Oduu Nagayaa Ka Luuqaasii 6

Gaafii Waan Guyyaa Sambataa

(Mat. 12:1-8; Mar. 2:23-28)

1 # Seera Keessa deebi'ii 23:25 Guyyaa Sambata diqqa'aa Yesuus maasaa midhaanii keessa lufa'aa ture. Darasoonni isaallee asheeta kukuta'aa harkaan sukkuuma'aa nyaata'aa turan. 2#Yoh. 5:10 Fariisota keessaa namoonni gari gariin, «Isin maaliif waan guyyaa Sambataatiin godhamuun hin malle gootan?» jedhanii isaan gaafatan. 3-4#Saamu'eelii 1ffaa 21:1-6; Seera Leewwotaa 24:9 Yesuus akkana jedhee isaanii deebise, «Daawiti hennaa beelaye inni namoota isa woliin jiran woliin, gara mana Rabbii akkuma seeneen gadoota malee ka namoonni biraa nyaatuun isaanii hin malle xoroshoo ciinca'aa fuudhee akka nyaate worra isa woliin jiraniillee akkasuma akka kenneef hin dubbifne?» jedhe. 5Achiin maayessa Yesuus, «Ilmi Namaa Gooftaa Sambataati» isaaniin jedhe.

Yesuus Namicha Harka Laamshayeeru Tokko Fayyise

(Mat. 12:9-14; 3:1-6)

6Gaafa biraallee guyyaa Sambataa gara mana sagada Yihuudotaa seenee barsiise. Hennaa san namichi harki isaa ka mirgaa naafate tokko achi ture. 7#14:1 Barsiisonni Seera Muuse'eetii fi Fariisonillee waan isa himataniin sababa soqu'uuf guyyaa Sambataa akka inni fayyisu eega'aa turan. 8#5:22; 9:47; Mat. 9:4; 12:25 Inni ammoo yaada isaanii beekee namicha harki isaa naafateen ka'ii edduu isaanii dhaabadhu jedheen. Innillee ka'ee dhaabate. 9#14:3 Achiin maayessa Yesuus isaaniin, «Ani waa isin gaafadha: Seerri keenna guyyaa Sambataatiin maal akka goonu nu ajaja? waan mishaa moo waan hama'a? Lubbuu fayyisu'u moo ajjeesu'u?» isaaniin jedhe. 10Yesuus gara namoota isa marsanii laalee, namichaan ammoo, «Harka kee diriirsi» jedheen. Innillee harka ufii hin diriirse, harki isaallee akkuma harka kaanii fayyaa ta'e. 11#Yoh. 11:47 Isaanillee akka malee aaranii Yesuusiin maal haa goonuun? jedha'aa woliin mari'atan.

Yesuus Ergamoota Kudha Lamaan Filate

(Mat. 10:1-4; Mar. 3:13-19)

12Innillee torbaanuma san keessa kadhachu'uuf gara gaaraa ol bayee, Halkan guutuu Rabbiin kadhata'aa bule. 13#Yoh. 6:70 Hennaa lafti bariite darasoota ufii gara ufii waamee, Isaan keessaallee namoota kudha lamaa filatee, Ergamoota jedhee maqaa isaanitti baase. 14#Hu. Er. 1:13 Isaanillee, Simoon ka inni Pheexroos jedhee maqaa itti baase, Indiriyaas obboleessa Pheexroosii, Yaaqoob, Yohaannis, Filiphoos, Bartalemewoos, 15Maatewoos, Toomaas, Yaaqoobii ilma Alfewoosii, Simoon ka «Hinaafticha» jedhamee beekkame, 16Yihuudaa ilma Yaaqoobiitii fi Yihuudaa nama biyya Asqorotu ka Yesuusiin dabarsee kenne fa'a.

Akka Yesuus Worra Dhibaman Fayyisee Fi Barsiise

(Mat. 4:23-25)

17Isaan woliin bu'ee bakka raasaa wotaraa dhaabate. Worra gosa darasoota isaa keessaallee banii heddutu ture. Akkasuma isa dhagayu'uuf dhibee isaanii irraa fayyu'uuf jedhanii biyya Yihuudaa maraa, Yeruusaaleemii, Xiroosii, Siidoonaa daangaa galaanaatii worri dhufe namoota heddutu ture. 18Namoonni ayyaanni battiin dhaye hin fayyan. 19#5:17; 8:46 Hunni isa keessaa baye maraa fayyisa'aa waan tureef, baniin sun maruu isa tuqu'uuf fedha'aa turan.

Gammachu'uu Fi Gadda

(Mat. 5:1-12)

20 # Yaq. 2:5 Innillee gara darasoota ufii laalee, akkana isaaniin jedhe,

«Jeennanni sami'ii teessan waan taateef,

Isin hiyyeeyyiin worra eebbiffame!

21 # Mudh. Yoh. 7:16-17; Kitaaba Faarfanna'aa 126:5-6; Isaayyaasii Raatticha 61:3 «Isin worri amma beeloftan eebbifamtoota;

waan quuftaniif!

«Isin worri amma boottan eebbifamtoota;

waan kolfitaniif!

22 # Yoh. 15:18-19; 16:2; Phex. 1ffaa 4:14 Namoonni, «Sababa Ilma Namaatiif, yoo isin jibban yoo isin fooyan, yoo isin tuffatanii fi maqaa hamaa yoo isinitti baasan, isin worra eebbifame! 23#Seenaa 2ffaa 36:16; Hu. Er. 7:52 samii irratti gatiin keessan guddaa waan ta'eef gammada'aa buburraaqaa'a. Abbootiin keessanillee raattota irratti akkasuma godha'aa waan turaniif.

24 # Yaq. 5:1 Haata'uu ammo, «Isin worri amma dureeyyi'ii isin aanne'e; gatii keessan fudhattaniirtan.

25 # Yaq. 4:9 Isin worri amma quuftan isin aanne'e;

hin beeloftan!

Isin ammoo worri amma kolfitan isin aanne'ee!

gadditanii hin boottan!

26 # Yaq. 4:4 Yoo namoonni waan misha'aan isin himan isin aanne'ee! Abbootiin teessan raattota dharaatiif akkasuma godha'aa waan turaniif.

Diinota Jaalachuu

(Mat. 5:38-48; 7:12)

27 # Rom. 12:20 Haata'uu ammoo isin worra na dhageettaniif akkana jedha. Diinota keessan jaaladhaa'a, worra isin jibbuuf waan mishaa godhaa'a. 28#Rom. 12:14 Worra isin abaaru eebbisaa'a, worra isin yakkaniif Rabbiin kadhadhaa'a. 29#Yoh. 18:22-23; Hu. Er. 23:3 Ka boqoo kee dhabanaasu deebisii ka lammaffa'aallee itti naannessi. Ka kootii kee fudhatuuf shamisiillee eda'ii kenniif. 30Nama si kadhate maraafuu kenni. Ka birrii kee sirraa liqeeffate yookiin ka fudhate akka sii deebisu hin gaafatin. 31#Mat. 7:12 Waan namoonni akka isinii godhan feetan isinillee akkasuma isaanii godhaa'a. 32Worra isin jaalate yoo jaalattan galata maal qabdan? Cubbamoonnillee akkasuma worra isaan jaalatan waan jaalataniif. 33Worra waan mishaa isinii godhee, waan mishaa yoo gootan, galata maal qabdani? Cubbamoonnillee akkasuma waan godhaniif. 34#Seera Leewwotaa 25:35-37 Worra isinii deebisu callaa abdattanii yoo liqeessitan galata maal qabdan? Cubbamoonnillee akkasuma nama isaanii deebisuu danda'uu waan liqeessaniif. 35Isin garuu diinota keessan jaaladhaa'a; waan mishaa isaanii godhaa'a, womaa uduu abdii hin goone liqeessaa'a; yoo san gatiin keessan guddaa ta'a. Ijoollee Rabbii taatan. Inni worra isa hin galateeffanneef, worra hamootaafuu arjaa waan ta'eef. 36Akkuma abbaan keessan garaa laafu, isinillee garalaafeyyii ta'aa'a.

Namatti Murteessuu

(Mat. 7:1-5)

37 # Mat. 6:14 «Eennuttillee hin murteessinaa'a, isinitillee hin murtaayu; yakkillee isinitti hin muramu, namaa dhiifama godhaa'a, isiniifillee hin dhiifamaa. 38#Mar. 4:24; Qor. 2ffaa 9:6 Kennaa'a, isinii kennamaa. Waan isin ittiin safartaniin isinniillee safaramaa. Safartuu akka misha'atti itti gadi qabamee sochoofamee guuttameen haga isin baadhachuu dandeettanitti isinii kennama. 39#Mat. 15:14; 23:16 Yesuus akkana jedhee mammaaka kana isaanitti hime. Ballaan ballaa masakuu danda'aa? Yoo masake lamaanuu boollatti hin badanii? 40#Mat. 10:24-25; Yoh. 13:16; 15:20 Barataan barsiisaa hin caalu, ka sirri'itti baratee fixe maruu ammo akka barsiisa'aa ta'a.

41«Huura ija obboleessa kee keessa jiru maaf laaltaa? Waan guddaa ija kee keessa jiru ammoo maaf hin argine? 42Waan guddaa ija kee keessa jiru uduu hin argine obboleessa keetiin attamitti, ‹Obboleessa kiyya, huura ija kee keessa jiru si baasaa naa eeyyami› jechuu dandeettaa? Ati ka fakkeessitu duraan dursii waan guddaa ija kee keessa jiru baasi, achiin maayessa huura ija obboleessa kee keessa jiru baasu'uuf midhaassitee argita.

Munni Daraaraa Ufiitiin Beekkama

(Mat. 7:16-20; 12:33-35)

43«Munni mishaan midhaan hamaa hin daraaru, munni hamaanillee midhaan mishaa hin daraaru. 44#Mat. 12:33 Munni maruu daraaraa isaatiin waan beekkamuuf muka qore'ee irraa daraaraa hurbu'uu guuran. 45#Mat. 12:34-35 Waan garaa keessa guute afaan qaaqa; namni waan mishaa garaa ufii keessatti kuufate dubbata. Namni badaan waan badaa garaa ufii keessatti kuufate dubbata.

Namoota Lamaan Mana Ijaaran

(Mat. 7:24-27)

46 # Milkiyaasii Raatticha 1:6; Mat. 7:21; Yaq. 1:22-25 «Waan ani isinitti himu uduu hin hojjanne, maaf, ‹Gooftaa'a, Gooftaa'a› jedha'aa na waamtan. 47Namni gara kiyya dhufee, dubbii kiyya dhagayee ka godhu maruu eennuun akka fakkaatu isaanitti mudhisa. 48Inni nama mana isaa dhagaa irratti gadi fageessee qotee ijaarate tokko fakkaata. Lolaan hennaa dhufee mana san dhiibe, Manni sun dhakaa irratti waan ijaarameef sochoosuu hin dandeenne. 49Namni dubbii kiyya dhagayee hujii irra hin oolchine akkasuma nama dhaaba mana isaa gadi fageessee hin ijaarre tokko fakkaata. Lolaan dhufee dhiibee mana san kuffisee kufaatiin mana saniillee badaa ta'e.»

Currently Selected:

Oduu Nagayaa Ka Luuqaasii 6: WLNT

Highlight

Copy