Malakyas 4

Yawi at Faurianan fag Menit

1Yawi at Mabalyanan nalong te, “Matuyan, kadasug wan nu gfaurianan au fag menit.

“Ginanya ban fag menit kata sik tagigang fag afuy. Gfaurianan kban fagayu takamatungudun ay at mauri, kata nu girug ngay nagutan fare. Kanya ban fagayu umkata sik kayu kinkirug yud e sawad ya. 2Dewa katanya, am tagsuyu angku, gfalangfe ktua ban ayu kata menit at yamag nu bagu kasure tagfon fagmafianun. Ay gtudtulbuan ban am guseganan kata sik ngay riangan baka at nalfas siginans fagubungan. 3Gina kban gfafasludan takatanya fagayu, gfabul ban am fagayu taw at mauri kata nu gsiad am lukbu.

4“Faningi fia ku ngay suguan ku nafon sa ku fagsuguan Muisis. Nafon au anya kafag ngay suguan sis Buksul Sinay laman sa sangay taw Israel.

5“Dungugani! Gina yay yud andasug nu gfaurianan au fag menit at maksvn nu malimu, gsugu au sa ayu ku taglong Elyas. 6Kanya ban namafoli ngay fagtainan ay ngay sisian at fagmasadiun laman ban nu ndasug au, kwa gfaurianan ay talun.”

Currently Selected:

Malakyas 4: OCCT

Highlight

Copy