Maarqoos 8

Akka Yesus Nama Kuma Afurii Nyaachise

(Mat. 15:32-39)

1Yoma sun keessa, gumiin guddoon sagalee hinqamne walti baatee, Yesus jara ufii yaamee, 2“Anin gumii tanaa naha, waan isiin guyyaa sadii na waliin oolteef, ammallee waan isiin waan nyaattu hinqamneef. 3Egerii yo beeluma tanaan galche, waan namii garii ka fagoo dhufee keessaa jiruuf karaatti gagagabdii” jedhe. 4Jarii isaa, “Isii, namii danda'ee lafa gammoojjii tana keessatti gumii hagana geettu tana inquufsaa?” jedhe. 5Innii, “Qixxaa hagam qabdan?” jedhe isaan gaafate. Jennaan warrii, “Torba” jedheen. 6Jennaan gumii teteessisee qixxaa torbaanuu fuudhee Waaqaa galata galchee, qixxaa cacabsee jara isatti kennee, “Biyyaan gololchaa” jedhe. Jennaan jarii biyya gololche. 7Warrii qurxummii didiqqoo tokko qaba; jennaan Yesus sullee eebbisee jara isaatiin “Biyyaa kennaa” jedhe. 8Nyaatanii quufanii, hambaa daduu guguruddoo torba guutan. 9Namii nyaate kuma afur. Jennaan Yesus biyya ufirraa galchee, 10hoboloo seenee, jara isaa waliin lafa Daalmaanutaa jedhan dhaqe.

Akka Yesus Fariisotaa Akeeka Kennuu Dide

(Mat. 16:1-4)

11 # Mat. 12:38; Luq. 11:16 Fariisotii dhuftee, Yesusiin wa mormitee, laallachuuf, akka innii akeeka Waaqaa gubbaa isaan garsiisu isa gaafatte. 12#Mat. 12:39; Luq. 11:29 Innii maadefatee hafuura baafatee, “Dhalootii kun maaf akeeka barbaada? Dhugumaa anin akeeka tokkollee dhaloota kanaa hinkennu” jedhe. 13Warra biraa deemee, hoboloo keessa seenee, gama kaanitti taake.

Waan Barsiisa Bukoo Fariisotaatii Fi Herodis

(Mat. 16:5-12)

14Jarii isaa qixxaa tokkochaa hoboloo keessaa qabu malee wareegaa dhibii ka isaan ga'uu fudhachuu hinqaabanne. 15#Luq. 12:1 Yesus jara isaatiin, “Bukoo Fariisotaatii fi ta Herodis irraa ufi eegadhaa” jedhe. 16Warrii ammoo, “Isii, innii waan qixxaa hinqamneef akkas jedhee” waliin jedhe. 17Yesus waan warrii jedhe beennaan warraan, “Maaf waan qixxaa hinqamneef jettanii dubbattan? Ammallee hinbeettanii yokaan hinhubattanii? Qalbiin teessan guddoo wa hinhubattu. 18#Mat. 4:12 Isan ila hinqabdanii hinagartanii? Gurra inqabdanii hindhageettanii? Isan homaa hinqaabattanii? 19Gaafa anin qixxaa shan caccabsee nama kuma shanii nyaachisee, isan hambaa daduu hagam guurtan?” isaaniin jedhe. Jennaan warrii, “Kudhanii lama!” jedhe. 20“Ammallee gaafa anin qixxaa torba caccabsee nama kuma afurii nyaachise, isan hambaa daduu hagam guurtan?” Jedheen. Warrii, “Torba” jedhe. 21Innii warraan, “Isan ammallee hinhubanne ree?” jedhe.

Akka Yesus Betesayidaa Keessatti Balla Tokko Fayyise

22Yesus fi jarii isaa Betsayidaa dhufanii, achiitti jarii tokko namicha ballaa tokko isattiin dhufee, akka innii isa tuqu kadhate. 23Jennaan innii namicha ballaa kaan harka qabee, ollaa keessaa alaatti baasee, hancufa ila isatti tufee, harka irra kaa'ee, “Homaa gartaa?” jedhee gaafate. 24Iltii banamnaan, innii millatee, “Ee'ee nama in argaa ammoo akka dansaa hubachuu hin danda'u muka yaa'uu jiru na fakkataa” jedhe. 25Ammallee Yesus harka ufii ila isaa irra kaa'ee, duuba namichii millatee fayyee, waan cufa akka dansaa arge. 26Yesus namichaan, “Beenii galii, ammoo ollaa sunitti hindeebin” jedheen.

Akka Phexros Yesusiin, “Atin Kiristoos” Jedhe

(Mat. 16:13-20; Luq. 9:18-21)

27Yesus jara ufii waliin ollowwaan lafa Qiisaariyaa Filiphos jedhan dhaqe. Karaatti jara ufii, “Biyyitii eennu naan jetti?” jedhe gaafate. 28#Mar. 6:14-15; Luq. 9:7-8 Warrii deebiseefii, “Namii garii Yoh. aannis nama cuuphuu siin jedha, ka garii Eliyaas jedha, ka garii ammoo raaga durii tokko jedhaa” jedhe. 29#Yoh. 6:68-69 Innii warra gaafatee, “Isan ufii eennu naan jettan?” jedhe. Jennaan Phexros, “Atin Kiristoos” jedheen. 30Jennaan innii, akka nama tokkoleetti hinhimne warratti seere.

Akka Yesus Waan Du'isa Ufii Dubbate

(Mat. 16:21-28; Luq. 9:22-27)

31Jennaan innii warra barsiisee, “Ilmii namaa guddoo gaargaluu male, jaaroleen, qaallolee gugurdoo fi jara seera beekuulleen tuffatamee, ijjeeffamee, ammoo guyyaa sadeessoo du'a in ka'a” jedhe. 32Innii jecha kaan diideessee dubbatee, Phexros isa kophaatti fuudhee, “Jecha kana hinjedhin!” jedhee dhowe. 33Yesus ammoo garagalee, jara ufii laalee, hiccinnaa'ee Phexrositti dubbatee, “Narraa fagaadhu, Sheexaana! Atin waan Waaqaa hinherreddu, waan namaa callaa herredda” jedheen. 34#Mat. 10:38; Luq. 14:27 Jennaan Yesus jara ufii walti yaamee warraan, “Namii yo na gula deemuu fedhee, ha ufi mormatee, fannoo ufii baatee na gula deemuutii. 35#Mat. 10:39; Luq. 17:33; Yoh. 12:25 Wantii akkanaatiif namii jireenna ufii baasuu fedhuu cuftii hindhaba, namii ammoo marroo tiyyaa fi marroo oduu Dansaatiif jireenna ufii balleessu inargata. 36Namii waan lafa tanaa cufa argatee ammoo lubbuu ufii yo dhabee maal baatiif? 37Namii lubbuu ufiitii maal baasuu danadaa? 38Nama dhaloota hamaa Waaqaa didu cubbichaa kana keessatti naa fi dubbii tiyyaallee didee, ilmii namaa gaafa ulfinna Abbaa ufitiin ergamtoota qulqulloo waliin dhufee isaallee hindida” jedhe.

Currently Selected:

Maarqoos 8: KakHaa

Highlight

Copy