1 KOLINITO 16
16
1 Oku ne eginaki ke nau tokoni ki he majiva oe kaiga lotu i Jelusalema: 10 oku ne fakaogolelei a Timote: 13 bea hili ae gaahi akonaki fakakaiga, 16 oku ne fakaofi ene toki aki ae gaahi boboaki.
1BEA koe mea ki he tanaki tokoni ki he kaiga maonioni, ke fai be ekimoutolu, o hage koia kuou fekau ki he gaahi jiaji i Kaletia. 2I he uluaki aho oe uike, ke mou taki taha vahe‘i o tuku ae tokoni, o fakatatau mo hono fakamonuia‘i, koeuhi ke oua naa ai ha tanaki o kau ka hoko atu. 3Bea kau ka hoko atu, ko kinautolu te mou loto ki ai, teu fekau akinautolu moe gaahi tohi, ke ave hoo mou tokoni ofa ki Jelusalema. 4Bea kabau e lelei eku alu foki, te nau alu mo au. 5Bea koeni, teu alu atu kiate kimoutolu, oka hili eku alu atu i Masitonia: he teu alu atu i Masitonia. 6Bea teu nofo abe i he faahita‘u momoko mo kimoutolu, koeuhi ke mou moimoi‘i au i hoku fonoga ki ha botu teu alu ki ai. 7He koeuhi e ikai teu fou atu kiate kimoutolu i he fonoga ni; ka oku ou amanaki teu nofo fuoloa jii iate kimoutolu, o kabau e lelei ki he Eiki. 8Ka teu tatali i Efeso o a‘u ki he Benitekosi. 9He kuo fakaava kiate au ae mataba lahi bea aoga, bea oku toko lahi ae fili. 10Bea koeni, kabau e hoko atu a Timote, vakai ke iate kimoutolu taema-navahe ia: he oku fai eia ae gaue ae Eiki, o hage foki ko au. 11Koia ke oua naa manuki‘i ia e ha toko taha: kae tokoni‘i ia, ke fonoga mai i he fiemalie, koeuhi ke ha‘u ia kiate au: he oku ou amanaki kiate ia fakataha moe kaiga. 12Bea koe mea ki ho tau kaiga ko Abolosi, naaku kole lahi kiate ia ke ne alu atu moe kaiga kiate kimoutolu: ka nae ikai jii loto ia ke alu atu i he kuoga ni; ka e alu atu ia i ha kuoga tuutuumalie kiate ia. 13Mou leo, tuu mau i he tui, fai o gali moe tagata, mou malohi. 14Ke fai hoo mou gaahi mea kotoabe i he ofa. 15Oku mou ilo ae fale o Setivena, koe uluaki fua ia i Akeia, bea kuo nau tuku akinautolu ke tauhi ae kakai maonioni, bea oku ou kole kiate kimoutolu, e kaiga, 16Ke fakaabaaba akimoutolu ki he kakai behe, bea kiate kinautolu kotoabe oku tokoni mo kimautolu, bea gaue. 17Oku ou fiemalie i he ha‘u a Setivena mo Fotuneto mo Akaiko: he koia nae toe meiate kimoutolu kuo nau totogi. 18He kuo nau fakafiemalie‘i ae laumalie ooku mo kimoutolu: koia mou fai ofa ki he kakai behe. 19Koe gaahi jiaji o Esia oku ofa atu kiate kimoutolu. Oku ofa lahi atu kiate kimoutolu i he Eiki a Akuila mo Bisila, bea moe jiaji oku i ho na fale. 20Oku ofa atu ae kaiga kotoabe kiate kimoutolu. Mou feofoofani aki ae uma maonioni. 21Koe tohi ofa eni a Baula aki hoku nima ooku. 22Kabau oku ai ha tagata oku ikai ofa ia ki he Eiki ko Jisu Kalaisi, ke malaia ia. Oku ha‘u ae Eiki. 23Ke iate kimoutolu ae ofa a ho tau Eiki ko Jisu Kalaisi. 24Ke iate kimoutolu kotoabe eku ofa ia Kalaisi Jisu. Emeni.
Currently Selected:
1 KOLINITO 16: TWB
Highlight
Share
Copy
Want to have your highlights saved across all your devices? Sign up or sign in
