2 TIMOTE 4
4
1 Oku ne eginaki ke ne fai ene gaue i he tokaga moe faa fai, 6 o ne tala kia Timote kuo ofi ene mate, 9 o ne loto ke vave a Timote kiate ia, bea ke alu mo Maake, moe mea niihi naa ne tohi ke omi. 14 Oku ne tala ke vakai telia a Alekisanita koe tufuga gaohi mea kaba. 16 Ae aga o ene fuofua fakamatala. 19 Ko ene lea fakaoji.
1KOIA oku ou fekau i he ao oe Otua, moe Eiki ko Jisu Kalaisi, aia te ne fakamāu ae moui moe mate i he ene fakaha mai mo hono buleaga; 2Ke ke malaga aki ae folofola; faa fai i he faigamalie, moe tae ha faigamalie; valoki, mo fakatonutonu, mo eginaki, i he aga faa kataki kotoabe moe akonaki. 3Koeuhi e hoko ae kuoga e ikai te nau faa kataki ai ae akonaki totonu; ka i he iate kinautolu ae teliga veli, te nau fakatokolahi maa nautolu ae kau akonaki o tatau moe nau holi. 4Bea te nau fakatafoki ho nau teliga mei he mooni, bea tuli taubau ki he mea loi. 5Ka ke leo be akoe i he mea kotoabe, kataki ae gaahi mea mamahi, fai ae gaue oe evagelio, fai ke kakato hoo gaue fakafaifekau. 6He oku ou tali be ki hoku liligi, bea oku ofi ae aho o hoku tukuage. 7Kuou tau ae tau lelei, kuou lava‘i ae fakabuebue, kuou tauhi mau ae tui: 8Gata ai, kuo hilifaki mooku ae bale oe maonioni, aia e foaki mai kiate au i he aho koia e he Eiki, koe Fakamāu maonioni: bea ikai kiate au be, ka kiate kinautolu kotoabe foki oku ofa ki hono fakaha mai. 9Ke ke fakatootoo ke ha‘u vave kiate au: 10He kuo jiaki au e Temasi; kuo ofa ia ki he mamani, bea kuo alu ia ki Tesalonika; ko Kilisini ki Kaletia, mo Taitusi ki Talemetia. 11Ko Luke be oku iate au. Ha‘u mo Maake, bea mo omi fakataha: he oku aoga ia kiate au i he gaue fakafaifekau. 12Bea kuou fekau a Tikiko ki Efeso. 13Omi ae kofu naaku tuku mo Ka-bosi i Taloasi, oka ke ka ha‘u, moe gaahi tohi, kae tokaga lahi ki he gaahi tohi kili‘i manu. 14Nae fai kovi lahi kiate au e Alekisanita, koe tufuga gaohi mea kaba: e totogi e he Eiki kiate ia o hage ko ene gaahi gaue: 15Aia ke ke vakai ki ai foki, he oku lahi aubito ene fakataga ki he e tau lea. 16I he eku fuofua fakamatala, nae ikai ha tagata e tuu mo au, ka naa nau liaki kotoabe au: ofa ke oua naa lau ia kiate kinautolu. 17Ka nae tuu mo au ae Eiki, o ne fakamalohi‘i au; koeuhi ke fakamooni iate au ae malaga, bea ke fanogo ki ai ae Jenitaile kotoabe: bea nae fakamoui au mei he gutu oe laione. 18Bea e fakahaofi au e he Eiki mei he gaue kovi kotoabe, bea te ne fakamoui o a‘u ki hono buleaga i he lagi: ke iate ia ae ogoogo lelei o taegata bea taegata. Emeni. 19Tala eku ofa kia Bisila mo Akuila, moe fale o Onesifolo. 20Nae nofo a Elasito i Kolinito: ka naaku tuku a Talofimo i Mileto oku mahaki. 21Ke ke ahiahi ke ha‘u i he teeki hokojia ae faahita‘u momoko. Oku ofa atu kiate koe a Iubulo, mo Biu-tena, mo Laino, mo Kalotia, moe kaiga kotoabe. 22Ke i ho laumalie ae Eiki ko Jisu Kalaisi. Ke iate kimoutolu ae aloofa. Emeni.
Currently Selected:
2 TIMOTE 4: TWB
Highlight
Share
Copy
Want to have your highlights saved across all your devices? Sign up or sign in
