Hujii Ergamootaa 7

Dubbii Isxifaanos Dubbate

1Bulchaan gadootaallee, «Dubbiin kun akkanaa?» jedheen. 2#22:11; Seera Uumamaa 11:31—12:1 Innillee akkana jedhe, «Obboleeyyanii fi abboota tiyya, dhagayaa'a! Waaqa ulfinnaa, Abbaa keenna Abrahaamiin uduu inni biyya Kaaraanii hin dhaqin lafa laga lamaan jiddu'utti itti mudhatee, 3#Seera Uumamaa 12:1 ‹Biyya keetii fi Firoota kee keessaa bayiitii gara biyya ani sitti mudhisuu koottu› jedheen. 4#Seera Uumamaa 12:4-5; 15:7 Hennaa san biyya Kaladaawootaatii bayee Kaaraaniin taa'e. Achiillee haga abbaan isaa du'een maayii gara biyya adha isin keessa jiraata'aartan kanatti isa baase. 5#Seera Uumamaa 12:7; 13:15; 15:18; 17:8 Achitti lafa haga taakkuu takkattii taatuu hin kennineef. Haata'uu ammoo uduu inni ilma hin arganne isaaf worra isaan maayessaallee fiixaa isaatii akka ristii kennuuf waadaa galeef. 6#Seera Uumamaa 15:13-14; Seera Bawu'uu 3:12 Rabbillee, ‹Fiixaan isaa biyya biraatitti galtoota akka ta'aniif woggaa dhibba afuriif garboota akka isaan godhaniif akka isaan rakkisan dubbate. 7Akkasuma Rabbillee akka garbootaatitti banii isaan bulchan irratti ani isaaniitti murteessa. Achiin maayii hin bayan. Bakka kanatti na kaddaaman› jedhe. 8#Seera Uumamaa 17:10-14; 21:2-4; 25:26; 29:31—35:18 Waadaa sirna gadoomaallee hin keenneef. Akkasuma Yisaaqiin uumatee guyyaa saddeetaffa'aatitti gadoomse. Yisaaqi Yaaqoobiin, Yaaqoobillee abboota gosa kudha lamaa uumate.

9 # Seera Uumamaa 37:11, 28; 39:2, 21 «Obboleeyyan Yooseefii isatti hinaaftee garbicha akka ta'uuf biyya Misiriititti gurguratteen. Rabbi ammoo isa woliin ture. 10#Seera Uumamaa 41:37-44; Kitaaba Faarfanna'aa 105:21 Rakkinna maraa keessaa isa baaseenii mootii Misirii afoo Fari'ooniititti gaacheenaa fi ogummaa kenneef, Misirii fi mana isaa maraa irrattillee ajaja'aa fi bulchaa jaalatame godhee isa muude. 11#Seera Uumamaa 41:54; 42:5 Biyya Misiriitii fi Kana'aaniin maratuu beelaa fi rakkoo gudda'atu dhufe abbootiin teennallee waan nyaatan dhaban. 12#Seera Uumamaa 42:1-2 Yaaqoobi midhaan biyya Misirii jiraachuu haga dhagaye; dura abbootii teenna erge. 13#Seera Uumamaa 45:1, 16 Hennaa isaan deebi'anii gara Misirii dhaqan; Yooseef eennummaa ufii obboleeyyan ufiititti hime. Fiixaan Yooseefillee Fari'ooniin biratti beekkame. 14#Seera Uumamaa 45:9-11, 17-19; 46:27 Yooseefillee abbaa ufii Yaaqoobii fi maatii ufii namoota torbaatamii shanii firoota isaa maraa ergee waamsise. 15#Seera Uumamaa 46:1-7; 49:33; Seera Bawu'uu 1:6 Yaaqoobillee gara biyya Misirii bu'e, inniniif ilmaan isaallee achitti du'an. 16#Seera Uumamaa 23:2-20; 33:19; 50:7-13; Kitaaba Iyyaasu'uu 24:32 Lafeen isaaniillee gara lafa Seekeem jedhamuu geeffamtee hulee lafa awwaala Abrahaam birrii ufiitiin abbaa Seekeemii ijoollee Eemoorii irraa bitetti isaan awwaalan.

17-18 # Seera Bawu'uu 1:7-8 Hennaa barri Rabbi Abrahaamiif waada gale dhiyaate, mootiin Yooseefiin hin beenne ka biraa haga mooyuutti baniin Misiritti yookiin Misiriin keessatti baayi'ate. 19#Seera Bawu'uu 1:10-11, 22 Innillee worra keenna miidha'aati da'imman jireennaan akka hin jiraanne gara diidaa akka gatan godhee abbootii teenna rakkise. 20#Seera Bawu'uu 2:2; Ibr. 11:23 Hennaa san Muuseen dhalate. Innillee Rabbiin afo'otti bareedaa ture. Mana abba'aa keessallee ji'a sadihii jiraate. 21#Seera Bawu'uu 2:3-10 Inni hennaa alatti gatame san mucattiin Fari'oonii kaafteenii akka ilma isi'ii ta'uuf guddifte. 22Muuseen ogummaa Misirii maraa baratee dubbiia fi huji'iinillee jabaate. 23#Seera Bawu'uu 2:11-12 Haata'uu ammoo woggaa afurtamaa hennaa guutu obboleeyyan ufii ijoollee Isira'elootaa tooyatu'uuf garaa ufii keessatti yaade. 24Uduu namni Misirii tokko nama Isiraa'elii tokko miidhu argee, gargaareenii namicha Misirii dhayee ajjeesse. 25Obboleeyyan isaallee Rabbi karaa isaatiin wolaba akka isaan baasu waan hubatan isatti fakkaate. Isaan ammoo hin hubanne. 26#Seera Bawu'uu 2:13-14; Luq. 12:14; Hu. Er. 7:35 Bariisaa uduu isaan wol lolan argee, Araarsu'uuf barbaadee jarana isin obboleeyyan maaf wol miitan? isaaniin jedhe. 27Ka hiriyyaa ufii miidha'aaru ammoo bulcha'aa fi murteessaa akka taatu nurratti eentu si muude? 28Mo'o akkuma kaleessa namicha Misirii dhooftee ajjeefte nallee ajjeesuu kajeeltee? jedhee darbeen. 29#Seera Bawu'uu 2:15, 21-22; 18:3-4 Muuseenillee sababa dubbii kanaatiif dheesee biyya Midiyaamiititti galtuu ta'ee jiraate. Achiti ijoollee lamaa uumate. 30#Seera Bawu'uu 3:1-10 Woggaa afurtamaan maayii Maleekkaan Goofta'aa gaara Siina'aa ka lafa udume'ee biratti saatoo gubatu keessaan arraba ibiddaatiin itti mudhate. 31-32Muuseenillee argee, waan arge san maalalfatee, laalu'uuf yoo itti dhiyaatu, sagaleen Goofta'aa, ‹Ani Waaqa abboota keetii, Waaqa Abrahaamii, Waaqa Yisaaqiitii fi Waaqa Yaaqoobii ti› jedhee gara isaa dhufe. Muuseenillee hollata'aati laaluu sodaate. 33Gooftaanillee, ‹Bakki dhaabatteertu bakka qulqulloofte waan taateef kophee luka keetii baafadhu. 34Rakkinna banii kiyyaa ka Misiriin keessa jiran maraa argeera; iyyansa isaanii dhagayu'uuf bu'eera; ammallee koottu gara Misirii si ergaa› jedheen.

35 # Seera Bawu'uu 2:14; 3:2 Bulcha'aa fi abbaa murte'ee akka taatu eentu si muudee? jedhanii Muusema ganan kana Rabbi karaa maleekka'aatiin saatoo keessatti itti mudhatee, muudama'aa fi furaa taasisee isa erge. 36#Seera Bawu'uu 7:5; 14:21; Seera Laakkobsaa 14:33 Namni kun biyya Misiriititti galaana diimaa lafa gammoojji'iititti woggaa afurtamaa maalale'ee fi malkata godha'aa isaan baase. 37#3:22; Seera Keessa deebi'ii 18:15, 18 Namni kun ijoollee Isiraa'eliitiif, ‹Rabbi obboleeyyan keessaa, raaga akka kiyyaa isinii kenna› isa dhagayaa'a jedhee namni isaanitti dubbate Muusema kana. 38#7:53; Seera Bawu'uu 19:1—20:17; Seera Keessa deebi'ii 5:1-33; 9:10 Namni kun ka gaara Siina'aatitti Maleekkaan itti dubbate saniif ka abboota keenna woliin lafa gammoojji'ii keessa ture. Dubbii jireenna qabu kana nuu kennu'uuf Rabbiin irraa fudhate.

39 # Seera Laakkobsaa 14:3 Abbootiin keenna isaa ajajamuu didan. Haata'uu ammoo uf irraa isa dhiiban. Yaada ufiitiin gara biyya Misirii deebi'an. 40#Seera Bawu'uu 32:1, 23 Isaan Aarooniin, ‹Muuseen biyya Misirii keessaa nu baase waan ta'e wollaallee, ka'ii waaqota nu afoo deeman nuu huji› jedhaniin. 41#Seera Bawu'uu 32:2-6 Hennaa san keessa waaqa tolfamaa ka waatii irraa tolfame fakkeessanii hojjatanii, waaqa tolfamaa sanii ciincaa dhiyeessanii, hujii harka ufiititti gammadan. 42#Amoosii Raatticha 5:25-27 Rabbi ammoo isaan irraa garagalee urjoota sami'iitiif akka sagadan dabarsee isaan kenne. Kunillee akkuma Kitaaba raattotaa keessatti barreefame, isin banii Isiraa'elii woggaa afurtamaa gammoojjii keessatti horii qalmaatii fi ciincaa naa dhiyeesitanii? 43Fakii itti sagadu'uuf hojjatan,

dukaanaa «Molookii» tii fi

fakii urjii waaqa keessanii ka «Reemifuum» jedhamu harka keessaniin hojjattanii kaddaamtaniirtan.

Kanaaf Anillee gara biyya baabilooniin gamaa isin dabarsa jedhamee barreeffameera. 44#Seera Bawu'uu 25:9, 40 «Akkuma fakii argitee san Abbootiin teenna gammoojjii keessatti dukkaana ragaa bayu'uu qaban. Dukkaanaan sunillee akka Rabbi Muuse'eetti mudhisetti ta hojjatamte. 45#Kitaaba Iyyaasu'uu 3:14-17 Abbootiin teennallee akkasuma abbootii ufii irraa fudhatanii, biyya banii Rabbi isaan afoo ari'ee baase sanitti Iyyaasuu woliin galchan. Dukkaanaan sunillee haga bara Daawitii jiraatte. 46#Saamu'eelii 2ffaa 7:1-6; Seenaa 1ffaa 17:1-14; Kitaaba Faarfanna'aa 132:5 Innillee Rabbiin afo'otti gacheena argatee Waaqa Yaaqoobiitii mana ijaaru'uuf Waaqa kadhate. 47#Mootota 1ffaa 6:1-38; Seenaa 2ffaa 3:1-17 Haata'uu ammoo Salamoontu Rabbii mana ijaare.

48-50Haata'uu ammoo raattichi,

‹Samiin teessoo tiyya;

laftillee ejjata luka kiyyaa ti.

Mana attamii naa ijaartan?

Yookiin bakki itti harabaafadhu kam? Kana maraa harka kiyyatu hojjatee mii? Akkuma jedhe; Rabbiin guddaan mana harki namaa ijaare keessa hin jiraatu.›

51 # Ermiyaasii Raatticha 9:26; Isaayyaasii Raatticha 63:10 «Isin worra mataa jabeeyyi'iitii fi worra onneen teessan duude fi worra gurri keessan hin dhageenne, isin akkuma abboota keessanii hennaa maraa Ayyaana Woyyuu mormitan. 52-53#Seenaa 2ffaa 36:16; Mat. 23:31 Raattota keessaa namni abbootiin keessan itti ka'anii hin ariine eennu? worra dhufa woyyichaa firrisanii dubbatan ajjeesaniiru. Worri karaa Maleekkotaatiin seera fudhatanii fayyadamuu hin eenne. Isinillee amma dabarsitanii isa kennitan hin ajjeeftaniinillee.»

Isxifaanosiin Dhaga'aan Tuman

54 # 5:33 Hennaa kana dhagayan guddisanii aaranii ilkaan itti ciniinnatan. 55#6:5; Luq. 22:69 Inni Ayyaana Woyyu'uun guuttamee gara sami'ii xinxallee hennaa ol laalu ulfinna Rabbiitiif Yesuusiinillee mirga Rabbii ka dhaabate argee, 56#Mat. 26:64 Samiin banamtee Ilmi Namaa mirga Rabbii ka dhaabateeru arga'aara jedhe. 57Guddisanii Laagaa ol qabatanii iyya'aa gurra isaanii qabatanii yaada tokkoon ta'anii gara isaa fiigan. 58#22:20 Qachaa keessaa gara diidaa baasanii dhaga'aan tuman. Worri raganillee uffata isaa luka dargaggeessa Saa'ool jedhamu tokko jala kaayan. 59#Kitaaba Faarfanna'aa 31:5; Luq. 23:46 Hennaa isaan Isxifaanosiin dhaga'aan tuman, inni Gooftaa kiyya lubbuu tiyya fudhadhu jedhee kadhate. 60#Luq. 23:34 Jilbiinfatee Gooftaa kiyya cubbuu kana isaanitti hin laakkayin jedhee laagaa ol qabatee iyyee du'e. Saa'oolillee ajjeefamuu isaatitti jaraan woliigale.

Currently Selected:

Hujii Ergamootaa 7: WLNT

Highlight

Copy