Luqaas 21

Waan Niitiin Hiyyeettiin Tokko Baafte

(Mar. 12:41-44)

1Yesus olmillatee jennaan, dureeyyii horii Waaqaa baaftu arge. 2Ammallee niitii hiyyeettii dhiirsa hinqamne tokko ta dururuu lama achi keessa buuftu arge. 3Innii, “Ani dhugumaan isanitti himaa, niitiin hiyyeetiin tun nama cufaa irra wa baafte. 4Wantii akkanatiif jarii kaan cuftii horii ufii guddaa keessaa baase; isiin ammoo hiyyummaa ufii keessaa horii qabdu cufaa baafte” jedhe.

Akka Yesus Muummee Mana Waaqaa Hime

(Mat. 24:1-2; Mar. 13:1-2)

5Adoo namii garii waan Mana Waaqaa, akka dhakaayyee dansaa fi akka waan Waaqaa baasaniin midhaassan, haasa'uu Yesus, 6“Guyyaan waan isan argitan kana cufa gargarii jissanii, dhakaan tokkkoolleen walirratti hinhamne indhufa” jedhe.

Akka Yesus Gaargala Dhufu Hime

(Mat. 24:3-14; Mar. 13:3-13)

7Warrii Yesusiin, “Aabboo, wantii kun yoom taati? Yo wantii kun dhiaattu akeeka akkamitti mullata?” jedhe. 8Innii warratti himee, “Eegadha, akka isan hinsobne, nama hedduutti ‘Anin Kiristoo’ ammallee, ‘Fulaan ya dhiaatte’ jedhee, maqaa kiyyan dhufaa, warra gula hindeeminaa! 9Lola fi hadhiisa, yo dhageetan, hinsodaatinaa; wantii kun qaraa dhufuu maltee, ammoo muummeen diqqqoo hingeenne” jedhe.

10Jennaan innii warraan, “Gochii gosaan walhati, laftii lafaan walhati; 11lafti guddoo chochooti, fulaa hedduu beela fi dhukkubaatti dhufa; waan nama muddamsisaatii fi akeeka guddaatti Waaqaa gubbaa mullata. 12Ammoo waan kana cufaa duratti isan qabanii gaargalchanii, Manneen Waldeennaa duraan isan dhufanii, mana hidhansaa keessa isan buusanii, marroo maqaa kiyyatiif hayyootaa fi jaallaba dura isan geesan. 13Yo'ii kun yo dansaa isan oduu dansaa himtan. 14Tanaaf akka waan deebiftan hindhindhinsinee, duraattuu garaa kutadhaa. 15#Luq. 12:11-12 Anaatti afaanii fi qalbii, nyaaphii keessan tokkoolleen danda'ee morkeenii hintuffanne isanii kennaa. 16Warrii isan dhale, obboleeyyan, fiixaa fi jaallan teessaniilleen isan gurguratti; isan keessaa nama garii inijjeesan. 17Naaf jedhee namii cuftii isan jibba. 18Ammoo rifeensii mataa keessanii tokkkoolleen hinbaddu. 19Jabaadhaa obsaa, akkasi callaan lubbuu teessan baaftan” jedhe.

Akka Yesus Badii Yerusaalem Hime

(Mat. 24:15-21; Mar. 13:14-19)

20“Ammoo yo duula Yerusaalem marsu argitan, akka baddiin isii dhi'aatte beekaa. 21Yo sun namii lafa Yihudaa keessa jiru ha gaarreeniitti baqatuutii, namii dira keessa jiruulleen ha keessaa ba'uu, namii ala jiruulleen dira hinseenin. 22Wantii akkanatiif kunin guyyaa haaloo baafatan, ka waan barreessan cufaa guutan. 23Gaargala, nadheen gaafasi garaacha qabduu, yokaan ta hoosiftuu. Gaargalii guddaan lafa tanaatti, dheekkamisii Waaqaa gosa tanaatti indhufa. 24Warra garii goraadeen fixanii, ka hafeellee booji'anii lafa dhibii geessan. Gochii dhibiin dhufteetti haga guyyaan isii hobba'uutti Yerusaalem irra ejaajjatti” jedhe.

Waan Guyyaa Muummee

(Mat. 24:29-31; Mar. 13:24-27)

25 # Mul. 6:12-13 Yesus itti dabree, “Akeekaatti aduu, ji'aa fi urjii keessa mullata. Lafa irraalleetti gochitii cuftii goohannaa fi dhawaa galaanaa sodaateetti waan taatuu wallaaltee ufi jibbaatti. 26Namii yo waan lafaatti dhufaa herregu, naasuun gaggaba, wantii akkanatiif wantii gubbaa jiraa cuftii chochooteetti karaa ufii irraa gorti. 27#Mul. 1:7 Gaafas ilma namaa, ka jabeennaa fi ulfiinna guddaan duumansa keessa dhufu argan. 28Yo wantii kun qaraa taatuu, mataa olfudhadhaa, olmilladhaa, baafamii keessan ya dhi'aatee” jedhe.

Mammaassa Odaa

(Mat. 24:32-35; Mar. 13:28-31)

29Jennaan Yesus mammaassa kana warratti himee, “Odaa fi muka cufaa laalaa. 30Yo innii baala baase, akka caamsaan dhi'aate inbeettan. 31Akkasuma, yo waan kana ka ta'aa argitan, akka Mootummaan Waaqaa dhi'aatte beettan. 32Dhugumaa waan anin isanitti himuu, haga wantii kun cuftii guutamtuutti dhalootii kun hindabru. 33Lafaa fi gubbaan indabartii, dubbiin tiyya ammoo hindabartu” jedhe.

Akka Yesus, Akka Kurfaanii Ufi Eegatan Gorse

34“Ammoo, akka garaan keessan waan quuftan, machiitii fi dhiphuu lafa tanaa hinheregne, akka guyyaan sun akka xuruuraa tassa isan irra hinbuune ufi eegadhaa; 35wantii akkanatiif guyyaan sun nama lafa irra jiruu cufaatti dhufa. 36Yo cufaa eegadhaa, akka waan dhufaa kana cufaa jalaa baatanii, ilma namaa dura ejaajjitan kadhadhaa” jedhe. 37#Luq. 19:47 Yesus guyyaa guyyaa Mana Waaqaa keessatti nama barsiisee, galgala galgala ammoo gara gaara, “Gaara Ejersaa” jedhanii dhaqee achi gubbaa bule. 38Namii cuftii ganama ka'ee akka isa caqasu Mana Waaqaa yaa'e.

Currently Selected:

Luqaas 21: KakHaa

Highlight

Copy