Oduu Nagayaa Ka Maatewoosii 5
5
Yesuus Gaara Irratti Barsiise
(5:1-7)
1Yesuus hennaa gumii hedduu arge, gaara irra ol bayee taa'e. Darasoonnillee gara isaa dhufan. 2Achiin maayessa inni akkana jedhee isaan barsiise.
Eebba Dhuga'aa
(Luq. 6:20-23)
3 #
Isaayyaasii Raatticha 57:15
«Worri Ayyaanaan hiyyeeyyii ta'an, worra eebbifame,
Jeennanni sami'ii ta isaanii waan taateef!
4 #
Isaayyaasii Raatticha 61:2
Worri gaddan worra eebbifame;
jajjabina waan argataniif.
5 #
Kitaaba Faarfanna'aa 37:11
Worri gad uf qabu worra eebbifame;
waan biyya lafaa dhaalaniif.
6 #
Isaayyaasii Raatticha 55:1-2
«Worri qajeellummaa beelayanii fi dheebotan worra eebbifame;
waan quufaniif.
7 #
25:35-46; Yaq. 2:13 Worri namaa dhiifama godhan worra eebbifame;
Rabbi waan isaanii araaramuuf!
8 #
Kitaaba Faarfanna'aa 24:3-4
Worri yaanni garaa isaanii qulqulluu ta'e worra eebbifame;
isaan Rabbiin waan arganiif!
9 #
Ibr. 12:14
Worri nama wolitti araarsan worra eebbifame;
isaan ijoollee Rabbii jedhamanii!
10 #
Phex. 1ffaa 3:14
Worri qajeellumma'aaf ari'aman worra eebbifame;
Jeennanni sami'ii ta isaanii waan taateef! 11#Phex. 1ffaa 4:14 «Anaaf jedhanii yoo namoonni isin arrabsan, yoo isin ari'an, yoo dharaan maqaa isin balleessan isin worra eebbifame. 12#Seenaa 2ffaa 36:16; Hu. Er. 7:52; Ibr. 11:32-38 Isaan raattota isiniin duraatuu akkasuma ari'aa turan. Gatiin keessan samii gubba'atti guddaa waan ta'eef, gammadaa ililfadhaa'a» isaaniin jedhe.
Fakkeenna Waan Sooqiddaatii Fi Ifaa
(Mar. 9:50; Luq. 14:34-35)
13Isin akka sooqidda lafaa ti. Sooqiddi mi'aa sooqiddummaa ufii yoo dhabe, maali'iin mi'aaya? Gara diidaa gatamee namoonni irra deeman malee, womaafuu bu'aa hin qabu. 14#Yoh. 8:12; 9:5; Filph. 2:5 «Isin ifa adunya'aa ti. Qachaan gaara gubbaa jirtu dhokachuu hin dandeettu. 15#Mar. 4:21; Luq. 8:16; 11:33 Namoonni ifaa ibsanii, akka nama mana keessa jiru maraaf ifutti, waan ifaan irra kaayamu irra kaayan malee, gonbisoo jala hin kaayan. 16#Efe. 5:8-9; Phex. 1ffaa 2:12 Hujii mishaa keessan arganii, Abbaa keessan ka samii jiru akka kabajjan, ifni keessan nama maraa afo'otti haa ifuu» jedheen.
Waan Seera Karaa Muuse'eetiin Kenname Barsiise
17 #
3:15; Rom. 3:31 «Ani waan seeraa fi waan raattonni barsiisan diigu'uuf dhufe hin seeyinaa'a. Raawwachu'uuf dhufe malee, diigu'uuf hin dhufne. 18#Luq. 16:17 Ani dhugamaan isiniin jedha, sami'ii fi ardiin haga luftutti seera keessaa tokkottiin yookiin qabxiin tokkottiinuu horoma hin raawwatamti malee hin baddu. 19#Yaq. 2:10 Eegasuu seera kanniin maraa keessa ka irra diqqa'aa tokkottiillee ka diigu, akka diiganillee ka namoota barsiisu, jeennata sami'ii keessatti nama maraa irraa diqqa'a jedhama. Namni seera kana eeguu fi akka eegan ka barsiisu ammoo, jeennata sami'ii keessatti gudda'a jedhama. 20Akkana isiniin jedha, qajeellummaan keessan qajeellummaa barsiisota Seera Muuse'eetii fi Fariisotaa yoo caale malee, horoma jeennata sami'ii hin galtan» isaaniin jedhe.
Lubbuu Ajjeesuun Hin Barbaachisu
21 #
Seera Bawu'uu 20:13; Seera Keessa deebi'ii 5:17; 24:17 Worra duraatiin, « ‹Hin ajjeesin, namni yoo nama ajjeese abboota murti'ii afo'otti itti murama› ka jedhame dhageettaniirtan. 22#Yoh. 1ffaa 3:15 Ani ammoo akkana isiniiniin jedha, eennullee obboleessa yookiin obboleettii ufiititti yoo mufate, abboota murti'ii afo'otti itti murama; namni obboleessa ufiitiin «Gowwaa'a!» yoo jedhe yaa'iitu itti murteessa. Ka obboleessa ufiitiin ‹Duudaa'a!› jedhu maruu murtii ibidda asaabaatiif dhiyaata. 23#Mar. 11:25 Eegasuu kennaa kee ka Rabbii kennitu mi'a kenna'aa irratti hennaa dhiyeessitu, obboleessi kee akka si komate yoo yaadde, 24Kennaa kee ka Rabbii kennitu achumatti dhiisiitii, duraan dursii obboleessa kee woliin araarami, achiin maayessa deebi'iitii kennaa kee Rabbii dhiyeessi.
25 #
18:35; Luq. 12:58-59 Nama si himate tokko woliin gara hulee yaa'iititti uduma deemtu dafii karaa irratti isa woliin wolii gali. Achi geettee jennaan, abbaan murti'ii ka si hidhutti dabarsee si kennee, ka si hidhullee mana hidha'aatitti si galcha. 26«Ani dhugamaan siin jedha, waan sitti murame keessaa saantimiin cabduunillee uduu hin hafin haga kaffaltutti sirimaa hin baatu» jedhe.
Seebaruun Hin Barbaachisu
27 #
Seera Bawu'uu 20:14; Seera Keessa deebi'ii 5:18 Yesuus, « ‹Hin seebarin› akka jedhame dhageettaniirtan. 28#Saamu'eelii 2ffaa 11:2; Kitaaba Iyyoobii 31:1 Ani ammoo akkana isiniin jedha, namni ija hawwi'iitiin dubartii laale, garaa ufii keessatti isii woliin seebareera. 29#18:9; Mar. 9:47 Ijji mirgaa yoo cubbuu si hojjachiifte, uf keessaa baasii gati; nafti kee guutuun gara asaabaa ka gatamee mannaa, nafa kee keessaa tokko fafaayuu sii woyya. 30#18:8; Mar. 9:43 Harki kee ka mirgaa yoo cubbuu si hojjachiise ufirraa murii gati; Nafti kee guutuun gara asaabaa ka gatamee mannaa, nafa kee keessaa tokko fafaayuu sii woyya.»
Barumsa Waan Wol Hiikuu Abbaa Manaatii Fi Haadha Manaa
(Mat. 19:9; Mar. 10:11-12; Luq. 16:18)
31 #
19:7; Mar. 10:4; Seera Keessa deebi'ii 24:1-4 «Ammallee Yesuus, ‹Namni haadha manaa ufii hiiku maruu, barreeffama isii hiikuu isaa ibsu haa kennuufii› jedhameera. 32#19:9; Mar. 10:11-12; Luq. 16:18; Qor. 1ffaa 7:10-11 Ani ammoo akkana isiniin jedha, yoo isiin seebarte malee, haadha manaa ufii ka hiiku maruu seebartuu isii taasisa; namni ta abbaa manaa jalaa baate fuudhu maruu hin seebara.»
Kakachuu
33 #
Seera Leewwotaa 19:12; Seera Laakkobsaa 30:2; Seera Keessa deebi'ii 23:21 «Ammallee, worra duraatiin, ‹Dharaan hin kakatinaa'a; waan Goofta'aaf kakattan ammoo raawwadhaa'a› akka jedhame dhageettaniirtan. 34#23:22; Hu. Er. 7:49; Yaq. 5:12; Isaayyaasii Raatticha 66:1 Ani ammoo akkana isiniin jedha, horoma hin kakatinaa'a. Sami'iin hin kakatinaa'a. Teessoo Rabbii waan taateef. 35#Kitaaba Faarfanna'aa 48:2 Ardi'iin hin kakatinaa'a ejjata luka Rabbii waan taateef, Yerusaalemiinillee hin kakatinaa'a qachaa guddittii mooti'ii waan taateef, 36Rifeensa mataa keetii tokkocha adii yookiin gurraacha godhuu waan hin dandeenneef, ufiinillee hin kakatin. 37#Yaq. 5:12; Qor. 2ffaa 1:17 Haata'uu ammoo dubbiin keessan dhugaa yoo ta'e ‹Ee› soba yoo ta'e ‹Wa'a› jedhaa'a; wonti kanarra caale hammeenna irraa dhufa» jedhe.
Haluu Bayuun Hin Barbaachisu
(Luq. 6:29-30)
38 #
Seera Bawu'uu 21:24; Seera Leewwotaa 24:20; Seera Keessa deebi'ii 19:21 « ‹Ijji, ijaaf; ilkaan, ilkaaniif› akka jedhame isinuu dhageettaniirtan. 39#Yoh. 18:22-23 Ani ammoo akkana isiniin jedha; nama waan badaa sirratti hojjate haluu hin bayin. Namni tokko boqoo mirgaa yoo si dhabanaase, taanillee itti deebis. 40#Qor. 1ffaa 6:7 Namni tokko shamisii tee fudhachu'uuf barbaadee yoo si himate, kootii keellee kenniif. 41Namni tokko karaa hagoo na geegessi siin jedhee yoo si giddisiise, ati ammoo san caalaa geegessiin. 42#Seera Keessa deebi'ii 15:7-8 Ka waa si kadhatee kenni; ka sirraa liqeeffachu'uuf barbaadu jalaa hin miliqin.»
Diinota Ufii Jaalachuu
(Luq. 6:27-36)
43 #
Seera Leewwotaa 19:18
« ‹Hiriyyaa kee jaaladhu, diina keellee jibbi› akka jedhame dhageettaniirtan. 44-45#Seera Bawu'uu 23:4-5; Luq. 23:34; Hu. Er. 7:59; Rom. 12:14-20 Ani ammoo akkana isiniin jedha. Diinota keessan jaaladhaa'a; worra isin miidhuufillee faateffadhaa'a. Yoo kana gootan ijoollee abbaa keessan ka samii jiruu taatani; Inni worra hammeeyyi'ii fi worra misha'aafillee aduu baasa; worra qajeela'aa fi worra qajeelaa hin taaneefillee hin roobsa. 46Worra isin jaalatu callaa yoo ka jaalattan ta'e, gatii maal qabdan? Worri Rabbitti hin bulle akkanuma godhaniimii ree? 47Obboleeyyan teessan callaa nagaya oo'aa yoo gaafattan, worra kaawwaniin adda taataniimii? Worri Yihuudota hin taane akkanuma godhaniimii? 48#Seera Leewwotaa 19:2; Seera Keessa deebi'ii 18:13 Abbaan keessan ka sami'ii akkuma guutuu ta'e, isinillee guutuu ta'aa'a.»
Currently Selected:
Oduu Nagayaa Ka Maatewoosii 5: WLNT
Highlight
Share
Copy
Want to have your highlights saved across all your devices? Sign up or sign in
Arsi-Bale Oromo New Testament, Literal Type Translation © Light of Hope Ministry, 2013.