1 TIMOTE 3
3
2 Ae aga oku tāu moe kau tauhi, moe kau akonaki, mo ho nau unoho, 14 mo hono uhiga oe tohi e Baula kia Timote i he gaahi mea ni. 15 Ki he jiaji, moe mooni fakamonuia oku ako mo fakaha i ai.
1KOE tala mooni eni, Kabau oku holi e ha tagata ki he gaue oe faifekau, oku holi ia ki ha gaue lelei. 2Koia oku totonu ke taehalaia ae faifekau, ke unoho moe fefine be taha ke faa tokaga, mo aga fakabotoboto, o aga matamata lelei, mo agaofa, o faa ako: 3O ikai faa inu uaine, o ikai koe faa ta, be koe holi ki he koloa uli; kae faa kataki, bea e ikai te ne fakakikihi, be manumanu; 4Koe toko taha oku bule lelei ki hono fale oona, i he aga fakamotua kotoabe kuo aganofo ene fānau kiate ia; 5He kabau oku ikai ilo e ha tagata ke bule i hono fale oona, e fefe koa ene tauhi ae jiaji oe Otua? 6Ikai koe taha toki liliu, telia naa vikiviki ia i he laukau, bea to ai ia ki he malaiaaga oe tevolo. 7Bea oku totonu foki ke ogoogo lelei ia iate kinautolu oku ituaa; naa to ia ki he manuki moe hele ae tevolo. 8Bea ke aga fakamotua ae kau akonaki foki, oua naa felohiaki, oua naa faa inu uaine, be holi ki he koloa uli; 9Kae buke mau ae mea fakalilolilo oe tui i he atamai lelei. 10Bea ke fuofua ahiahi kiate kinautolu ni foki; bea nau toki hoko ki he gaue oe akonaki, kuo taehalaia. 11Bea ke aga fakalogobe a ho nau unoho, ikai koe kau fakakovi, kae aga fakabotoboto, o agototonu i he mea kotoabe. 12Bea ke unoho taki toko taha ae kau akonaki moe fefine be taha, o bule‘i lelei e nau fānau mo ho nau fale o nautolu. 13He ko kinautolu kuo fai o lelei ae gaue ae akonaki, te nau ma‘u kiate kinautolu ae hikiaga lelei, moe malohi lahi i he tui aia oku ia Kalaisi Jisu. 14Koe gaahi mea ni oku ou tohi atu kiate koe, i he eku amanaki e vave eku alu atu kiate koe: 15Kae iloga eku tuai atu, bea ke ilo aia oku totonu ke ke fai ekoe i he fale oe Otua, aia koe jiaji oe Otua moui, ko hono bou moe tuuga oe mooni. 16Bea koe mooni aubito koe mea ahi ae mea fakalilolilo oe lotu: koe Otua nae fakaha i he kakano, nae fakamooni ia i he Laumalie, nae mamata kiate ia ae kau agelo, nae malaga aki ia ki he Jenitaile, nae tui kiate ia i mamani, bea ma‘u hake ia ki he nāunāu.
Currently Selected:
1 TIMOTE 3: TWB
Highlight
Share
Copy
Want to have your highlights saved across all your devices? Sign up or sign in
