2 TIMOTE 2
2
1 Oku toe eginaki ia ki he tuu mau moe fakakukafi, bea ke fai ae gaue totonu oe tamaioeiki agatonu ae Eiki, i he ene vahevahe totonu mo lelei ae folofola ae Eiki, bea ke taofi aki ae gaahi launoa moe vaiga. 17 Oku kau ki ai a Aiminia mo Failito. 19 Koe tuuga ae Eiki oku mooni. 22 Oku tala kiate ia ae gaahi mea ke vakai ki ai, moe gaahi mea ke tuli ki ai, moe aga oku tāu moe tāmaio-eiki ae Eiki ke fai.
1KOIA, ko hoku foha, ke ke malohi koe i he ofa aia oku ia Kalaisi Jisu. 2Bea koe gaahi mea koia kuo ke fanogo iate au i he ao oe kau fakamooni toko lahi, ke ke tuku ia ki he kau tagata agatonu, ke nau faa fai ke akonekina foki ae niihi. 3Koia ke ke faa kataki ae gaue fai-gataa, o tāu moe tagata tau lelei a Jisu Kalaisi. 4Oku ikai ha tagata oku ne fai ae tau bea ne fakaefihia ia i he gaahi mea oe moui ni; kae kehe ke fakafiemalie kiate ia kuo fili ia koe tagata tau. 5Bea kabau oku feiga e ha toko taha ke ne ikuna, oku ikai fakabale ia, kae i he ene feiga totonu. 6Bea oku tāu moe tagata tauhi goue ke tomua fai ae gaue i he ene kai hono fua. 7Tokaga ki he eku lea; bea ofa ke tuku kiate koe e he Eiki ae ilo i he mea kotoabe. 8Manatu kia Jisu Kalaisi koe hako o Tevita, nae fokotuu hake ia mei he mate, o fakatatau mo eku ogoogolelei: 9Aia oku ou mamahi ai o hage ha fai kovi, bea kuo ha‘ijia au; ka oku ikai ha‘ijia ae folofola ae Otua. 10Koia oku ou faa kataki ai ae mea kotoabe koeuhi ko kinautolu kuo fili, koeuhi ke nau ma‘u foki ae fakamoui aia oku ia Kalaisi Jisu moe hakeaki‘i taegata. 11Koe tala mooni eni: He kabau kuo tau mate mo ia, te tau moui foki mo ia: 12Kabau oku tau faa kataki, te tau bule foki mo ia: kabau te tau liaki ia, te ne liaki akitautolu foki: 13Kabau oku tau taetui, ka oku mooni behe ai be ia: oku ikai te ne faa fakaikai‘i ia. 14Fakamanatu ae gaahi mea ni, o fekau kiate kinautolu i he ao oe Eiki, ke oua naa nau fakakikihi i he gaahi lea oku ikai hano aoga, ka koe faka-he‘i oe kau fanogo ki ai. 15Ke ke feiga ke fakaha koe oku ke lelei ki he Otua, koe tagata gaue oku ikai ke ma, kae vahevahe totonu atu ae folofola oe mooni. 16Ka ke jiaki ae gaahi lea babunoa moe kovi: koeuhi e tubu bea ajili ai ae aga fakataelotu. 17Bea e keina e nau lea o hage koe bobo: bea oku i ai a Aiminia mo Failito; 18Akinaua kuo na he mei he mooni, o na behe kuo hiliage ae toetuu; bea kuo na fulihi ae tui ae niihi. 19Ka oku tuu mau be ae tuuga oe Otua, oku i ai ae fakailoga ni, Oku ilo e he Eiki akinautolu oku aana; bea, Ke iloga ia oku ne hua aki ae huafa o Kalaisi, ke afe ia mei he agahia. 20Ka i he fale lahi oku ikai ke gata i he gaahi ibu koula mo siliva be, ka oku i ai moe ibu akau moe umea; koe niihi ke aoga lahi, moeniihi ke aoga jii be. 21Koia kabau e fakamaa ia e ha tagata mei he gaahi mea ni, e hoko ai ia koe ibu ke aoga lahi, kuo fakatabu‘i, bea tāu moe eiki ke gaue aki, kuo teuteu ki he gaue lelei kotoabe. 22Ke ke buna foki mei he gaahi holi fakatalavou: ka ke tuli ki he maonioni, moe agatonu, moe ofa, moe melino, kiate kinautolu oku ui ki he Eiki i he loto maa. 23Ka ke liaki ae gaahi fehui vale mo launoa, i hoo ilo oku tubu ai ae fakakikihi. 24Bea oku ikai lelei ke fakakikihi ae tamaioeiki ae Eiki; ka ke agavaivai ia ki he kakai kotoabe, o faa ako, mo faa kataki, 25O akonekina i he agamalu akinautolu oku agatuu; hei ilo e foaki ai e he Otua kiate kinautolu ae fakato-mala ke nau tui ki he mooni; 26Bea nau fakahaofia akinautolu mei he tauhele ae tevolo, akinautolu kuo ne moua o fakabobula‘i ko ene faiteliha be.
Currently Selected:
2 TIMOTE 2: TWB
Highlight
Share
Copy
Want to have your highlights saved across all your devices? Sign up or sign in
