Hujii Ergamootaa 2

Bu'uu Ayyaana Woyyuu

1 # Seera Leewwotaa 23:15-21; Seera Keessa deebi'ii 16:9-11 Guyyaan Ayyaana shantamaffa'aa «Pheenxeqosxee» jedhamu hennaa gaye, maruu yaada tokko ta'anii uduu woliin jiran. 2Dimmaa akka bubbee lafaa ol nama butuutitti samii irraa laagaan dhufee mana keessa taa'anii jiran san maraa guute. 3Wonti akka arraba ibiddaa fakkaatu isaanitti mudhate. Achiin maayessa gargar ciccitee isaan maraa irra taa'e. 4#4:31; 10:44-46; 19:6; Mat. 3:11; Luq. 3:16; Mar. 16:17; Qor. 1ffaa 13:1; 14:1-14 Isaan maruu Ayyaana Woyyu'uun guuttamanii akka Ayyaanni isaanii kennetti afaan garagaraa dubbachuu jalqaban.

5Banii ardii irra jiraatan maraa keessaa Yihuudonni faate'een jabaatan Yerusaalemiin keessa jiraata'aa turan. 6Hennaa laagaan kun ta'e baniin maruu wolitti qabamee hennaa isaan afaan ufiitiin dubbatan waan dhagaya'aa turaniif waan jedhan dhabanii baaseffatanii maalalanii akkana jedhan, 7#1:11; Yoh. 7:52 «Kunniin worri akkana dubbatu maruu namoota Galiila'aatii mii? 8Nu marti keennaa afaan keenna ka ittiin dhalanne attamitti dhagena? 9Nu namoonni Phaarte'ee, Meedii ka Ilamexxemiillee worra laga lamaan jiddu'uu ka Qephidooqiya'aa, ka Phaanxoosii, 10Esiyaa, Firgiyaa, Phinfiliyaa fi Misirattillee gara Qereena'aatiin jiran nu worra aanaa Libiya'aa jiraannu worri Roomaa keessa teennu Yihuudonni worri amantaa Yihuudotaa fudhanne. 11Namoonni Qerxeesiitii fi Arabaa hujii Rabbii hennaa afaan keennaan dubbatan isaan dhageenne» 12Maruu maalalfatanii, mama'aati, «Kun maal ta'inna?» hin beennu woliin jedhan. 13#Qor. 1ffaa 14:19, 23 Kuuwwan ammo isaanitti balda'aatti, «Daadhii dhuganii quufaniitti!» jedhan.

Waan Pheexroos Dubbate

14Haata'uu ammoo Pheexroos jara kudha tokkoo keessaa tokko woliin dhaabatee laagaa ol qabatee akkana jedhee dubbate. Yihuudonniniif isin worri Yerusaalemiin keessa jiraattan martinuu kun isin biratti ka beekkame haata'uu dubbii kiyyallee dhagayaa'a. 15Akkuma isinitti fakkaate kunniin worra machaayee miti, ganama keessaa sa'aatiin sadi waan ta'eef. 16Haata'uu ammoo kun raaga Iyyu'eeliitiin,

17 # Iyyu'eelii Raatticha 2:28-32 ‹Guyyaa dhumaatitti ani akkana godha jedhe Rabbi:

nama foon uffate maraa irratti Ayyaana kiyya hin buusa.

Ijoolleen teessan ta dhiiraatii fi ta intalaa raaga dubbatan;

dargaggoonni teessan manaaba argan,

manguuddoonni teessanillee eebjuu eebjootan.

18Akkasuma ammo ji'oota sanitti garboota tiyya ta dhiiraatii fi ta dubartootaa irratti,

Ayyaana kiyya hin buusa;

isaanillee raaga dubbatan.

19Ol samii gubba'atti baasa,

ardii irratti malkata godha.

Dhiigaa fi ibiddi, hurriin aaraallee hin ta'a.

20Guyyaan guddaanii fi ulfaataan Goofta'aa uduu hin dhufneen dura,

aduun gara dukkanaa;

jiini gara dhiigaa hin jijjiirama.

21 # Rom. 10:13 Ka maqaa Goofta'aa waamu maruu hin fayya.›

22 # Yoh. 3:2 «Namoota Israa'elii dubbii kana dhagayaa'a! akkuma isinuu beettan Rabbi karaa Yesuusii Naazireeti'iitiin isin jiddu'utti baasaa fi maalale'een nama malkataan Rabbiin biraa isinitti mudhate. 23#Mat. 27:35; Mar. 15:24; Luq. 23:33; Yoh. 19:18; Hu. Er. 3:15; 4:28 Nama kana Rabbi akkuma duri murteessee fi akkuma duraan dursee yaadeef beekkomsa isaa ka durii irraan harka worra hammeeyyi'iitiin fanniiftanii ajjeeftan. 24#Mat. 28:5, 6; Mar. 16:6; Luq. 24:5 Rabbi ammoo hunna du'aa balleessee isa kaase; duuti isa qabuu waan hin dandeenneef. 25#Kitaaba Faarfanna'aa 16:8-11 Daawiti waan isaa akkana waan jedhuuf

‹Gooftaa hennaa maraa afoo kiyyatti arga,

akka ani hin raafamne mirga kiyya jira.

26Kanaafuu garaan kiyya na gammade afaan kiyyallee gammachu'uun guuttame,

Akkasuma foon kiyyallee

abdi'iin jiraata.

27 # 13:35 Lubbuu tiyya asaaba keessatti woyyuu keellee akka shamuuf hin dhiiftu. 28Karaa jireennaa na beessiftee, afoo keetitti gammachu'uun na guutta. 29#Mootota 1ffaa 2:10; Hu. Er. 13:36 «Obboleeyyan tiyya, waan bulchaa sooressa abbooti'ii waan Daawitii du'ee akka awwaalame addaataa akka dubbadhu na hoffolchaa awwaalli isaallee haga adhaa nu bira jira. 30#Kitaaba Faarfanna'aa 132:11; Saamu'eelii 2ffaa 7:12, 13 Raaga waan ta'eef teessoo irra akka kaayu Rabbi kakuu akka kakateef waan beekeef. 31#Kitaaba Faarfanna'aa 16:10 Waan du'aa ka'iiti Kiristoosii dursee argee, lubbuun isaa, hulee badi'iititti akka hin haafne;

foon isaallee akka hin shamne› hime.

32Yesuusii kana Rabbi du'aa kaaseen; waan kanaaf nu maruu raga'a. 33#Yoh. 12:32; 14:26 Kanaafuu mirga Rabbiititti ol fudhatameeti dubbii abdii Ayyaana Woyyu'uu Aabbaan irraa fudhatee ka amma isin argitanii fi dhageettan kana gad dhangalaase. 34#Kitaaba Faarfanna'aa 110:1; Mat. 22:44; Ibr. 1:13 Daawiti waan gara sami'ii ol hin baaneef; 35Haata'uu ammoo inninuu,

‹Gooftaan Gooftaa kiyyaan,

diintota kee ejjata luka keetii haga sii godhutti mirga kiyya taa'i› jedheen.

36 # 5:31; Filph. 2:11 «Eeganaa ka isin fanniftan kana Yesuusiin Rabbi Goofta'aa fi Kiristoosiin akkuma taasise worri gosa Isiraa'elii maruu dhugamaan haa beekuu!» jedhe.

37 # 16:30; Luq. 3:10; Ibr. 4:12 Hennaa kana dhagayan garaan isaanii tuqamee Pheexroosii fi ergamoota kaawwaniinillee, «Obboleeyyan tiyya! maal haa goonuu?» isaaniin jedhan. 38#3:19; Luq. 24:47 Pheexroosillee akkana jedhe, «Agii galaa'a; cubbuunillee akka isiniif dhiifamtu, marti keessanuu maqaa Yesuus Kiristoosiitiin cuuphamaa'a. Kennaa Ayyaana Woyyu'uullee hin fudhattanii. 39#Iyyu'eelii Raatticha 2:28, 32; Isaayyaasii Raatticha 57:19; Yoh. 10:16 Dubbii abdi'iillee isiniif ijoollee teessaniif worra Waandhi Gooftaan keenna gara ufii waamuuf, worra fagoo jiran maraafuu waan ta'eef» isaaniin jedhe.

40 # Seera Keessa deebi'ii 32:5; Filph. 2:15 Jecha biraa heddu ragee, «Dhaloota dabaa kana jalaa uf oolchaa'a» jedhee isaan gorse. 41#4:4; 5:14 Worri dubbii fudhatan cuuphaman; guyyaa san namoonni kuma sadihii isaanitti eda'aman. 42#20:7 Barumsa ergamtootaatiin, Xoroshoo woliin nyaata'aa faateffachu'uunillee jabaatan.

Akkaataa Amantoonni Itti Jiraatan

43 # 5:5, 11-16 Harka ergamootaatitti baasaa fi maalaleen hedduu waan ta'eef, namni maruu guddisee sodaate. 44#4:32 Worri amanan maruu woliin jiraatan; waan qaban maraa hulee tokkotti wolitti qabatan. 45#4:34-35 Lafaa fi qabeenna gurguran kamuu akkuma isaan barbaachisutti maraafuu qooda'aa turan. 46Gaafuu garaa tokko ta'anii mana sagadaatitti jabaatanii mana isaaniitittillee xoroshoo woliin nyaata'aa gammachu'uu fi garaa qulqullu'uun hurbaata ufii nyaatan. 47#2:21; 4:4; 5:14 Rabbiinillee hin galatoonfatan; banii maraa afo'otti gaachena qaban ture. Gooftaanillee worra fayyan guyyama guyya'aan isaan irratti eda'a'aa ture.

Currently Selected:

Hujii Ergamootaa 2: WLNT

Highlight

Copy