ዋ̈ኒ̇ሳ 19
19
ዬሱ̈ሲ ሶቲንቲ̇ ዓይቃ̇ምፔን ኢ ጋልዳ ፊርዲዴ
ማ̈ቶ̈ሳ 27፡27-31፤ ማ̈ርቆ̈ሳ 15፡16-20
1ጲላ̈ጦ̈ሳሬ ዬሱ̈ሳ ፌ ዎታ̇ዳራንባር ኤኪ̇ ሉካ̇ሪ ጋራ̇ፊሲዴ። 2ዎታ̇ዳራንሬ ኣጚባራ ኣክሊ̈ላ ኮቻ̇ሪ ኢ ቆማ̇ ጋልዳ ጋዲ̇ዴ፤ ማ ዞቃ ኣፊላ ኢያ ማኢሲዴ። 3ኢናፖ ኢ̈ኮ ዬዪ ኡካ̇ሪ “ኣይሁድ ካ̈ታዶ! ሳሮ!” ጌዪሙታ̇ ኢ ጋልዳ̇ ቃልዲዴ፤ ማ ኢያ ባቂ̇ዴ።
4ጲላ̈ጦ̈ሳሬ ማ̈ቂ̇ ዛ̈ና ኬስካ̇ሪ ኣይሁዳንኮ “ዪዚ ቴ ኢጋልዳ ፔቲ̇ ባዝ ኣባክ ኢ̈ታ ኦ̈ሳ ዲጛካ̇ዮን ዪንቲ̇ ኤራምፔ̈ኒ ቴ ኢያ ዪንታ̇ክ ዛ̈ና ኬሲ̇ኔ” ጌይዴ። 5ዬሱ̈ሲ ኣጚ ኣክሊሊን ፌ ቆማ ጋልዳ ጋዳ̇ር ዞቃ ኣፊላ ማኢኖን ኢዝባር ዛ̈ና ኬስኪ̇ዴ። ጲላ̈ጦ̈ሳር ኢንታ̇ኮ “ና̈ሳ ዓ̈ዲሼ!” ጌይዴ።
6ቄ̈ሳ ኣላቃንኬ ዛባን ዬሱ̈ሳ ቤቃ̇ሪ “ኢያ ሶታ̇ቤ! ኢያ ሶታ̇ቤ!” ጋ̈ሪ ውይሲዴ። ጲላ̈ጦ̈ሳር ኢንታ̇ኮ “ቴ ኢ ጋልዳ̇ ኣባካር ኢ̈ታ ባዝ ዲጛካ̇ዬ፥ ዪንቲ̇ ኮዪዶኮ ኤ̈ጛር ኢያ ሶቲ̇ብቴ̇” ጌይዴ።
7ኣይሁዳንር ኢ̈ኮ “ኑ̈ብ ኑ ሂጎ̇ ዎ፥ ኢ ፌ̈ና ጾ̈ሳ̇̇ ናኤ ጌይኖኮታ̇ቦ ኑ ሂጊ̇ንዲፌ̈ኒ ኢ ዓይቃ̇ንዳ̇ብ ኮሺ̈ሬ” ጌይዴ።
8ጲላ̈ጦ̈ሲ ዪኖ̇ ሲስካ̇ሪ ቲ̈ኖምፖ̇ ሺ ኢ̈ጪ̇ዴ። 9ኢናፖ̇ ጌዳ ኬ̈ ማ̈ቂ̇ ጌላሪ ዬሱ̈ሳኮ “ኔ ዎይዲፖ̇ ዬይና?” ጋ̈ር ኦይጪ̇ን፥ ዬሱ̈ሲ ኢ̈ብ ኣባካር ሶ̈ሊ ማሃካይ ኣቲ̇ዴ። 10ጲላ̈ጦ̈ሳሬ ኢ̈ኮ “ኣን ኔ ታ̈ብ ሶ̈ላባሳ? ቴ ኔ̈ና ቢላ̇ንዳቦ ዎይ ሶታ̇ንዳ̇ቦ ዳንዳኢዝ ሲልጣ̈ና ታ̈ብ ዎን ኔ ኤራባሳ?” ጌይዴ።
11ዬሱ̈ሳር ኢ̈ኮ “ጾ̈ሳ̇̇ ጋልዳ̇ፖ̇ ሲልጣ̈ና ኔ̈ብ ኢሚ̇ንታካይኮ ዎን ኔ ቴ ጋልዳ ኣባካር ኦንዳብ ዳንዳኣባሴ፤ ዪ̈ኮታ̇ቦ ታ̈ና ኔ̈ብ ኣ̈ ኢሚ̇ኖ ና̈ሳ ጋልዳ̇ ኔ̈ኮምፖ̇ ሺዝ ጴች ናጋራ ዎ” ጌይዴ።
12ጲላ̈ጦ̈ሲ ዪኖ̇ ዬሱ̈ሲ ሶ̈ላዝ ሶ̈ሊን ሲስካ̇ሪ ቢላ̇ር ኢያ ሚሻንዳብ ኮዪንዶን፥ ኣይሁዳን ኢ̈ኮ “ፌ̈ና ካ̈ቴ ጌይዝ ኣሲ ዎይ ቄ̈ሳ̈ራብ ጻላ̈ታ ማ̈ቂ̇ኖኮታ̇ቦ ኔ ና̈ሳ ዓ̈ ቢሌ̇ጌይን ኔ̈ብ ሮም ካ̈ታ̇ ቄ̈ሳ̈ራባር ካን ባዬ̇” ጋ̈ሪ ዉይሲዴ።
13ጲላ̈ጦ̈ሳሬ ዪኖ̇ ሲስካ̇ሪ ዬሱ̈ሳ ዛ̈ና ኬ̈ሳር “ላ̈ዣ ሹች” ጋ̈ዝ ቤሲ̇ን ጋልዳ̇ ፊርዳንዳብ ዶኢዝ ኩልማ ጋልዳ̇ ዶኢዴ፤ ዪና̇ ቤሲ̇ንዳ ኣይሁድ ኖ̈ናባራ ጋባታ ጌይንታ̈ሬ። 14ኢዝ ቃሚ̇ንዳ̇ሬ ፋ̈ሲጋ ባ̈ል ቦንቻ̇ንዳቦ ጊጊ̇ንቲዝ ቃሜ̇። ዪኒ̇ባራ ሳ̈ዚ ጋላሳ̇ፖ̇ ሌሂ ሳኣ̈ታ ማ̈ቃምፔንዶ̈ን፥ ጲላ̈ጦ̈ሳር ኢንታ̇ኮ “ዪንታ̇ ካ̈ታ ዓ̈ዲሼ! ጌይዴ።
15ኢንታ̇ር ኢ̈ኮ “ጌዳ ኢያ ሶታ̇ ፋይቤ! ሶታ̇ ፋይቤ!” ጌዪሙታ̇ ዉይሲዴ። ጲላ̈ጦ̈ሳሬ ኢንታ̇ኮ “ዪንታ̇ ካ̈ታ̇ ሶታ̇ኖ?” ጌይን፥ ቄ̈ሳ ኣላቃንሬ “ሜላ ካ̈ቲ̇ ኑ̈ብ ባዬ̇፥ ኑ ካ̈ታ ቄ̈ሳ̈ራ” ጋ̈ር ማሂዴ።
16ዉርሲ ጋልዳ ጲላ̈ጦ̈ሲ ዬሱ̈ሳ ሶቶ̇ ጌዪ ኣ̈ ኢሚ̇ዴ። ዎታ̇ዳራንሬ ኢያ ኤኪ̇ ሉኪ̇ዴ።
ዬሱ̈ሳ ሶቲ̇ዴ
ማ̈ቶ̈ሳ 27፡33-44፤ ማ̈ርቆ̈ሳ 15፡22-32፤ ሉቃ̈ሳ 23፡33-43
17ኢናፖ̇ ዬሱ̈ሲ ፌ ማስቃሊን ቶ̈ካ̇ሪ “ቆም ጉ̈ጊ” ዎይ ኣይሁድ ኖ̈ናባራ “ጎልጎታ” ጌይዝ ቤስ̇ ሉኪ̇ዴ። 18ኢና ኢያ ሶቲ̇ዴ፥ ማ ኢባር ናምኢ ኣሳን ፔታ̇ና ኡሻች ጎይ ፔታ̇ና ዓዲርስ ጎይ፥ ዬሱ̈ሳ ጊዳ̇ ማሃር ሶቲ̇ዴ።
19ጲላ̈ጦ̈ሳሬ “ና̈ዝሬ̈ቶ ዬሱ̈ሳ፥ ኣይሁዳንስ ካ̈ቴ” ጌይዝ ጹ̈ፋ ጻ̈ፋሪ ኢ ቆማቻ̇ ማስቃሊን ጋልዳ ካጲሲዴ። 20ዬሱ̈ሳ ሶቲ̇ኖ ቤሲ̇ንዳ̇ ካታሚምቦ̇ ኡክ̇ ማ̈ቂ̇ኖኮታ̇ቦ ኣይሁዳን ጋርታ̇ፖ̇ ዎይሊን ኣሲ ጻ̈ፊኖን ናባ̇ቢዴ። ጻ̈ፊኖንዳ̇ሬ ኣይሁድ ኖ̈ናባራ፣ ላ̈ቲን ኖ̈ናባርኬ̇ ጊሪ̈ክ ኖ̈ናባራ። 21ቄ̈ሳ ኣላቃን ጲላ̈ጦ̈ሳኮ “ኣይሁድ ካ̈ቴ ጋ̈ር ጻ̈ፋፔ̇፤ ‘ዪ ና̈ሳ ፌ̈ና ኣይሁድ ካቴ̇ ጌዪኔ’ ጋ̈ር ጻ̈ፋቤ” ጌይዴ።
22ጲላ̈ጦ̈ሳሬ ኢንታ̇ኮ “ዪዚ ቴ ቴ ጻ̈ፊኖንዲፌን ጻ̈ፊኔ” ጋ̈ሪ ማሂዴ።
23ዎታ̇ዳራንር ዬሱ̈ሳ ሶቲ̇ኖፖ̇ ዓኒ ጋርታ̇ ማኣዝ ጳሪን ኣፊሊን ኣሻ̇ሪ ኢ ኣፊላን ዶካ̇ን ኤካ̇ሪ ፔታ̇ን ፔታ̇ን ዬላ̇ምፔ̈ኒ ኦይዲ̇ ቤስ̇ ፋጊዴ። ኢ ጋርታ̇ ማኣዝ ኣፊሊን ጳሪንንዳ̇ ሎክ ካ̈ሊ̇ን ጋልዳፖ ኤ̈̇ር ጻ̈ና ፎቲዝ ዲራ̈ስ ሲፊ ባዮ̇ ሙማ ኣፊላ።
24ዎታ̇ዳራንሬ ዎልዎልኣ “ኑ ዓኖ̇ ጋርታ̇ ማኣዝ ኣፊሊን ኢ̈ኮን ዳርስባ̈ዳ፤ ኢጻ ቃጼ̇ጌይንዶ ኢጻባር ዬሊ̇ኖ ኣስ ዬላ̇ጋቤ” ጌይዴ። ዪና̇ ማ̈ቂ̇ኖንዳ̇፥
“ቴ ኣፊላን ዎል ዎልኣ ፋጊንቲ̇ዴ
ቴ ማኢን ኤካ̇ንዳብ ኢጻ ቶጚዴ”
ጋ̈ር ጌ̈ሻ̇ ማጻ̈ፋ ጋልዳ ጻ̈ፊንቲ̇ኖ ቃ̈ሊን ፎቲንታ̇ምፔ̈ኔ።
ዎታ̇ዳራንር ዎቲኖን ዪኖ̇።
25ዬሱ̈ሲ ሶቲንቲ̇ኖ ማስቃ̇ሊን ላፍ ኢ ኢንዲኬ ኢ ኢንዲ ሚሺንዶ ማ ቄሎ̈ጳ̇ ማጪ̇ን ማ̈ራሚኬ ማ̈ራማ ማግዳሎን ዎልኣ ኤቂ̇ኔ። 26ዬሱ̈ሲ ፌ ኢንዲኬ ፌ ዶሲዝ ፌ ታማ̈ራ ኢ ላፍ ኤቂ̇ንዶ̈ን ቤቃ̇ሪ ፌ ኢንዲኮ “ኢማ̈ሞ̇! ኔ ና̈ኣ ዓዲ̇ሼ!” ጌይዴ።
27ኢናፖ̇፥ ፌ ታማ̈ራ̈ኮ “ኔ ኢንዳ̇ ዓኒሼ!” ጌይዴ። ዪዚ ዪና̇ ሳኣ̈ቲምፖ̇ ኤ̈̇ሪ ኢ ታማራዲ ኢዞ ፌ ኣ̈ል ኤ̈ጚዴ።
ዬሱ̈ሲ ዓይቂ̇ዴ
ማ̈ቶ̈ሳ 27፡45-56፤ ማ̈ርቆ̈ሳ 15፡33-41፤ ሉቃ̈ሳ 23፡44-49
28ዪኒ̇ፖ ዓኒ ዬሱ̈ሲ ዎይ ባዚ ፎቲንቲ̇ኖን ኤራሪ ጌ̈ሻ̇ ማጻ̈ፋ ጋልዳ ጻ̈ፊንቲ̇ኖ ቃ̈ሊን ፎቲንታ̇ምፔ̈ኒ “ታ̈ና ባርሳሼ” ጌይዴ።
29ኢና ጫ̈ጚኖ ዎይና ኤ̈ስ ጻ̈ራባር ኩም ዎዶ̈ኒ፥ ኣሳን ፉ̈ታ̇ፌ̈ኖ ባዝ ጻ̈ሪን ጋርታ ሚሺ ኬሳ̇ሪ ኢሶ̈ጳ ጋዝ ሚ̈ን ሲ̈ንን ጋልዳ ቃጲሳሪ ኢ ኖ̈ኒንኮ ኤ̈ጚዴ። 30ዬሱ̈ሳሬ ጫ̈ጚኖ ዎይና ኤ̈ሲ̇ን ቁ̈ቂኖፖ̇ ዓኒ “ፎቲንቲ̇ዴ” ጌይዴ። ኢናፖ̇ ፌ ቆሚ̇ን ዪርክ ዎቲዴ። ዪኒ̇ባር ኢ ካሲን ኬስካ̇ዴ።
31ሶቲንቲ̇ኖ ኣሳን ቤሺን ሜይሳ̇ር ኣሂን ማስቃላ ጋልዳፖ̇ ሶ̈ቢሳምፔ̈ኒ ኣይሁድ ኣላቃን ጲላ̈ጦ̈ሳ ጌሺዴ። ዪና̇ሬ ኢዝ ጋላሲ̇ንዳ ዎን ሳ̈ዚ ዎንታዚንዳ ጴች ሳምባታ ባ̈ል ማ̈ቂ̇ኖኮታ̇ቦ ኣሲ ዎይ ፌ̈ና ጊ̈ጊሲዝ ቃምዶ̈ን ኣይሁዳን ሶቲንቲ̇ኖ ኣሳን ኣሂን ሳምባታ ጋላስ ማስቃላ ጋልዳ ፌሽካካ̇ይፌ̈ን ኮዪኖኮታ̇ቦ። 32ዪ̈ኮታ̇ቦ ዎታ̇ዳራን ዬ̈ሪ ዬሱ̈ሳ ካንታ̇ ሶቲንታ̇ር ዎ ና̈ሳ ቲ̈ኖ ቤሺን ሜይሲ̇ዴ ማ ሜላ̈ኮንዳር ሜይሲ̇ዴ። 33ዬሱ̈ሳክ ዬ̈ዚምባ̇ራ ኢ ዓይቂ̇ንዶ̈ን ቤቃ̇ሪ ኢ ቤሺን ሜይሳ̇ካይ ኣቲ̇ዴ። 34ዎቲናካር ዎታ̇ዳራን ጋርታ̇ፖ̇ ፔታ̇ና̈ዲ ዬሱ̈ሳብ ባሪንን ቶ̈ራባር ጫዲ̇ን ኤሊ̇ር ሱ̈ኬ ዋ̈ኬ ጎጊ̇ዴ። 35ዪ ቤቂ̇ኖ ና̈ሳ ዪኖ̇ ማርኪ̇ቲኔ፥ ኢ ማርኪቲንዳሬ ኪን። ማ ኢ ኪን ሶ̈ላዚንዳር ኤሪ̈ሬ፥ ኢ ዪኖ̇ ማርኪቲዚንዳ̇ሬ ዪንቲ̇ ኣማ̇ናምፔ̇̈ኔ። 36ዪና̇ ማ̈ቂኖንዳ ጌ̈ሻ̇ ማጻ̈ፋ ጋልዳ̇ “ኢ ሜቃን ጋልዳፖ̇ ፔታ̇ናር ሜቃ̇ባሴ” ጌይኖን ፎቲንታ̇ምፔ̈ኔ። 37ማ ጌ̈ሻ̇ ማጻ̈ፋ ጋልዳ̇ ሜላ ቤስ̇ ጋርታ̇ “ኢያ ጫዲ̇ኖን ኢያ ቤቂ̇̈ሬ” ጌይሬ።
ዬሱ̈ሲ ዱ̈ኪንቲ̇ዴ
ማ̈ቶ̈ሳ 27፡57-61፤ ማ̈ርቆ̈ሳ 15፡42-47፤ ሉቃ̈ሳ 23፡50-56
38ኣርማ̈ታ ጋ̈ዝ ካታሚምፖ̇ ዬይኖ ዮ̈ሴ̈ፋ ጌይዝ ኣሲ ዎ። ኢ ኣይሁዳንቦ ኢ̈ጫ̇ር ፌ̈ና ኤርሳካ̇ይዶ̈ር ዬሱ̈ሳ ታማ̈ሪ ማ̈ቃ̇ር ዎ ኣስዶሪ ኢ ዬሱ̈ሳ ኣሂን ኤካ̇ንዳብ ጲላ̈ጦ̈ሳ ጌሺዴ። ኢያር ኢያ ኤካ̇ቤ ጌዪን ሉኪ̇ ኢ ኣሂን ኤኪ̇ዴ። 39ማ ዓኒ̇ፖ̇ ቲ̈ን ቃም ዬሱ̈ሳክ ሉኪ̇ኖ ኒቆ̈ዲሞ̈ሲ ዓይዚ̇ ታጶ̇ ኦይዲ̇ ኪላ ማቃምፔኖ ካርባክ ታማ ጋ̈ላ̇ክ ዎልኣ ቡሻር ኤኪ̇ ዬይዴ። 40ኢንታ̇ሬ ዬሱ̈ሳ ኣሂን ኤካ̇ሪ ኣይሁዳን ሲ̈ፋዝ ዎጊንዲፌ̈ኒ ኤሄይኖ ሺቲ̇ን ዲርካ̇ር ኮሽ ኣፊላባር ጻቂዴ። 41ዬሱ̈ሳ ሶቲ̇ኖ ቤሲ̇ንዳ ኣታ̈ኪልታ̇ ዎ ቤሴ̇፤ ኢና ኦ̈ናካር ዱ̈ኪንታካ̇ዮ ኦራ ጎሪ ዎ። 42ኢዝ ቃሚ̇ንዳ ኣይሁዳን ሳምባታ ቦንቻ̇ንዳብ ጊ̈ጊንቲዝ ቃም ማ̈ቂ̇ኖምቢኬ ጎሪንዳር ኡክ̇ ማ̈ቂ̇ኖኮታ̇ቦ ዬሱ̈ሳ ኢና ዱ̈ኪ̇ዴ።
Currently Selected:
ዋ̈ኒ̇ሳ 19: ኦጫ̈ቃማ
Highlight
Share
Copy
Want to have your highlights saved across all your devices? Sign up or sign in
