ወንጌል ዘማቴዎስ 24

ምዕራፍ 24

በእንተ ዳግም ምጽአቱ፥ ወኅልቀተ ዓለም

1 # ማር. 13፥1-3፤ ሉቃ. 21፥5-6። ወወፂኦ እግዚእ ኢየሱስ እምቤተ መቅደስ ሖረ ወቀርቡ አርዳኢሁ ወአርአይዎ ንደቀ ሕንጻሁ ለቤተ መቅደስ። 2ወአውሥአ ወይቤሎሙ ትሬእዩኑ ዘንተ ኵሎ አማን እብለክሙ ኢይትኀደግ ዝየ እብን ዲበ እብን ዘኢይትነሠት። 3ወእንዘ ይነብር እግዚእነ ውስተ ደብረ ዘይት ቀርቡ ኀቤሁ አርዳኢሁ እንተ ባሕቲቶሙ ወይቤልዎ ንግረነ ማእዜ ይከውን ዝንቱ ወምንት ተአምሪሁ ለምጽአትከ ወለኅልቀተ ዓለም። 4ወአውሥአ እግዚእ ኢየሱስ ወይቤሎሙ ዑቁ ኢያስሕቱክሙ። 5#1ዮሐ. 2፥18። እስመ ብዙኃን ይመጽኡ በስምየ እንዘ ይብሉ አነ ውእቱ ክርስቶስ ወያስሕትዎሙ ለብዙኃን። 6ወሀለወክሙ ትስምዑ ቀትለ ወድምፀ ጸባኢት ዑቁ ኢትደንግፁ እስመ ግብር ይከውን ከማሁ ወባሕቱ አኮ በጊዜሃ ዘየኀልቅ። 7ወይትነሥኡ ሕዝብ ዲበ ሕዝብ ወነገሥት ላዕለ ነገሥት ወይመጽእ ረኃብ ወብድብድ ወድልቅልቅ ወሀከክ በበ በሓውርቲሁ። 8ወዝንቱ ኵሉ ቀዳሚሁ ለሕማም። 9#10፥17። አሜሃ ይትባጽሑክሙ ወይሜጥዉክሙ ለምንዳቤ ወይቀሥፉክሙ ወይቀትሉክሙ ወይጸልኡክሙ ወትከውኑ ጽሉኣነ በኀበ ኵሉ ሰብእ በእንተ ስምየ። 10ወአሜሃ የዐልዉ ብዙኃን ሃይማኖቶሙ ወይጻልኡ በበይናቲሆሙ ወይትቃተሉ። 11#17፥15፤ 1ዮሐ. 4፥1። ወብዙኃን ሐሳውያነ ነቢያት ይመጽኡ ወለብዙኃን ያስሕትዎሙ። 12#2ተሰ. 2፥10፤ 2ጢሞ. 3፥1። ወእምብዝኀ ዓመፃ ወእከይ ትሴኵስ ፍቅር እምብዙኃን#ቦ ዘይዌስክ «... ወብዙኃን የዐልዉ ሃይማኖቶሙ ወፍቅሮሙ»። 13#10፥22፤ ራእ. 13፥10። ወዘሰ አዝለፈ ትዕግሥቶ ውእቱ ይድኅን። 14#10፥18፤ 28፥19። ወይሰበክ ዝ ወንጌለ መንግሥት ውስተ ኵሉ ዓለም ከመ ይኩን ስምዐ ላዕለ ኵሉ አሕዛብ ወይእተ አሚረ ይበጽሕ ኅልቅት። 15#ዳን. 9፥26-27፤ 12፥10-11፤ ማር. 13፥14፤ ሉቃ. 21፥20። ወእምከመ ርኢክሙ ትእምርተ ርኵስ ዘምዝባሬ ዘተብህለ በዳንኤል ነቢይ «እንዘ ይቀውም ውስተ መካን ቅዱስ ዘያነብብ ለይለቡ።» 16አሜሃ እለ ውስተ ይሁዳ ይጐዩ ውስተ አድባር። 17#ሉቃ. 17፥31። ወዘሂ ሀሎ ውስተ ናሕስ ኢይረድ ይንሣእ ዘውስተ ቤቱ። 18ወዘሂ ውስተ ገራህት ሀሎ ኢይትመየጥ ድኅሬሁ ይንሣእ ልብሶ። 19ወባሕቱ አሌ ሎን ለፅኑሳት ወለእለ የሐፅና በውእቱ መዋዕል። 20#ግብረ ሐዋ. 1፥12። ወጸልዩ ባሕቱ ከመ ኢይኩን ጕያክሙ በክረምት ወበሰንበት። 21#ዳን. 12፥4። እስመ ይከውን ይእተ አሚረ ዐቢይ ሕማም ወምንዳቤ ዘኢኮነ ከማሁ እምአመ ተፈጥረ ዓለም እስከ ዮም ወኢይከውንሂ። 22ወሶበ ኢኀጽራ እማንቱ መዋዕል እምኢድኅነ መኑሂ ኵሉ ዘሥጋ ወባሕቱ በእንተ ኅሩያኒሁ የኀጽራ እማንቱ መዋዕል። 23#ማር. 13፥21፤ ሉቃ. 17፥23። አሜሃ እመቦ ዘይቤለክሙ ነዋ ዝየ ሀሎ ክርስቶስ ወነዋ ከሃክ ኢትእመኑ። 24#5፥11-12፤ 2ተሰ. 2፥8-9፤ ራእ. 13፥12-15። እስመ ይትነሥኡ ሐሳውያነ መሲሕ ወሐሳውያነ ነቢያት ወይገብሩ ተአምራተ ወመንክራተ ዐበይተ ለአስሕቶ ሶበሰ ይትከሀሎሙ ለኅሩያንሂ እምአስሐትዎሙ። 25ናሁ አቅደምኩ ነጊሮተክሙ። 26እመቦ ዘይቤለክሙ ነዋ ገዳመ ሀሎ ኢትፃኡ ወነዋ ውስተ አብያት ኢትእመኑ። 27#ሉቃ. 17፥24። እስመ ከመ መብረቅ ዘይወፅእ እምጽባሕ ወያስተርኢ እስከ ዐረብ ከማሁ ምጽአቱ ለወልደ ዕጓለ እመሕያው። 28#ኢዮብ 39፥30፤ ዕን. 1፥8፤ ሉቃ. 17፥37። ኀበ ሀሎ ገደላ ህየ ይትጋብኡ አንስርት። 29#ኢሳ. 13፥10፤ 2ጴጥ. 3፥10። ወበጊዜሃ እምድኅረ ሕማሞን ለእማንቱ መዋዕል ፀሐይኒ ይጸልም ወወርኅኒ ኢይሁብ ብርሃኖ ወከዋክብትኒ ይወድቁ እምሰማይ ወያንቀለቅል ኀይለ ሰማያት። 30#ሉቃ. 24፥39፤ ዮሐ. 19፥37፤ ራእ. 1፥7። ወይእተ አሚረ ያስተርኢ ተአምሪሁ ለወልደ ዕጓለ እመሕያው በሰማይ አሜሃ ይበክዩ ኵሎሙ አሕዛበ ምድር ሶበ ይሬእይዎ ለወልደ ዕጓለ እመሕያው እንዘ ይመጽእ በደመና ሰማይ ምስለ ኀይል ወስብሐት ብዙኅ። 31#1ቆሮ. 15፥52፤ 1ተሰ. 1፥6። ወይፌንዎሙ ለመላእክቲሁ ምስለ ቃለ ቀርን ወስብሐት ዐቢይ ወያስተጋብእዎሙ ለኅሩያኒሁ እምአርባዕቱ ነፋሳት እምአጽናፈ ሰማይ እስከ አጽናፊሃ። 32ወእምበለስ አእምሩ አምሳሊሁ እምከመ ኮነ ዐጽቃ ድኩመ ወቈጽላ ልምሉመ ተአምሩ ከመ ቀርበ ማእረር። 33ከማሁኬ አንትሙሂ እምከመ ርኢክሙ ዘንተ ኵሎ አእምሩ ከመ ቀርበ ወሀሎ ኀበ ኆኅት። 34#5፥18። አማን እብለክሙ ከመ ኢተኀልፍ ዛቲ ትውልድ እስከ ዝ ኵሉ ይትገበር። 35ሰማይ ወምድር የኀልፍ ወቃልየሰ ኢየኀልፍ።

በእንተ ሰዓታ ወዕለታ

36 # 1ተሰ. 5፥1-2። ወበእንተሰ ይእቲ ዕለት ወኪያሃ ሰዓት አልቦ ዘየአምራ ኢመላእክተ ሰማይ ወኢወልድ ዘእንበለ አብ ባሕቲቱ። 37#ዘፍ. 6፥11-22፤ ሉቃ. 17፥26-27። ወበከመ ኮነ በመዋዕለ ኖኅ ከማሁ ይከውን ምጽአቱ ለወልደ ዕጓለ እመሕያው። 38በከመ ይእተ አሚረ እምቅድመ አይኅ ይበልዑ ወይሰትዩ ያወስቡ፥ ወይትዋሰቡ እስከ አመ ቦአ ኖኅ ውስተ ንፍቀ ታቦት። 39ወኢያእመሩ እስከ አመ መጽአ ማየ አይኅ ወአጥፍአ ኵሎ ከማሁኬ ይከውን ምጽአቱ ለወልደ ዕጓለ እመሕያው። 40#ሉቃ. 17፥35-36። አሜሃ ክልኤቱ ይሄልዉ ውስተ አሐዱ ገራህት አሐደ ይነሥኡ ወካልኦ የኀድጉ። 41ወክልኤቲ የሐርጻ በአሐዱ ማሕረጽ አሐተ ይነሥኡ ወካልእታ የኀድጉ ወክልኤቱ ይሰክቡ ውስተ አሐዱ ዐራት አሐደ ይነሥኡ ወካልኦ የኀድጉ። 42#25፥13። ትግሁ እንከ እስመ ኢተአምሩ በአይ ሰዓት ይመጽእ እግዚእክሙ። 43#ሉቃ. 12፥39-40። ወዘንተ ባሕቱ አእምሩ ሶበሁ የአምር በዓለ ቤት ጊዜ ይመጽእ ሰራቂ እምተግሀ ወእምኀለወ ወእምኢኀደገ ይክርዩ ቤቶ። 44ከማሁ አንትሙሂ ድልዋኒክሙ ሀልዉ እስመ በጊዜ ኢተሐዘብክሙ ይመጽእ ወልደ ዕጓለ እመሕያው። 45መኑ እንጋ፥ ገብር ምእመን፥ ወጠቢብ ዘይሠይሞ እግዚኡ ውስተ ቤቱ#ቦ ዘይቤ «... ውስተ ኵሉ ንዋዩ» ከመ የሀቦሙ ሲሳዮሙ በጊዜሁ። 46ብፁዕ ውእቱ ገብር ዘመጺኦ እግዚኡ ይረክቦ እንዘ ዘንተ ይገብር። 47#25፥21-23። አማን እብለክሙ ከመ ዲበ ኵሉ ንዋዩ ይሠይሞ። 48ወእመሰ ይቤ ውእቱ ገብር እኩይ በልቡ ይጐነዲ አቲወ እግዚእየ። 49ወይዘብጥ አብያጺሁ አግብርተ ወይበልዕ ወይሰቲ ምስለ ሰካርያን። 50ወይመጽእ እግዚኡ ለውእቱ ገብር በዕለተ ኢተሐዘበ ወበጊዜ ኢያእመረ። 51#8፥12፤ 13፥42፤ 25፥30። ወይሠጥቆ እማእከሉ ወይሬሲ መክፈልቶ ምስለ መደልዋን ኀበ ሀሎ ብካይ ወሐቅየ ስነን።

Currently Selected:

ወንጌል ዘማቴዎስ 24: ሐኪግ

Highlight

Copy