Oduu Nagayaa Ka Maatewoosii 26

Yesuusiin Ajjeesisu'uuf Mari'atan

(Mar. 14:1-2; Luq. 22:1-2; Yoh. 11:45-53)

1Yesuus dubbii kana maraa dubbatee haga fixeen maayessa, darasoota ufiitiin, 2#20:18; Seera Bawu'uu 12:1-27 «Guyyaa lamaan maayessa ayyaanni Faasika'aa akka ayyaaneffamu hin beettan. Ilmi Namaa worra Isa fannisutti dabarfamee kennama» jedhe.

3Achiin maayii hayyichi gadootaatii fi manguddoonni gumi'ii dallawwa gadicha guddaa Qayyaafaa jedhamuutitti walgayan. 4Yesuusiin dharaan qabsiisanii ajjeesu'uuf mari'atan. 5Haata'uu ammoo, «Gumii eddu'utti nageenni akka hin boorofne guyyaa ayyaanaatiin hin ta'in» jedhan.

Dubartiin Takka Bitaaniya'atti Yesuusiin Urgoo Ibsite

(Mar. 14:3-9; Yoh. 12:1-8)

6Yesuus Biitaaniya'atti mana Simoonii dhukkuba gogaa kukkutuun qabamee uduu jiru, 7#Luq. 7:37-38 Dubartiin takka urgoo gatiin isaa gudda'aa ka bilqaaxii #26:7 bilqaaxii: bilillee Albaaxiroosiititti guuttame qabattee gara isaa dhuftee, uduu inni hurbaataaf taa'eeru, urgoo san mataa isaa irratti buufte. 8Darasoonni isaa hennaa argan, aaranii, «Kun maaf lafatti bada? 9Urgoon kun gatii gudda'atti gurguramee, birriin sun silaa hiyyeeyyi'iif uduu kennamee woyya» jedhan.

10Yesuus waan kana beekee akkana isaaniin jedhe, «Dubartii tana maaf rakkiftan? Isiin waan mishaa naa goote. 11#Seera Keessa deebi'ii 15:11 Hiyyeeyyiin hennaa maraa isin woliin jiran, Ani ammo hennaa maraa isin woliin hin jiraadhu. 12Isiin urgoo kana nafa kiyyatti buuftee#26:12 buuftee: biiftee awwaalaaf na qopheessite. 13Ani dhugamaan isiniin jedha, biyya lafaa maraa keessatti, bakka kamittuu Oduun Nagayaa hennaa lallabamu wonti isiin goote kun ammoo akka isiin qaabatamtuuf himama.»

Yihuudaan Yesuusiin Dabarsee Kennu'uuf Jaraan Wolii Gale

(Mar. 14:10-11; Luq. 22:3-6)

14Hennaa san darasoota kudha lamaan keessaa namni Yihuudaa jedhamu ka biyya Asqorootuu tokko gara bulchoota gadootaa dhaqee, 15#Yoh. 11:57; Zakkaariyaasii Raatticha 11:12; Xim. 1ffaa 6:9-10 «Yoo ani isa dabarsee isinii kenne, isin maal naa kennitan?» isaaniin jedhe; isaan birrii soddoma jedhaniin. 16Sa'aatii san irraa jalqabee dabarsee isa kennu'uuf hennaa mishaa isaaf tolu soqa'aa ture.

Yesuus Hurbaata Ayyaana Faasika'aa Darasoota Woliin Nyaate

(Mar. 14:12-21; Luq. 22:7-13, 21-23; Yoh. 13:21-30)

17 # Seera Bawu'uu 12:17-20 Jalqaba guyyaa ayyaana xorosho'oo darasoonni gara Yesuusii dhufanii, «Hurbaata ayyaana Faasika'aa eessatti akka sii qopheessinu barbaadda?» jedhanii isa gaafatan.

18 # 21:3 Inni deebisee, «Qachaa keessa gara mana nama tokkoo dhaqa'aatii, namicha saniin, ‹Barsiisaan hennaan kiyya dhiyaateeraa; darasoota tiyya woliin si biratti ayyaana Faasikaa godha, jedheera› jedha'aan.» isaaniin jedhe. 19Darasoonni isaallee akkuma Yesuus isaan ajaje godhanii Faasikaa qopheessan.

20Galgala san darasoota ufii barattoota kudha lamman woliin hurbaataaf taa'e. 21Uduu waa nyaata'aarani, Yesuus, «Ani dhugamaan isiniin jedha, isin keessaa namni tokko dabarsee na kenna» jedhe.

22Guddisanii gaddanii gari gariin isaanii, «Gooftaa'a, ana ta'innaa?» jechuu jalqaban.

23 # Yoh. 13:18; Kitaaba Faarfanna'aa 41:9 Yesuus deebisee, «Ka ana woliin harka ufii qorii keessa kaayutu dabarsee na kenna» jedhe. 24#18:7; Luq. 17:1 Ilmi Namaa akkuma wonti isaa barreeffame hin du'a. Haata'uu ammoo, «Nama Ilma Namaa dabarsee kennu san aanne'e! Namni sun silaa uduu dhalachuu baatee isaa woyya» isaaniin jedhe.

25Yihuudaan dabarsee isa kennu deebisee, «Barsiisaa'a, ana ta'innaa?» jedhe. Innillee atuu jette jedheen.

26 # 14:19; Qor. 1ffaa 10:16 Uduu nyaata'aaran, Yesuus xoroshoo ol fuudhee eebbisee qoshoree darasootaan, «Hoo'aa nyaadhaa'a; kun foon kiyya» jedhe. 27Xuwweellee ol fuudhee Rabbiin galatoonfatee, isaanii kennee, «Isin maruu itti unaa'a; 28#20:28; Seera Bawu'uu 24:8; Ermiyaasii Raatticha 31:31-34; Ibr. 9:20 Kun dhiiga kiyya ka waadaa haarawaa ka cubbuu namoota hedduutiif jigu. 29Haata'uu ammoo akkana isiniin jedha, jeennata Abbaa kiyyaa keessatti isin woliin ammaa achi haga guyyaa daadhii woyini'ii dhuguutitti adha irraa jalqabee deebi'ee isin woliin hin dhugu» isaaniin jedhe.

30Faaruu haga faarsaniin maayessa gara gaara ejersaa ol bayan.

Yesuus Pheexroos Akka Isa Ganu Dursee Hime

(Mar. 14:27-31; Luq. 22:31-34; Yoh. 13:36-38)

31 # Zakkaariyaasii Raatticha 13:7; Yoh. 16:32 Hennaa san Yesuus isin martinuu halkan kana na dhiiftanii baqattan, Ani tissee hin dhayaa hoolonni hin faca'an jedhamee waan barreeffameeruuf. 32#28:7, 16 Hennaa du'aa ka'een maayessa ammoo gara Galiila'aa isin firrisa isaaniin jedhe.

33Pheexroos deebisee, «Yoo isaan martinuu si biraa baqatanillee, ani horomaa si biraa hin baqadhu» jedheen.

34 # Yoh. 13:38 Yesuus, «Ani dhugamaan siin jedhaa, edanuma, uduu lukkuun hin iyyine, harka sadihii na waakkatta» jedheen.

35Pheexroos ammo, «Yoma ka si woliin du'u ta'ellee'e, ani horoma si hin waakkadhu» jedheen. Darasoonni maruu akkasuma jedhan.

Yesuus Getesemaane'etti Faateffate

(Mar. 14:32-42; Luq. 22:39-46)

36Achiin maayessa Yesuus isaan woliin gara hulee Getesemaanee jedhamtuu dhaqee, darasoota ufiitiin, «Haga ani achi dhaqee faateffadhuuf, isin asi taa'aa'a!» isaaniin jedhe. 37#17:1; Ibr. 5:7 Pheexroosii fi ilmaan Zabdewoosii lamaanuu fudhatee, yaadda'uu fi gadduu jalqabe. 38#Kitaaba Faarfanna'aa 43:5; Yoh. 12:27 Achiin maayessa inni, «Lubbuun tiyya haga du'aa guddiftee gadditeerti. Isin as turaa na woliin jabaadhaa'a» isaaniin jedhe.

39 # Yoh. 18:11; 6:38; Ibr. 5:7-8 Diqqoo isaan irraa siiqee, kallachaan gad kufee, «Abbaa kiyya, yoo danda'ame, mijuun rakkinnaa tun narra haa luftuu; haata'uu ammoo akka fedha keetii malee, akka fedha kiyyaa hin ta'in» jedhe.

40Achiin maayessa inni gara darasootaa dhufee, uduu rafa'aaran isaan argee, Pheexroosiin, «Maarre, isin sa'aatima tokkollee na woliin jabaachuu dadhabdanii? 41#6:13; Luq. 11:4; Efe. 6:18 Akka ataabe'etti hin galle jabaadha'aa faateffadhaa'a; Ayyaanni qophaaya'a, foon ammoo dadhaba'a» jedheen.

42 # 6:10 Yesuus ammallee hennaa lammaffa'aaf isaan irraa siiqee, «Abbaa kiyya, mijuun rakko'oo tuni uduu hin dhunne narra lufuu ka hin danda'amne yoo ta'e, fedhiin tee haa taatu» jedhee faateffate.

43Yesuus ammallee deebi'ee yoo dhufu ijji isaanii dunquqqaayee ka rafa'aaran arge.

44 # Qor. 2ffaa 12:8 Ammallee isaan irraa siiqee, hennaa sadaffa'aafillee akkasuma jedhee faateffate. 45#26:18; Yoh. 12:23; 13:1; 17:1 Achiin maayessa gara darasootaa dhufee, «Isin haga ammaa rafa'aa, harabaafata'aartanii? Kunoo, sa'aatiin Ilmi Namaa harka cubbamootaatitti dabarfamee kennamu geetteerti. 46#Yoh. 14:31 Koottaa haa deemnuu! Kunoo, ka dabarsee na kennu dhiyaateera» isaaniin jedhe.

Yesuus Qabame

(Mar. 14:43-50; Luq. 22:47-53; Yoh. 18:3-12)

47Uduu Yesuus waan kana dubbata'aaru, darasoota kudha lamaan keessaa tokko, Yihuudaan dhufee; gumiin hedduu isa woliin guraade'ee fi bokkuu qabatanii, bulchoonni gadootaatii fi manguddoonni biyyaallee isa woliin dhufan. 48Yihuudaan dabarsee isa kennu, «Namni ani dhungadhu isaa, isa qabaa'a» jedhee malkata isaanii kenne.

49Yihuudaan akkuma gara Yesuusii dhufeen, «Barsiisaa'a, attam nagaya jirtaa!» jedhee isa dhungate.

50Yesuus deebisee, «Jaalalloo kiyya, waan huju'uuf dhufte huji» jedheen.

Achiin maayessa isaan dhufanii Yesuusiin jabeessanii qaban. 51Worra Yesuusiin woliin jiran keessaa tokko guraadee baafatee gurra hojjataa gadichaa dhayee irraa kute. 52#Seera Uumamaa 9:6; Mudh. Yoh. 13:10 Hennaa san Yesuus akkana jedhe, «Guraadee kee qolatti deebis; worri guraadee luqqifatan maruu guraade'een badan. 53#Yoh. 1:51; 18:36 Ani Abbaa kiyya uduu gaafadhee, Inni ammoo ammuma maleekkota loltuu kudha lamaa caalan waan naa erguu hin dandeenne si fakkaataa? 54Yoo akkana ta'e, wonti Kitaabni Woyyuu irratti barreeffame attamiin raawwatama ree?»

55 # Luq. 19:47; 21:37; Yoh. 18:20 Hennaa san Yesuus gumi'iin akkana jedhe, «Akka nama shiftaa qabu'uuf bokku'uu fi guraadee qabattanii na qabu'uuf dhuftanii? Hennaa ani guyyaa guyya'aan mana woyyuu keessa isin woliin taa'ee barsiisu, na hin qabne isaaniin jedhe. 56Haata'uu ammoo kun martinuu wonti ta'eef Kitaaboleen raattotaa haa raawwatamu'uuf» jedheen. Hennaa san darasoonni martinuu Isa dhiisanii dheessan.

Yesuus Yaa'ii Worra Yihuudotaa Duratti Dhiyaate

(Mar. 14:53-65; Luq. 22:54-55, 63-71; Yoh. 18:13-14, 19-24)

57Worri Yesuusiin qaban sun, barsiisonni Seera Muuse'eetii fi manguddoonni hulee gumiin itti wolgaye, gara bulchaa gadootaa gara Qayaafaa fidaniin. Pheexroos haga dallawa gadichaa irraa fagaatee faana deeme. 58Dhuma dubbii kanaa argu'uuf dallawa keessa seenee hojjattoota woliin taa'e. 59Bulchoonni gadootaatii fi gumiin jaarsolle'ee maruu Yesuusiin ajjeesu'uuf raattoota dharaan isa irratti ragaa bayan soqa'aa turan. 60#Seera Keessa deebi'ii 19:15 Raattota dharaa hedduu hennaa fidanillee'e, womaa isa irratti hin argine; dhuma irratti namoonni lamaan dhufanii, 61#Yoh. 2:19-21; Hu. Er. 6:14 «Namichi kun, ‹Ani mana woyyuu Rabbii kana diigee guyyaa sadihitti ijaaruu danda'a› jedheera» jedhan.

62Bulchaan gadootaa ol ka'ee, «Waan isaan si irratti ragan kanaaf ati waan tokkollee hin deebiftuu?» jedheen. 63#16:16; 27:12; Yoh. 10:24 Yesuus ammoo hin cadhise, Achiin maayessa bulchaan gadootaallee, «Maqaa Rabbii jiraata'aatiin si wogee, ati Kiristoosii#26:63 Kiristoosii: Masihii Ilma Rabbii yoo taate nutti himi» jedheen. 64#16:27; 24:30; Daani'eelii Raatticha 7:13; Kitaaba Faarfanna'aa 110:1 Yesuus deebisee, «Maarre atinuu jette. Haata'uu ammoo akkana isiniin jedha, amma irraa jalqabee Ilmi Namaa harka mirga Rabbii hunna qabuu ka samii taa'u duumessaanillee hennaa deebi'ee dhufu hin argitan» jedheen.

65 # 9:3; Yoh. 10:33; Hu. Er. 14:14; Seera Leewwotaa 24:16; Seera Laakkobsaa 14:6 Hennaa san bulchaan gadootaa uffata ufii biinxee, «Kunoo Inni Rabbiin arrabseera! Eegasuu ammaa achi ragaa biraa maaf barbaanna? 66#Yoh. 19:7 Maal isinitti fakkaata?» jedhe.

Isaan deebisanii, «Inni haa du'uu» jedhan.

67 # Isaayyaasii Raatticha 50:6 Hennaa san hancufa fuula isaatitti tufanii tontoommo'oon dhayan; Kuuwwan dhabanaasa'aan kabalanii, 68«Kiristoos! ka dhabanaasa'aan si dhaye eennu? mee raaga nutti himi» jedhaniin.

69Pheexroos manaan ala dallawwa keessa taa'ee uduu jiru, Dubartiin hojjattuun takka gara isaa dhuftee, «Atillee Yesuusii Galiila'aa woliin turte!» jetteen.

70Inni ammoo, «Nama ati jettu kana ani hin beeku» jedhee nama maraa afo'otti waakkate. 71Hennaa inni gara seensa balbalaa dhaqe, ta biraallee isa argitee, worra achi jiruun, «Namichi kun Yesuusii nama Naazireetii woliin jira» jette. 72Lammaffaallee ani isa hin beeku jedhee kakatee waakkate.

73Diqqoo turanii worri achi dhaabataniiran gara Pheexroosii dhufanii, «Akki ati dubbattuuyyuu hin beessisa, ati dhugamaan nama gosa isaaniiti» jedhaniin.

74Hennaa san inni, «Ani namicha isin jettan san hin beeku» jedhee uf abaara'aa kakachuu jalqabe. 75Achiin maayessa Pheexroos dubbii Yesuus, «Uduu lukkuun hin iyyin harka sadihii na waakkatta» jedhe qaabatee, gara diidaa gad bayee akka malee mararamee booye.

Currently Selected:

Oduu Nagayaa Ka Maatewoosii 26: WLNT

Highlight

Copy