Maarqoos 16

Akka Yesus Du'aa Ka'e

(Mat. 28:1-8; Luq. 24:1-12; Yoh. 20:1-10)

1Guyyaan Sanbataa dabarraan, Maariyaam Magdalaa, Maariyaam haadha Yaqoobitii fi Salomeenis akka dhaqanii nafa Yesusii diban waan urgooftuu bitan. 2Jalqaba torbaan sunii, guyyaa sanbataa ganama akkuma aduun baateen ka'anii fulaa awwaalaa dhaqan. 3Karaatti, “Eentu dhakaa afaan awwaalaatii nuu gangalcha?” waliin jechaa dhufan. 4Millannaan, dhakaa guddoo guddaa kaan ka dudda duubaatti gangalchan argan. 5Akkuma awwaala seenaniin nama ka'iimaa tokko, ka wayaa adii gad dheertuu uyyifatee gama mirgaa ta'uu arganii, guddoo maman. 6Innii ammoo, “Hin mamiinaa! Isan Yesus Naazireetii ka fannisan barbaaddan; innii la kaa'ee, arma hinjiru! laala, kunoo, fulaa warrii qara isa ciibisiseeyyuu! 7#Mat. 26:32; Mar. 14:28 Ammoo beenaa! Jara isaatii fi Phexrosiin, ‘Innii isan duratti Galiilaa dhaqaa akkuma durii isanitti hime, achitti isa argittan’ jedhaa itti himaa” isaniin jedhe. 8Nadheen taan sodaattee hollattee kaatee, fulaa awwaalatii baqatte; waan sodaateef nama tokkolleetti homaa hin himne.

Akka Yesus Maariyaam Magdalaatti Mullate.

(Mat. 28:9-10; Yoh. 20:11-18)

9Yesus jalqaba torbanii, guyyaa sanbata guddaa ganama du'a keessaa kaa'ee jennaan, qaraa Maariyaamii Magdalaa, ta innii jinnii torba keessaa baaseetti mullate. 10Isiin dhaxxee jara durii isa waliin jiru, adoo warrii iyyee boo'uutti jiruu itti himte. 11Warrii ammoo akka innii du'a keessaa ka'e, ammallee akka isiin isa argite dhageennaan, dhugeeffachuu dide.

Akka Yesus Ergamtoota Isaa Nama Lamaatti Mullate

(Luq. 24:13-35)

12Eegii sunii, Yesus adoo warrii gara lafa oobruu yaa'uu nama lamaatti bifa dhibiin mullate. 13Warrii deebi'ee, jara kaaniitti himee; jarii kaan ammoo dhugeeffachuu dide.

Akka Yesus Ergamtoota Kudhanii Tokkotti Mullate

(Mat. 28:16-20; Luq. 24:36-49; Yoh. 20:19-23; Huji. 1:6-8)

14Eegii sunii, Yesus ergamtoota kudhanii tokko adoo warrii sagalee nyaatuu itti mullate. Waan warrii dhugeeffachaa dhabee, nama eegii innii du'a keessaa ka'e, isa argee, warratti himee dhugeeffachuu didee, mataa-jabaateef warraan lole. 15#Huji. 1:8 Innii warraan, “Lafa cufa keessa yaa'aa! Oduu dansaa nama cufatti himaa! 16Namii dhugeeffatee cuuphamu inbaafama, ka hindhugeeffanne ammoo wallaala itti muran. 17Warra natti dhugeeffate akeeka kanaatti keessatti mullata; warrii natti dhugeeffate kun maqaa kiyyaan jinnii nama keessaa baasa, afaan dhibiin dubbata; 18yo bofa harkaan qabee olfuudhe, yokaan yo hadhaallee dhuge homaa hinta'u; nama fayyaa hinqamne harka irra kaa'ee fayyisa” jedheen.

Akka Yesus Gubbaatti Oldeebi'e

(Luq. 24:50-53; Huji. 1:9-11)

19 # Huji. 1:9-11 Aabboo Yesus eegii jara ufiitti dubbatee, gubbaatti oldeebi'ee, harka Waaqaa mirgaan taa'e. 20Jarii isaa yaa'ee, fulaa cufaatti dubbii Waaqaa haasa'e; Aabboolleen warra waliin hojjatee dubbii akeekaa ta warrii tolche jabeesse.

Currently Selected:

Maarqoos 16: KakHaa

Highlight

Copy