘u mo au ha otua kehe i hoku ao. 4Oua naa ke gaohi kiate koe ha fakatātā, be ha mea fakatatau e taha i ha mea i he lagi i oluga, be ha mea oku i he fonua i lalo ni, be ki ha mea oku i he vai i he lalo fonua: 5Oua naa ke bunou hifo koe kiate kinautolu, be tauhi ki ai: he ko au Jihova ko ho Otua koe Otua fuaa au, oku ou totogi ae hia ae gaahi tamai ki he fānau, o a‘u ki hono tolu mo hono fa oe toutagata o kinautolu oku fehia kiate au; 6Beau fakaha ae aloofa ki he gaahi toko afe o kinautolu oku ofa kiate au mo tauhi eku gaahi fekau. 7Oua naa ke takuanoa ae huafa o Jihova ko ho Otua; koeuhi e ikai lau e Jihova koe tae halaia ia, aia oku ne takuanoa hono huafa. 8Manatu ki he aho sabate, ke tauhi ia ke maonioni. 9Koe aho e ono ke ke gaue ai, o fai ai hoo gaue kotoabe: 10Ka ko hono fitu oe aho koe sabate ia o Jihova ko ho Otua: oua naa ke fai i ai ha gaue e taha, akoe, be ko ho foha, be ko ho ofefine, ko hoo tamaioeiki, be ko hoo kaunaga, be ko hoo faga manu, be koe muli oku nofo i ho lotoa; 11He nae gaohi e Jihova i he aho e ono, ae lagi, moe fonua, moe tahi, moe gaahi mea kotoabe oku i ai, bea ne mālōlō i hono fitu oe aho: koia nae tabuaki‘i ai e Jihova ae aho sabate o ne fakatabu‘i ia. 12Fakaabaaba ki hoo tamai mo hoo fa‘e: koeuhi ke fuoloa ho gaahi aho i he fonua oku foaki e Jihova ko ho Otua kiate koe. 13Oua naa ke fakabo. 14Oua naa ke tonofefine. 15Oua naa ke kaihaa. 16Oua naa ke tukuaki‘i a ho kaugaabi. 17Oua naa ke manumanu ki he fale o ho kaugaabi, oua naa ke manumanu ki he unoho o ho kaugaabi, be ki he ene tamaioeiki, be ki he ene kaunaga, be ki he ene faga bulu, be ki he ene asi, be ki ha mea e taha oku a ho kaugaabi.
18Bea nae mamata ae kakai kotoabe ki he gaahi mana, moe gaahi uhila, moe logoaa lahi oe mea lea, moe kohu oe mouga: bea i he e nau mamata ki ai, naa nau holomui, o tuu mai mei he mamao. 19Bea naa nau lea kia Mosese, Ke ke lea koe kiate kimautolu, bea te mau tokaga ki ai: kae oua naa folofola ae Otua kiate kimautolu, telia naa mau mate. 20Bea talaage e Mosese ki he kakai, Oua e manavahe; he kuo haele mai ae Otua, ko ho mou ahiahi‘i, bea ke i ho mou ao ene manavahe, ke oua naa mou fai agahala. 21Bea nae tuu ae kakai mei he mamao, bea unuunu atu a Mosese ki he bouli matolu, aia nae afio ai ae Otua.
22Bea nae folofola a Jihova kia Mosese, Ke ke lea ki he fānau a Isileli, o behe, Kuo mou mamata ki he eku lea kiate kimoutolu mei lagi. 23Oua naa mou gaohi ke fakalahi aki au ha gaahi otua siliva, bea oua naa mou gaohi kiate kimoutolu ae gaahi otua koula.
24Ke ke gaohi ae feilaulauaga kelekele kiate au, bea ke fai ai hoo gaahi feilaulaututu, mo hoo gaahi feilaulau-fakalelei, a hoo faga sibi, moe faga bulu: bea i he botu kotoabe oku ou fakaha ai hoku huafa, teu ha‘u ai kiate koe, bea teu tabuaki‘i koe. 25Bea kabau oku ke fie gaohi kiate au ae feilaulauaga maka, oua naa ke gaohi aki ia ae maka kuo ta: he kabau te ke hiki ki ai ha toki, kuo ke uli‘i ia. 26Bea oua naa ke alu hake i ha tuuga ki hoku feilaulauaga, telia naa ilo‘i ai hoo telefua.
Currently Selected:
EKESOTOSI 20: TWB
Highlight
Share
Copy
Want to have your highlights saved across all your devices? Sign up or sign in
