Hujii Ergamootaa 5

Hannaaniya'aa Fi Saphiiraa

1Namichi Hannaaniyaa jedhamu haadha manaa Saphiiraa jedhamtu woliin lafa gurgure. 2#4:34-35, 37 Innillee woma haati manaa isaa beettutti gurguree waan itti gurgure san keessaa hanbifateeti wodhakkaa fidee worra ergamootaatitti kenne. 3#Luq. 22:3; Yoh. 13:2; 8:44 Pheexroosillee, «Hannaaniyaa kiyya! Ayyaana Woyyuu sobdee waan lafa itti gurgurte keessaa akka hambifatu seexanni maaf garaa kee keessa guute? 4Uduu hin gurgurreen dura keetii mii? Haga gurgurameen maayiillee keetumaa mii? Waan kana maaf garaa kee keessatti yaadde? Rabbiin sobde malee, namaa miti» jedheen. 5#5:11; 19:17 Hannaaniyaanillee akkuma dubbii kana dhagayeen kufee du'e. Worri waan kana dhagayan maruu guddisanii sodaatan. 6#Luq. 10:4-5 Dargagoonni ka'anii reeffa isaa kafananii baasanii awwaalan.

7Sa'aatii sadihiin maayii haati manaa isaa waan ta'e uduu hin dhageenne seente. 8Pheexroosillee deebi'ee, «Lafa teessan haganatti gurgurtanii, Mee natti himi?» isi'iin jedhe.

Isiinillee, «Ee, haganumatti gurgurre» jetteen.

9Pheexroosillee, «Ayyaana Goofta'aa sobu'uuf maaf wolii galtan? worri abbaa manaa kee awwaale kunoo balbala jiran; sillee baatanii baasan» isi'iin jedhe. 10Isiinillee yomasan luka isaa jalatti kuftee duute; dargaggoonni hennaa seenan ka duuteertu arganii reeffa isi'ii baasanii awwaala abbaa manaa laddatti awwaalan. 11Woldaa Kiristaanaa maraa fi worri waan kana dhagayan maruu guddisanii sodaatan.

Baasaa Fi Maalalee

12 # 2:43; 4:30; 6:8; 14:3; 15:12; 3:11; Yoh. 10:42 Harka ergamtootaatti malkanni hedduu fi maalaleen banii jiddu'utti ta'e. Maruu yaada tokko ta'anii bakka mana utubaa wogga'aan qabamee ka balbala Salamooniititti wolgayan. 13Kaawwan keessaa tokkollee ka isaan gargaaruu uggee hin jiru. 14#2:41, 47; 4:4; 6:7; 21:20 Baniin ammoo ulfinna isaanii kenna'aa turan. Worri Goofta'atti amanan ka duraanii caalaa eda'aman. Dhiirtinii fi dubartoonillee heddu. 15#19:11-12; Mar. 6:56 Kanaafuu hennaa Pheexroos worra dhibaman bira lufu akka gaaddidduun isaa isaan fayyisu namoota wosaasa'aa fi ittillee irra raasaa ciibsa'aa turan. 16#8:7; Mar. 16:17-18 Akkasuma ammoo qachaa naannoo Yeruusaalemii jirtu maraa keessaa dhibamtotaa fi worra ayyaana batti'iin rakkatan fida'aati namoonni hedduu wol gaya'aa turan; worri achi dhaqanillee hin fayyan.

Baqa Ergamootaa

17 # 4:1, 6 Bulchoonni gadootaa ammoo gara worra Saduqoota ta'anii worri isa woliin jiran maruu ka'anii hinaafanii isaan irratti ka'an. 18#4:3 Ergamoota maraa qabanii hidhan. 19#12:7-10 Maleekkaan Goofta'aa ammoo halkanniin mana hidha'aa keessaa banee isaan baaseeti, 20#Yoh. 6:68; Filph. 2:16 «Deema'aa dhaabadha'aatii dubbii jireennaa kana maraa mana woyyuu Rabbii keessatti bani'itti himaa'a» isaaniin jedhe. 21Hennaa kana dhagayan ganamaan ka'anii mana woyyuu seenanii barsiisan.

Gadootaa fi worri isaan woliin turan ammoo dhufanii, yaa'ii murtii ijoollee Israa'elootaa fi manguddoota maraa wolitti waamanii akka gara mana hidha'aa isaan fidan ergan. 22-23Hojjatoonni ergamanii hennaa dhufan mana hidha'aa keessatti isaan hin argine. «Deebi'aniiti manni hidha'aallee sirri'itti cufameera, worri eegullee balbala ka dhaabatan argine; hennaa mana hidhaa bannu ammoo, nama tokkochallee keessatti hin argine» isaaniin jedhan. 24Ajajaan mana woyyu'uutii fi bulchoonni gadootaallee waan kana haga dhagayan hin beenu wonti kun maal ta'inna laata? jedhanii waan isaanii maman. 25Namichi tokko dhufee kunoo, «Namooni hiitan sun dhaabatanii mana woyyuu keessatti, banii barsiisa'aa jiran!» jedha'aa isaaniti hime. 26Hennaa san ajajaan hojjattootaa isaan woliin deemee isaan fide. Haata'uu ammoo baniin waan isaan tumuuf sodaatanii hunnaan isaan hin finne. 27Akka bulchaan gadootaa isaan qoruuf fidanii, yaa'ii murti'ii afoo isaan dhaaban. 28#4:18; Mat. 27:25 «Maqaa kanaan akka hin barsiifne, jabeessinee isin hin seerree? Yerusaaleemiin kunoo barumsa keessaniin guuttaniirtu; dhiiga nama sanii nurratti fidu'uuf yaaddan!» jedhanii isaan gaafatan.

29 # 4:19 Pheexroosii fi ergamtoonillee deebisanii akkana isaaniin jedhan, «Nama caalaa Rabbii ajajamu'utu nu barbaachisa. 30#3:15; 4:10; 10:39-40 Yesuusii isin muka irratti fanniftanii ajjeeftan Waandhi abbootii teennaa worra du'an keessaa kaaseen. 31#2:33, 36, 38; Luq. 22:69; 24:47 Rabbi wonti kana godheef Israa'eliif dhiifamsa cubbu'uu isaanii kennu'uuf dabarsee akka kennamu isa qorsaa fi mataa godhee mirga ufiititti kabajjeen. 32#1:8; 3:15; Luq. 24:48; Yoh. 15:27 Nullee waan kanaaf raga'a. Akkasuma Ayyaanni Rabbii woyyuun Rabbi worra isaaf ajajamanii kennellee raga'a.»

33 # 7:54 Isaanillee hennaa waan kana dhagayan guddisanii aaranii isaan ajjeesu'uuf yaadan. 34#22:3; 4:15 Haata'uu ammoo barsiisaan seeraa ka banii biratti kabajjama'aa ka maqaan isaa Gamaaliyaal jedhamu Fariisichi tokko yaa'ii murti'ii keessaa ol ka'ee ergamtoota diqqoo akka achi siissan ajajee, 35Bani'iin akkana jedhe, «Namoota Israa'elii! waan namoota kanniin irratti godhu'uuf taatan irratti uf eeggadhaa'a. 36#21:38 Ji'oota kanniiniin dura Tewoodas ani hangafa jedhee ka'ee ture, namoonni haga dhibba afurii isaan woliin galan. Inni hin bade. Worri isa dhagayanillee gar gar faca'an; woyittuu hin buune. 37#Luq. 2:2; 13:1-2 Achiin maayessa bara namoota laakkayan keessaa, Yihuudaan Galiila'aallee ka'ee namoota hedduu ufitti kutatee shifte. Innillee hin bade. Worri isa woliin jirullee maruu hin bittinnaayan. 38Ammallee akkana isiniin jedha, namoota kanniin dhiisaa, yaanni kun yookiin hujiin kun ka namaa yoo ta'e hin bada. 39#Seenaa 2ffaa 13:12 Rabbiin biraa yoo ta'e ammoo baleessuu hin dandeettan jedheen. Maal laataa dhugamaan akka Rabbiin wol lola'aa hin jiraanne» 40#4:18 Isaan gorsa isaa dhagayanii ergamootallee ufitti waamanii isaan tuman, maqaa Yesuusiitiinillee akka hin dubbanne seeranii gad isaan dhiisan. 41#Luq. 6:22-23; Phex. 1ffaa 4:13 Isaanillee maqaa isaatiif tuffatamuun akka waan misha'aatitti fudhatanii yaa'ii murti'ii afo'oo gammada'aa yaa'an. 42#2:46; 17:3; 18:5, 28 Guyyaa maraa mana woyyu'uutii fi mana ufiitittillee waan Yesuusii akka inni Kiristoosiin ta'e barsiisu'uu fi lallabuu hin dhiifne.

Currently Selected:

Hujii Ergamootaa 5: WLNT

Highlight

Copy