1 KOLINITO 14
14
1 Oku fakaogolelei ae kikite aia oku tuu ki mu‘a i he lea aki ae lea kehekehe, 6 Koe lea fakatātā ki he gaahi mea faiva. 12 Ke gaue aki be ke laga hake, 22 ko ho na uhiga totonu mo mooni ia. 26 Oku fakaha e na aoga oji be, 27 bea ke oua naa fakataeaoga. 34 Oku fakatabu‘i ae lea ae kau fefine i he jiaji.
1TULI ki he ofa, bea holi ki he gaahi foaki fakalaumalie, kae lahi be ke mou kikite. 2He ko ia oku lea i he lea taeilo, oku ikai lea ia ki he tagata, ka ki he Otua: he oku ikai ilo ia e ha taha; ha oku lea aki eia ae gaahi mea fufu i he laumalie. 3Ka ko ia oku kikite, oku lea ia ki he kakai ke laga hake, mo eginaki, mo fakafiemalie. 4Ko ia oku lea i he lea taeiloa, oku ne laga hake eia ia; ka ko ia oku kikite, oku ne laga hake ae jiaji. 5Amujiaage eau oku mou lea kotoabe i he lea kehekehe, kae lahi be ke mou kikite: he oku lahi hake aia oku kikite iate ia oku lea i he lea kehekehe, o kabau oku ikai ke ne fakamatala, koeuhi ke ma‘u ai e he jiaji ae laga hake. 6Bea koeni, e kaiga, kabau teu alu atu kiate kimoutolu oku ou lea i he lea kehekehe, koeha eku aoga kiate kimoutolu, o kabau e ikai teu lea kiate kimoutolu i he fakaha, be i he ilo, be i he kikite, be i he akonaki? 7Bea koe gaahi mea taemoui ka oku ogo, be ko ha fagufagu, be ha haabe, kabau e ikai fai kehekehe ia i he ogo, e ilo fefe be koeha oku ifi, be koeha oku ta? 8He kabau oku ogo noa mai ae mea lea, kohai te ne teu ia ki he tau? 9Bea e behe be akimoutolu, o kabau e ikai te mou lea aki ae elelo ae lea ilogofua, e ilo fefe be koeha ia oku lea aki? he te mou lea ki he atā. 10Bea ne ogo oku ai ae gaahi lea kehekehe i mamani, bea ikai ha taha tae hano uhiga, 11Ka i he ikai teu ilo hono uhiga oe lea, teu tatau moe muli kiate ia oku lea, bea koe muli kiate au aia oku lea mai. 12Bea ke behe be akimoutolu, koeuhi hoo mou fai feiga ki he gaahi foaki fakalaumalie, mou kumi ke mou boto hake i hono laga hake oe jiaji. 13Ko ia ia oku lea i he lea taeiloa, ke ne kole eia ke ne fai hono fakamatala. 14He kabau oku ou lotu i he lea taeiloa, oku lotu hoku laumalie, ka oku taefua eiku ilo. 15Bea ka koia bea ha? Teu lotu aki ae laumalie, bea teu lotu aki ae ilo foki: teu hiva aki ae laumalie, bea teu hiva aki ae ilo foki. 16Ka ikai, bea ka ke ka fakafetai aki ae laumalie, e fefe‘i ene behe, Emeni, i hoo fakafetai, aia oku nofo i he botu oe taeboto, he oku ikai te ne ilo aia oku ke lea aki? 17He koe mooni oku ke fakafetai lelei, ka oku ikai laga hake ai ha toko taha. 18Oku ou fakafetai ki hoku Otua, oku lahi eku lea aki ae lea kehekehe iate kimoutolu kotoabe: 19Ka oku lelei kiate au eku lea aki ae lea ilo e nima be i he jiaji, koeuhi ke ako aki ae niihi, i he lea e mano i he lea taeiloa. 20E kaiga, oua naa mou aga faka-tamaiki i he ilo: i he aga kovi ke mou tatau moe valevale, ka mou tagata be i he ilo. 21Kuo tohi eni i he fono, Oku behe e he Eiki, Teu lea ki he kakai ni aki ae kau tagata lea kehe moe lougutu kehe; ka ne ogo ia kotoabe e ikai te nau fanogo ai kiate au. 22Koia koe gaahi lea kehekehe koe fakailoga, ka oku ikai kiate kinautolu oku tui, ka kiate kinautolu oku taetui: ka koe kikite oku ikai ma a nautolu oku taetui, ka kiate kinautolu oku tui. 23Koia kabau kuo katoa ae jiaji ki he botu be taha, bea lea kotoabe aki ae gaahi lea kehekehe, bea hu ki ai ha niihi oku taeboto, be taetui, ikai te nau lau kuo mou faha? 24Bea kabau oku kikite kotoabe, bea hu ki ai ha taha oku taetui, be ha taeboto, kuo takitala‘i kotoabe ia, kuo fakamāu kotoabe ia: 25Bea behe be hono fakaha oe gaahi mea fufu a hono loto; bea to fakafoohifo ia ki hono mata, bea hu ki he Otua, o fakaha koe mooni oku iate kinautolu ae Otua. 26Bea oku fefe, e kaiga? oka mou ka fakataha oku mou taki taha ma‘u ha same, ha akonaki, ha lea kehe, ha fakaha, ha fakamatala. Ke fai kotoabe ae mea ke laga hake. 27Kabau oku lea ha taha i he lea taeiloa, ke fai e he toko ua, bea lahi oka toko tolu, o nau lelea taha be; bea ke fakamatala e ha toko taha. 28Bea kabau oku ikai ha taha ke fakamatala, ke logobe ia i he jiaji; bea tuku ke lea ia kiate ia be, bea ki he Otua. 29Ke lea ae kau kikite e toko ua be toko tolu, bea fakamāu ki ai ae niihi. 30Kabau oku fakailo ha mea ki ha toko taha oku nofo ofi, ke logobe ae uluaki. 31He te mou kikite hokohoko kotoabe, koeuhi ke akonekina kotoabe, bea ke fakafiemalie‘i kotoabe. 32He koe gaahi laumalie oe kau kikite, oku faa bule‘i e he kau kikite. 33He oku ikai mei he Otua ae maveuveu, ka koe melino, o hage koia oku i he gaahi jiaji kotoabe oe kakai maonioni. 34Ke logobe ho mou kau fefine i he gaahi jiaji: he oku ikai gofua kiate kinautolu ke lea: ka ke nau aganofo, o hage foki koe tala e he fono. 35Bea kabau te nau fie ilo ha mea, ke nau fehui ki ho nau unoho i abi: he koe mea fakama ke lea ae fefine i he jiaji. 36He koe mooni nae ha‘u ae folofola ae Otua meiate kimoutolu? be nae hoko atu ia kiate kimoutolu be? 37Kabau oku mahalo e ha taha koe balofita ia, be koe fakalaumalie, tuku ke fakaha eia, koe gaahi mea oku ou tohi atu kiate kimoutolu, koe gaahi fekau ia ae Eiki. 38Bea kabau oku ai ha taha oku taeilo, ke iate ia be ene taeilo. 39Koia, e kaiga, mou holi ke mou kikite, bea oua naa taofi ae lea aki ae lea kehekehe. 40Ka ke fai ae gaahi mea kotoabe ke matamata lelei, bea fai hokohoko lelei be.
Currently Selected:
1 KOLINITO 14: TWB
Highlight
Share
Copy
Want to have your highlights saved across all your devices? Sign up or sign in
