1 TIMOTE 6
6
1 Koe gaue totonu ae kau tamaioeiki, 3 Ke oua naa kau fakataha moe kakai akonaki foou. 6 Koe koloa lahi ae aga faka‐Otua, 10 bea koe ofa ki he koloa fakamama koe tefito ia oe gaahi kovi. 11 Ae gaahi mea ke buna mei ai a Timote, moe gaahi mea ke ne tuli ki ai, 17 mo ia ke ne valoki aki ae kakai ma‘umea. 20 Ke tauhi ke maonioni ae gaahi akonaki, bea ke oua naa tokaga ki he gaahi launoa taeaoga.
1KE behe e he kau tamaioeiki kotoabe oku moulaloa ki he haamoga, oku totonu ke tuku ki ho nau houeiki ae fakaabaaba kotoabe, telia naa faka-ogokovi ae huafa oe Otua mo ene akonaki. 2Bea ko kinautolu oku ai ho nau eiki oku tui, oua naa nau taefaka-abaaba ki ai, koeuhi oku nau kaiga; ka ke ajili ai e nau gaue, koeuhi oku nau agatonu mo ofeina, o nau kau i he lelei. Koe gaahi mea ni ke ke ako mo eginaki aki. 3Kabau oku ako kehe e ha taha, bea ikai loto ia ki he gaahi lea lelei, ae gaahi lea a ho tau Eiki ko Jisu Kalaisi, bea ki he akonaki aia oku tāu moe aga faka‐Otua; 4Oku fielahi ia, o taeilo ha mea, ka oku mahaki aki eia ae gaahi fehui moe gaahi fakakikihi lea, aia oku tubu ai ae meheka, moe fekeikei, moe felaui-koviaki, moe femahalokoviaki. 5Moe fefakakikihikoviaki ae kau tagata loto kovi, bea taema‘u ae mooni, oku nau mahalo koia e koloaia ai koe lotu ia; ke ke mavahe koe mei he kakai behe. 6Ka koe aga faka‐Otua moe loto fiemalie, koe koloa lahi ia. 7He nae ikai te tau omi ha mea ki he mamani, bea kuo bau e ikai te tau faa ave ai ha mea. 8Bea i he e tau ma‘u ae mea kai moe kofu ke tau fiemalie ai. 9Ka ko kinautolu oku holi ke koloaia, oku nau to ki he ahiahi moe tau-hele, moe gaahi holi vale lahi mo faka-mamahi, aia oku lomaki‘i ae kakai ki he malaia moe mate fakaauha. 10He koe ofa ki he koloa, koe tefito ia oe kovi kotoabe: aia i he manumanu feiga ki ai ae niihi, kuo nau he mei he tui, bea kuo nau hokahoka‘i aki akinautolu ae gaahi mamahi lahi. 11Ka ko koe, ae tagata oe Otua, buna mei he gaahi mea ni; bea ke tuli ki he maonioni, moe aga faka‐Otua, moe tui, moe ofa, moe faa kataki, moe agavaivai. 12Tau ae tau lelei oe tui, buke ke mau ae moui taegata, aia kuo ui foki koe ki ai, bea kuo ke fakaha ae fakamooni lelei i he ao oe fakamooni toko lahi. 13Oku ou fekau kiate koe, i he ao oe Otua, aia oku ne fakaake ae mea kotoabe, moe ao o Kalaisi Jisu, aia naa ne fakamooni i he ao o Bonito Bailato ae fakaha lelei; 14Ke ke tauhi ae fekau ni o taemele, bea taevalokia, o a‘u ki he fakaha mai a ho tau Eiki ko Jisu Kalaisi: 15Aia te ne fakaha i hono kuoga oona, koe Eiki monuia, mo taha be, koe Tu‘i ki he gaahi tui, moe Eiki ki he gaahi eiki; 16Aia oku i ai toko taha be ae tae faa mate, oku nofoia eia ae māma tae faa fotuaki; aia kuo teeki mamata ki ai ha tagata, bea ikai jii te ne faa mamata ki ai: ke iate ia ae fakaabaaba moe malohi o taegata. Emeni. 17Fekau kiate kinautolu oku koloaia i mamani, ke oua naa nau loto viki, be falala ki he koloa taemāu, ka ki he Otua moui, aia oku ne foaki lahi ae gaahi mea kotoabe kiate kitautolu ke tau fiemalie ai; 18Ke nau fai lelei, ke lahi e nau gaahi gaue lelei, o fie tufaki, o aga fie tokoni; 19Bea nau tokonaki maa nautolu ae tuuga lelei ki he kuoga e hoko, koeuhi ke nau buke ki he moui taegata. 20E Timote, ke ke buke aia kuo tuku kiate koe ke tauhi, mo ke tabu i he gaahi babunoa mo launoa, moe akonaki agatuu, oku ui loi be koe boto. 21Aia i he tokaga ki ai ae niihi, kuo nau he mei he tui. Ke iate koe ae aloofa. Emeni.
Currently Selected:
1 TIMOTE 6: TWB
Highlight
Share
Copy
Want to have your highlights saved across all your devices? Sign up or sign in
