Jenesis 36

Nuarin tas alupas 36.

1 Ehtaij ehnaa u Isa. 6 Et apan an nedoon Sier aien. 9 Ilpu hal u Isa. 15 Ilpu atimi alupas iji ig eris ahes irai ilpu Itai o un ara. 20 Ilpu hal u Sier, im ilpu atimi alupas iji ig eris ahes iran ara. 24 Et ecetai inwai a Ena. 31 Ilpu atimarid u nup Itom. 40 Ilpu atimi alupas iji ig eris ahes irai Isa ara.

1ERIS ilpu mapoi Isa, tak idan Itom, ara sji igki.

2Is lucsei ohwat ehnaa o un a Isa irai ilpu takata Kenan; nan, Eta inhalav atahig u Ilon nup u Hed, im Aholibama inhalav atahig u Ena, inhalav atahig u Sibeon nup u Haivai;

3Im lep Basemad inhalav atahig u Ismeel natahig irai Nibejod.

4Is apos Elifas imi Isa a Eta; is apos Riuel a Basemad;

5Is apos Jius, im Jealam, im Kora a Aholibama: eris ilpu hal u Isa ara sji igki, eris apos ra imi yin an pece Kenan.

6Is lucsei ehtaij ehnaa o un a Isa, im ilpu halav atamaig o un, im ilpu halav atahig o un, im natimi asega an nimnim o un, im kurimatau asega o un, im niji itai eklim edo irai pece asega o un, im inpadiaig asega o un is ikni aien an pece Kenan; um apan an pece o un, um udei Jekob etwan.

7Is ehka vai rau namen vaig an nuarin is ethi, va niji itai urau is ahinag; is haklin inpece iyehki erus amen iran arau va niji itai eklim edo irai pece urau.

8Is amen a Isa an nedoon Sier: is Itom a Isa.

9Eris ahes ehele Isa etpoi nup Itom ara sji igki an nedoon Sier:

10Nidai ohwat hal u Isa eraigki; nan, Elifas inhal u Eta ehgai Isa, im Riuel inhal u Basemad ehgai Isa.

11Eris ilpu hal u Elifas ara sji igki; nan, Timan, im Omar, im Sifo, im Cetam, im Kinas.

12Is ehgai Elifas inhal u Isa a Timna; is apos Amalek imi Elifas aien: eris ilpu mapoi Eta ehgai Isa ara sji igki.

13Eris ilpu hal u Riuel ara sji igki; nan, Nehad, im Sira, im Sama, im Missa: eris ilpu mapoi Basemad ehgai Isa ara sji igki.

14Ehtijis hal u Aholibama ehgai Isa, inhalav atahig u Ena, inhalav atahig u Sibeon ahtaij raigki: is apos imi Isa ehtaij aien, nan Jius, im Jealam, im Kora.

15Eris ilpu atimi alupas irai ilp hal u Isa ara sji igki: eris ilpu hal u Elifas inhal u Isa inmeto ara sji igki; nan, Timan natimi alupas, im Omar natimi alupas, im Sifo natimi alupas, im Kinas natimi alupas,

16im Kora natimi alupas, im Cetam natimi alupas, im Amalek natimi alupas: eris ahes ehele Elifas a ilpu atimi alupas iji igki an pece Itom; eris ilpu mapoi Eta ara sji igki.

17Eris ilpu hal u Riuel inhal u Isa ara sji igki; nan, Nehad natimi alupas, im Sira natimi alupas, im Sama natimi alupas, im Missa natimi alupas: eris ahes ehele Riuel a ilpu atimi alupas iji igki an pece Itom; eris ilpu mapoi Basemad ehgai Isa ara sji igki.

18Ehtijis hal u Aholibama ehgai Isa ahtaij raigki; nan. Jius natimi alupas, im Jealam natimi alupas, im Kora natimi alupas: ehtijis ahes ehele Aholibama inhalav atahig u Ena ehgai Isa ahtaij.

19Eris ilpu hal u Isa, tak idan Itom ara sji igki, eris lep ilpu atimi alupas ura ara sji igki.

20Eris ilpu hal u Sier nup u Hor ara sji igki, eris amen an pece ara; nan, Lotan, im Sobal, im Sibeon, im Ena,

21im Taison, im Iser, im Taisan: eris ilpu atimi alupas u nup u Hor ara sji igki, eris ahes irai Sier ara an pece Itom.

22Erus hal u Lotan ahwat raigki, nan, Horai im Himam; is atahig irai Lotan a Timna.

23Eris ilpu hal u Sobal ara sji igki; nan, Alvan, im Manahad, im Ibal, im Sifo, im Onam.

24Erus hal u Sibeon ahwat raigki; nan, Eja, im Ena: is atimi iyehki a Ena is ecetai inwai an namasacen aien, is wat asgi niji togke u Sibeon etman aien.

25Erus hal u Ena ahwat raigki; nan, Taison, im Aholibama inhalav atahig u Ena.

26Eris ilpu hal u Taison ara sji igki; nan, Hemtan, im Esban, im Idran, im Kiran.

27Ehtijis hal u Iser ahtaij raigki; nan, Bilhan, im Seavan, im Ekan.

28Erus hal u Taisan ahwat raigki; nan, Us im Eran.

29Eris ilpu atimi alupas u nup u Hor ara sji igki; nan, Lotan natimi alupas, im Sobal natimi alupas, im Sibeon natimi alupas, im Ena natimi alupas.

30Im Taison natimi alupas, im Iser natimi alupas, im Taisan natimi alupas: eris ahes ehele Hor a ilpu atimi alupas iji igki irai ilpu atimi alupas ura an pece Sier.

31Eris ilpu atimarid ara sji igki an pece Itom, an nopan iyehki is eti ti eteuc tah natimarid an pece Isreel.

32Is atimarid an pece Itom a Bila inhal u Bior: nidai inmaliyum o un Tinheba.

33Is mas a Bila, ja is isjeupigmoig yin a Jobab inhal u Sira an maliyum Bosra, um atimarid.

34Is mas a Jobab, ja is isjeupigmoig yin a Husam nup u Temanai, um atimarid.

35Is mas a Husam, ja is isjeupigmoig yin a Hetat inhal u Bitat, um atimarid, aien aigki is ahau nup u Mitian aien an pece Moab: nidai inmaliyum o un Evid.

36Is mas a Hetat, jais isjeupigmoig yin a Samla nup u Masreka, um atimarid.

37Is mas a Samla, ja is isjeupigmoig yin a Saal nup u Rihobod ubutpotet pan nofowai, um atimarid.

38Is mas a Saal, ja is isjeupigmoig yin a Beal-henan inhal u Akbor, um atimarid.

39Is mas a Beal-henan inhal u Akbor, ja is isjeupigmoig yin a Hetar, um atimarid: nidai inmaliyum o un Peyu; nidai ehgan Mehetabil, inhalav atahig u Metrit, inhalav atahig u Mesahab.

40Nidai ilpu atimi alupas eris ahes irai Isa ji igki, is idivaig ilpu eteuc ura, um idivaig niji maliyum ura, um lep idivaig nidara; nikavaig, Timna natimi alupas, im Jided natimi alupas,

41im Aholibama natimi alupas, ira Ila natimi alupas, im Painon natimi alupas,

42im Kinas natimi alupas, im Timan natimi alupas, im Mibsar natimi alupas,

43im Mactiel natimi alupas, im Airam natimi alupas: eris ilpu atimi alupas Itom ara sji igki is idivaig niji maliyum ura an pece ura: is etpoi nup Itom a Isa.

Currently Selected:

Jenesis 36: VAO63

Highlight

Copy