መልእክተ ጴጥሮስ 2 1
1
ምዕራፍ 1
1 #
ቲቶ 2፥13፤ 1፥2፤ ዮሐ. 17፥3፤ 1ጴጥ. 1፥2፤ 2፥9። እምኀበ ስምዖን ኬፋ ገብሩ ወልኡኩ ለኢየሱስ ክርስቶስ ለእለ ነኀብር ክብረ በሃይማኖት እንተ ከፈለነ በጽድቁ ለአምላክነ ወፈራቂነ ኢየሱስ ክርስቶስ። 2ሞገስ ወሰላም ይብዛኅ ለክሙ በአእምሮቱ ለአምላክነ ወኢየሱስ ክርስቶስ እግዚእነ። 3ዘበኀይለ መለኮቱ ወሀበ ለነ ኵሎ ምግባረ ዘይወስድ ኀበ ሕይወት ወጽድቅ ውእቱ ዘጸውዐነ ውስተ ስብሐቲሁ ወውስተ ሠናይቱ። 4በዘቦቱ ነሐዩ ወነዐቢ ወንከብር በተስፋሁ እንተ ጸገወነ ከመ በእንተ ዝንቱ ትኩኑ ሱቱፋነ ለመለኮተ ዚኣሁ እንዘ ትጐይይዋ ለፍትወተ ሙስናሁ ለዝንቱ ዓለም። 5#ገላ. 5፥22-23። ወአንትሙኒ በኵሉ ጕጕኣ ገቢረክሙ አትልውዋ ለሠናይት በሃይማኖትክሙ ወበሠናይት ለአእምሮ። 6ወበአእምሮ ለኢዘምዎ ወበኢዘምዎ ለትዕግሥት ወበትዕግሥት ለአምልኮ። 7ወበአምልኮ ለተኣኅዎ ወበተኣኅዎ ለተፋቅሮ። 8ወዝንቱ ኵሉ እምከመ ሀለወ ኀቤክሙ ኢኮንክሙ ፅሩዓነ ወኢኮንክሙ እለ እንበለ ፍሬ አላ ያበጽሐክሙ ውስተ አእምሮቱ ለእግዚእነ ኢየሱስ ክርስቶስ። 9#1ዮሐ. 2፥9-11። ወዘሰ ኢሀሎ ውስተ ዝንቱ ምግባር ዕዉር ውእቱ ዘየሐውር በመርሰስ ወረስዐ አንጽሖ ርእሶ እምእለ በልያ በላዕሌሁ ኀጣውኢሁ። 10ወይእዜኒ አኀዊነ ጐጕኡ ከመ በጽንዐ ምግባሪክሙ ጽንዕተ ትኩን ጽዋዔክሙ ወታወፍዩ ሐሳበ ሃይማኖትክሙ ወዘንተ እንዘ ትገብሩ ኢትስሐቱ። 11ወይትወሀበክሙ ርሒብ ፍኖት ዘይወስድ ውስተ ሕይወት ዘለዓለም ወመንግሥቱ ለመድኀኒነ ኢየሱስ ክርስቶስ።
በእንተ አዘክሮ ሞት
12 #
ሮሜ 15፥13-14። ወበእንተዝ እጽሕቅ ለክሙ ዘልፈ ወአዜክረክሙ ዘንተ ትእዛዘ እንዘ ጽኑዓን አንትሙ በዘሀለወ ጽድቅ። 13ወይመስለኒሰ ከመ ርቱዕ ሊተ አምጣነ ሀሎኩ በዝንቱ ሥጋየ አንቅህክሙ በዘክሮ። 14#ዮሐ. 21፥18-19። እስመ አአምር ከመ ፍጥንት ይእቲ ስሳሌ ዚኣየ እምኔክሙ በከመ አይድዐኒ እግዚእየ ኢየሱስ ክርስቶስ። 15ወዓዲ እጔጕእ#ቦ ዘይቤ «ጐጕኡ» ከመ ተሀሉ ኀቤክሙ ዛቲ ትእዛዝ ዘልፈ ወከመ ትዘከርዋ እምድኅረ ኅልፈትየ ወከማሁ ትግበሩ።
በእንተ ስምዕ አማናዊ
16እስመ ኢኮነ መሐደምተ ጥበብ ዘተሎነ ወአመርናክሙ ቦቱ ኀይሎ ለእግዚእነ ኢየሱስ ክርስቶስ ወምጽአቶ ወሀልዎቶ አላ ለሊነ ርኢነ ዕበዮ። 17#ማቴ. 3፥17፤ 17፥5፤ ሉቃ. 9፥29-35፤ ማር. 9፥2-7፤ ኤፌ. 1፥6። ዘነሥአ እምኀበ እግዚአብሔር አብ ክብረ ወስብሐተ ወቃል ዘወረደ ላዕሌሁ ዘምሉእ ስብሐተ ወልዕልና ይቤ «ዝንቱ ውእቱ ወልድየ ዘአፈቅር ዘአነ ኀረይኩ።» 18#ማቴ. 17፥5። ዘንተ ቃለ ንሕነ ሰማዕናሁ ከመ እምሰማይ ወረደ ሎቱ እንዘ ሀሎነ ምስሌሁ በደብረ መቅደሱ። 19#2ቆሮ. 4፥6። ወብነ ዓዲ ዘእምዝኒ ይቀድም ቃለ ነቢያት ዘያዐውቅ ዘንተ ወእምከመ ጥቀ ታሤንዩ ገቢረ ወትኔጽርዎ ይከውን ለክሙ ከመ ማኅቶት እንተ ታበርህ ውስተ መካነ ጽልመት እስከ ታበርህ ለክሙ ዕለት ወይሠርቅ ለክሙ ቤዝ ውስተ ልብክሙ ዘያበርህ። 20ወዘንተ ባሕቱ ቅድሙ አእምሮ ከመ ኵሉ ተነብዮ ዘውስተ መጽሐፍ አልቦ ላዕሌሁ ፍካሬሁ። 21#1ጴጥ. 1፥12። ወኢይከውን ተነብዮ ግሙራ እምፈቃደ ሰብእ ወኢእምሥምረተ ዕጓለ እመ ሕያው አላ በመንፈስ ቅዱስ ነበቡ ቅዱሳን ሰብእ ተፈኒዎሙ እምኀበ እግዚአብሔር።
Currently Selected:
መልእክተ ጴጥሮስ 2 1: ሐኪግ
Highlight
Share
Copy
Want to have your highlights saved across all your devices? Sign up or sign in
