EKESOTOSI 14
14
1 Oku akonaki‘i e he Otua ae kakai Isileli i he e nau fonoga. 5 Oku tuli akinautolu e Felo. 10 Oku lāuga ae kakai Isileli. 13 Oku fakafiemalie‘i akinautolu e Mosese. 19 Oku hiki o tuu ki mui ae ao. 21 Oku fonoga ae kakai Isileli o aji i he tahi Kulokula. 23 Oku lomaki‘i ai ae kakai Ijibite.
1BEA nae folofola a Jihova kia Mosese, o beheage, 2Tala ki he fānau a Isileli ke nau afe o abitaga i he ao o Bi‐heloti, i he vahaa o Mikitoli moe tahi, o haga tonu ki Beali‐sefoni: mou abitaga i he feagai moia o ofi ki tahi. 3Koeuhi e lea a Felo ki he fānau a Isileli, Kuo nau efihia i he fonua, kuo bunujia akinautolu e he toafa. 4Bea teu fakafefeka ae loto o Felo, koeuhi ke ne tuli akinautolu; bea teu ogolelei ai ia Felo mo ene kau tau kotoabe; ke ilo ai e he kakai Ijibite ko Jihova au. Bea naa nau fai ia.
5Bea nae tala ki he tu‘i o Ijibite kuo hola ae kakai: bea nae kovi leva ae loto o Felo, mo ene kau tamaioeiki ki he kakai, bea nau behe, Koeha kuo tau fai ai ae mea ni, ke tuku a Isileli ke alu mei he e nau tauhi akitautolu? 6Bea naa ne teu‘i leva ene saliote, o ne ave a hono kakai mo ia: 7Bea ne ave ae saliote fili e onogeau, moe gaahi saliote kotoabe o Ijibite, bea nae taki taha kotoabe a hono eiki tau. 8Bea nae fakafefeka e Jihova ae loto o Felo koe tu‘i o Ijibite, bea naa ne tuli ki he fānau a Isileli: bea nae alu atu ae fānau a Isileli moe nima maoluga. 9Ka nae tuli akinautolu e he kakai Ijibite, koe faga hose kotoabe, moe gaahi jaliote o Felo, me ene kau tagata heka hose, mo ene tau, o nau ma‘u akinautolu i he e nau abitaga o ofi ki tahi, i he botu o Bi‐heloti, i he ao o Beali‐sefoni.
10Bea i he unuunu o ofi a Felo, bea haga hake ae mata oe fānau a Isileli, bea vakai, oku tuli akinautolu e he kakai Ijibite; naa nau manavahe lahi: bea tagi kalaga ae fānau a Isileli kia Jihova. 11Bea naa nau behe kia Mosese, Nae ikai ha tanuaga i Ijibite, koia kuo ke omi ai akimautolu ke mate i he toafa? koeha kuo ke fai behe ai kiate kimautolu, ke fetuku akimautolu mei Ijibite? 12Ikai koe lea eni naa mau tala kiate koe i Ijibite, o behe, Tuku ai be akimautolu, koeuhi ke mau tauhi ae kakai Ijibite? He ta ne lelei lahi e mau tauhi ae kakai Ijibite, i he e mau mate i he toafa.
13Bea behe e Mosese ki he kakai, Oua te mou manavahe, tuu fakalogologo be, o mamata ki he fakamoui a Jihova, aia te ne fakaha kiate kimoutolu he aho ni: he koe kakai Ijibite kuo mou mamata ki ai he aho ni, e ikai te mou toe mamata ki ai o lauikuoga. 14E tau a Jihova maa moutolu, bea te mou fakalogo be.
15Bea nae folofola a Jihova kia Mosese. Koeha oku ke tagi ai kiate au? lea kia he fānau a Isileli ke nau alu atu be. 16Ka ke hiki hake ho tokotoko, o mafao atu ho nima ki tahi, o fakavaeua ia: bea e alu ae fānau a Isileli i he kelekele momoa i he loto tahi. 17Bea ko au, vakai, teu fakafefeka ae loto oe kakai Ijibite, bea te nau muimui iate kinautolu; bea teu ma‘u ae ogoogo ia Felo, bea mo ene kau tau kotoabe, mo ene gaahi jaliote, mo ene kau tagata heka hose. 18Bea e ilo e he kakai Ijibite ko au ko Jihova, hili ae fakaogoogo au ia Felo, mo ene gaahi jaliote, mo ene kau tagata heka hose.
19Bea koe agelo ae Otua, aia nae alu muomua i he fonoga o Isileli, nae hiki o alu kimui iate kinautolu; bea koe bou oe ao nae hiki ia mei ho nau ao, o tuu kimui iate kinautolu: 20Bea nae ha‘u ia o tuu i he vahaa oe kakai Ijibite moe kakai Isileli; bea koe ao ia moe fakabouli kiate kinautolu na, ka nae fakamāma ia kiate kinautolu ni: koia nae ikai hoko ai ae taha ki he taha i he bo kotoa koia. 21Bea nae mafao atu ae nima o Mosese ki tahi; bea nae bule a Jihova ke foki ae tahi i he matagi malohi mei hahake, i he bo kotoa koia, o ne gaohi ae tahi ke momoa, bea nae vaeua ae gaahi vai. 22Bea nae alu momoa ae fānau a Isileli i he loto tahi: bea koe a kiate kinautolu ae vai i he nima toomatau, moe nima toohema.
23Bea tuli e he kakai Ijibite, o nau alu o muimui iate kinautolu ki loto tahi, io, ae gaahi hosi kotoabe a Felo, mo ene gaahi jaliote, moe kau heka hosi. 24Bea i he hoko ae lakaga leo bogibogi, nae afio a Jihova ki he kau tau o Ijibite mei he bou oe afi moe ao, o ne veuveuki ae tau ae kakai Ijibite, 25O ne too ae va‘e mei he e nau gaahi saliote; koia nae tohogataa ai: bea behe e he kakai Ijibite, Ke tau hola mei he ao o Isileli; he oku tau maa nautolu a Jihova kiate kitautolu Ijibite.
26Bea folofola a Jihova kia Mosese, Mafao atu ho nima ki tahi, koeuhi ke toe ha‘u ae tahi ki he kakai Ijibite, bea ki he e nau gaahi jaliote, bea moe kau tagata heka hose. 27Bea mafao atu ae nima o Mosese ki tahi, bea bogibogi ai, nae toe tau mai ae tahi i he ene malohi; bea hola ai ae kakai Ijibite; ka nae liaki e Jihova ae kakai Ijibite i loto tahi. 28Bea nae tau mai ae tahi, o lomaki‘i ae gaahi jaliote a Felo, moe kau tagata heka hose, bea moe tau kotoabe nae ha‘u ki tahi o tuli akinautolu; nae ikai ke hao ha toko taha. 29Ka nae alu be ae fānau a Isileli i he momoa i loto tahi: bea hage koe a maka ae tahi kiate kinautolu i he nima toomatau, moe toohema. 30Nae behe hono fakamoui e Jihova a Isileli i he aho koia mei he nima oe kakai Ijibite; bea nae mamata a Isileli ki he kakai mate o Ijibite, i he matātahi. 31Bea nae mamata a Isileli ki he gaue lahi koia, aia nae fai e Jihova ki he kakai Ijibite; bea nae manavahe ae kakai kia Jihova, o tui kia Jihova, mo ene tamaioeiki ko Mosese.
Currently Selected:
EKESOTOSI 14: TWB
Highlight
Share
Copy
Want to have your highlights saved across all your devices? Sign up or sign in
