ዋ̈ኒ̇ሳ 21
21
ዬሱ̈ሲ ፌ ታማ̈ራን ታብዛንቦ ቤንቲ̇ዴ
1ዪኒ̇ፖ ዎሃ ዬሱ̈ሲ ጢብራ̈ዶ̈ሳ#21፡1 ጢብራ̈ዶ̈ሳ ጋ̈ዝ ባሃሪንዲኬ ጋሊላ ባሃ̈ራ ጋዚንዳ ኢንታ̇ ሱምን ዱማዶኬ ዋ̈ን ፔታ̇ን ኢዞ ባሃ̈ሪን ላፍ ዓታ̇ር ማ̈ቂ̇ ፌ ታማራንቦ ቤንቲ̇ዴ። ኢ ቤንቲ̇ኖንዳ̇ሬ ዪዜ፦ 2ሲሞ̈ን ጴ̈ጥሮ̈ሲ፣ ዲዲሞ̈ሳ ጌይዛ ቶ̈ማ̈ሲ፣ ጋሊላ ቃ̈ናፖ̇ ዬይኖ ና̈ቲኔ̈ላ፣ ዛብዶ̈ሳ ናኣንኬ ሜላን ኢ ታማራን ጋርታፖ̇ ናምኣን ዎልኣ ፔታ̇ን ዎ። 3ሲሞ̈ን ጴ̈ጥሮ̈ሲ ኢንታ̇ኮ “ቴ ሞላ ኤ̈̇ንዳቦ ሉካ̇ንዳ” ጌይዴ። ኢንታ̇ር ኢ̈ኮ “ኑ̈ናር ኔባር ሉካ̇ንዳ” ጋ̈ሪ ዲንዳ̇ር ሉካ̇ር ጎጛ ጋርታ ጌሊዴ፤ ዪና̇ ኢዝ ጋላስ ቃ̈ም ኣባካር ሞላ ኤ̈ካ̇ይ ኣቲ̇ዴ።
4ሳ̈ዚ ዎንቲ̇ን ዬሱ̈ሲ ባሃ̈ሪን ቡጊድ ኤቂ̇ንዶ̈ን ኢ ታማ̈ራን ኢያ ማ̈ቂ̇ኖን ኤራካ̇ዬ።
5ኢያር ኢንታ̇ኮ “ናኣን! ሞላ ዪንታ̇ክ ዎ?” ጌይን ኢንታ̇ር ኢ̈ኮ “ኑ̈ክ ኣባካር ባዬ̇” ጌይዴ።
6ኢያር ኢንታ̇ኮ “ዪንቲ̇ ዪንታ̇ ማግላቢን ጎጚምፖ̇ ኡሻች ጎይ ባሃ̈ሪን ጋርታ̇ ሚሺብቴ̇፤ ዪንቲ̇ ዲጚ̈ሬ” ጌይዴ። ኢንታ̇ር ኢ ጌይኖንዲፌ̈ን ሚሺን ዎይሊን ሞላ ማግላቢን ጋርታ̇ ጌሊኖኮታ̇ቦ ዴ̈ጻር ኢንታ ጋቻ̇ር ኬሳ̇ንዳብ ጋማዴ።
7ዬሱ̈ሲ ኢያ ካዝ ኢ ታማ̈ራ ጴ̈ጥሮ̈ሳኮ “ዪ ጎዳ̈ዲሽዋ!” ጌይን ሲሞ̈ን ጴ̈ጥሮ̈ሳሬ “ጎዳ̈ዲሽዋ!” ጌዪኖን ሲስካ̇ሪ ዎዳ ኦሳ̇ቦ ጌይ ኬ̈ሲ ጋዲ̇ኖ ኣፊሊን ማሂ ማኣሪ ባሃ̈ሪን ጋርታ̇ ዶ̈ጛር ጌሊዴ። 8ሜላን ኢ ታማ̈ራ̈ን ባሃ̈ሪን ቡጊዲምፖ̇ ናምኢ ጼ̈ታ ዋ ማ̈ቃ̇ምፔ̈ኖ ቤስ̇ ሙታ̇ ጎታ̇ር ዎኮታ̇ቦ ሞላ ኩሚኖ ማግላባ ጎቺ̇ሙታ̇ዶ̈ር ጎጚምባር ዬይዴ። 9ኢንቲ̇ ባሃ̈ሪምፖ̇ ቡጊድ ኬስካ̇ሪ ሳ̈ዳ̇ ሶ̈ባምባ̇ራ ታማ ዬ̈ርጭ ጋልዳ ጋዲ̇ኖ ሞላ፥ ማ ሶ̈ላ̇ር ኢና ዎዶን ቤቂ̇ዴ።
10ዬሱ̈ሳር ኢንታ̇ኮ “ዪንቲ̇ ዓት ኤ̈̇ኖ ሞላን ጋርታ̇ፖ̇ ዓይ ኤኪ̇ ዬብቴ̇” ጌይዴ።
11ሲሞ̈ን ጴ̈ጥሮ̈ሲ ጎጚን ጋርታ̇ ጌላሪ ማግላቢን ሳ̈ዳ ጎ̈ቺ̇ዴ፥ ማጋላቢን ጋርታ̇ ፔቲ̇ ጼ̈ታኬ ኢሺ̇ን ታጶ̇ ዓይዚ̇ ጴች ሞላ ጌሊንዶ̇̈ን፥ ዪ̈ፌ̈ን ዎይ ኤ̈̇ራ ማግላቢንዳ̇ ዳርኣካ̇ዬ። 12ዬሱ̈ሲ ኢንታ̇ኮ “ዓይ ዬ̈ሪ ዓና̇ ሙብቴ̇” ጌይዴ። ኢ ጎዳ̈ ማ̈ቂ̇ኖን ኢ ታማ̈ራን ኤሪኖኮታ̇ቦ ኢንታ̇ ጋርታ̇ፖ̇ “ኔ ኦኖ̇?” ጋ̈ሪ ኦ̈ናክ ኢያ ኦይጪ̇ኖ ኣሲ ባዬ። 13ዬሱ̈ሲ ዬ̈ሪ ሶ̈ሊ̇ንዲኬ ማ ሞሊንዲክ ኢንታብ ኢሚ̇ዴ። 14ዪዚ ኢ ዓይቃ ጋርታ̇ፖ̇ ዲንዲኖፖ̇ ዎሃ ዪና̇ባር ዓይዚ ቶህ ፌ ታማ̈ራ̈ንቦ ቤንቲ̇ኔ።
ዬሱ̈ሲ ጴ̈ጥሮ̈ሳ ኦይች ኦይጪ̇ዴ
15ኢንቲ̇ ሙዪ ጊዲሲኖፖ̇ ዓኒ ዬሱ̈ሲ ሲሞ̈ን ጴ̈ጥሮ̈ሳኮ “ዋ̈ኒ̇ሳ ናኣ ሲሞ̈ኖ! ዓን ታ̈ና ካዚምፖ̇ ሺ ኔ ታ̈ና ካ̈ራ?” ጌይዴ።
ኢያሬ “ኣ̈ ጎዳ̈ዶ! ቴ ኔ̈ና ካዚን ኔ ኤራ̈ሬ” ጌይዴ።
ዬሱ̈ሳር ኢ̈ኮ “ቴ ዶሪ ናኣን ዬ̈ጛቤ” ጌይዴ።
16ዬሱ̈ሳሬ ናምኢ ኢ̈ኮ “ዋ̈ኒ̇ሳ ናኣ ሲሞ̈ኖ! ኔ ኪን ታ̈ና ካ̈ራ?” ጌይዴ።
ኢያሬ “ኣ̈ ጎዳ̈ዶ! ቴ ኔ̈ና ካዚን ኔ ኤራ̈ሬ” ጌይዴ።
ዬሱ̈ሲ ኢ̈ኮ “ቴ ዶራን ና̈ጋቤ” ጌይዴ።
17ዓይዚ̈ ቶህ ዬሱ̈ሲ ኢ̈ኮ “ዋ̈ኒ̇ሳ ናኣ ሲሞ̈ኖ! ኔ ታ̈ና ካራ?” ጌይዴ።
ጴ̈ጥሮ̈ሳር ዓይዚ̇ ቶህ ዬሱ̈ሲ ኢ̈ኮ “ኔ ታ̈ና ካ̈ራ” ጋ̈ሪ ኦይጪ̇ኖኮታ̇ቦ ፌ ቡ̈ዲንባር ኣዛ̇ናሪ ኢ̈ኮ “ጎዳ̈ዶ! ኔ ዎይ ባዝ ኤራ̈ሬ፤ ቴ ኔ̈ና ካዚን ኔ ኤራ̈ሬ” ጌይዴ።
ዬሱ̈ሳር ኢ̈ኮ “ቴ ዶራን ዬ̈ጛቤ” ጌይዴ። 18ዬሱ̈ሳሬ “ቴ ኔ̈ክ ኪን ጋ̈ሬ፤ ኔ ሚን ናኢቲዶ̈ራ ኔ ፌ̈ብ ኔ ኣፊሊን ማኣራ ኔ ኮዪኖ ቤስ̇ ሉካ̇̈ርዶ̈ን፥ ኔ ጪጚኖ ኬል̇ ኔ ኩሺን ሾክ ዎታር ዚምዶኢን ኣሲ ኔ̈ና ኔ ኣፊሊን ማኢሲ ኔ ሉካ̇ንዳ̇ብ ኮያካ̇ዮ ቤስ̇ ኔ̈ና ኤ̈ጚ̈ሬ” ጌይዴ። 19ዬሱ̈ሲ ዪኖ̇ ጌይኖንዳ̇ ጴ̈ጥሮ̈ሲ ዎዛርፌ̈ኖ ዓይቃ ዓይቃ̇ሪ ጾ̈ሳ̇̇ ቦንቺ̇ሲ̈ርኮ ኢያ ቤይሳንዳ̇ቦ። ኢናፖ̇ ኢ̈ኮ “ቴ ዎሂን ዬ̇ቤ” ጌይዴ።
20ጴ̈ጥሮ̈ሲ ጋስ ቢሪንታ̇ምባ̇ራ ዬሱ̈ሲ ኢያ ካዝ ኢ ታማ̈ራ ኢ ዎሂን ዬ̇ዚን ቤቂ̇ዴ። ዪ ኢ ታማ̈ራ̈ዲ ዚቃንታ̇ ኢንቲ̇ ኢራ̈ታ ሞ̈ምባ̇ራ ዬሱ̈ሳክ ኡካ̇ሪ “ጎዳ̈ዶ! ኔ̈ና ኣ̈ ኢሚ̇ዛ ኦ̈ኖ?” ጌዪ ኦይጪ̇ኖ̈ዳ። 21ጴ̈ጥሮ̈ሳሬ ኢያ ቤቃ̇ሪ “ጎዳ̈ዶ! ዓ ኢያ ኣብዚ ዬላ̇ንዳዶ̈ኔ?” ጋ̈ሪ ኦይጪ̇ዴ።
22ዬሱ̈ሳሬ ኢ̈ኮ “ቴ ማ̈ቃ̇ ዬይዝ ዲራ̈ስ ኢ ዓይቃካ̇ይ ዶኣምፔ̈ን ኮዪናካር ኔ̈ና ኣ ሜቴ? ኔ ኔ ቆ̈ሚ̇ን ቴ ዎሂን ዬ̇ቤ” ጌይዴ። 23ዪኒ̇ኮታ̇ቦ “ዪ ኢ ታማ̈ራ̈ዲ ዓይቂ̇ባ̈ሴ” ጌይዝ ሶ̈ሎ ዬሱ̈ሳ ኣማ̇ኒኖ ኣሳን ጊዳ̇ ሶ̈ሊንቲ̇ዴ። ዎቲናካሬ ዬሱ̈ሲ “ሜላ ኣቲ̇ን ቴ ማ̈ቃ̇ ዬይዝ ዲራ̈ስ ኢ ዓይቃካ̇ይ ዶኣምፔ̈ን ኮዪን ኔ̈ና ኣ ሜቴ?” ጌይዶ̇ኬ ኢያ ዓይቂ̇ባ̈ሴ ጋ̈ካ̇ዬ።
24ዓን ባዛን ማርኪ̇ቲኖ̈ዲኬ ዓና̇ ጻ̈ፊኖ ዪ ኢ ታማ̈ራ̈ዳ። ኢ ማርኪቲንዳ̇ሬ ኪን ማ̈ቂ̇ኖን ኑ ኤሪ̈ሬ።
25ዬሱ̈ሲ ኦ̈ኖ ሜላር ዎይሊን ባዚ ዎ። ኢ ኦ̈ኖ ባዛን ዎይ ፔታ̇ን ኣታካ̇ይ ጻ̈ፊ̈ርኮ፥ ጻ̈ፊንቲ̇ኖ ማጻ̈ፋን ጋዳ̇ንዳብ ኣላሚን ዓና̇ ጋልዳ ቤሲ̇ ጊዲዛ ታ̈ክ ማይጺባ̈ሴ።
Currently Selected:
ዋ̈ኒ̇ሳ 21: ኦጫ̈ቃማ
Highlight
Share
Copy
Want to have your highlights saved across all your devices? Sign up or sign in
