Matiyu 27

I wɛɛ táa Ɛnza ne Pilati saala

Maki 15.1; Luka 23.1-2; Yaya 18.28-32

1Sɔɔ jónan ó mán, faanlɛɛɲansebhaa olu kúnndii ó bɛ́ bɛ́ ní Yawudhyaa cɛba ólu ɲɔ́ɔn yé kɛ́ Ɛnza ngánman. 2Ii wɛɛ Ɛnza nzilila mínngɛ, ii táa ale kɛ táa a lo Lomɛn olu tá faanman ŋó bhóo mín ndɔ́ɔ kó Pilati.

Zudasi é a yɛ́ɛ fáala

3Zudasi míin Ɛnza ɲanva, oo yé mínngɛ oo í wɛ́ɛ kíti bé Ɛnza nga ko í káa a fáa, ale Zudasi é a kɛ́ko o caanlɔngii, oo kɛ́ mínngɛ aa táa faanlɛɛɲansebhaa olu kúnndii ólu ní cɛba ólu fɛ́ yénɔn kɛ wɛ́ɛgbannan bísawa ó lákwɔsɛɛ. 4Aa fɔ i yɛ kó ale wɛ́ɛ yúumukɛ, kɛ mansɔɔ ale wɛ́ɛ mɔɔn sɔ́nda ŋó lo mɔɔn olu bhóo kɛ a fáa, ké a lo mán kóyoo gbɛ́ɛ lɔ kɛ. Ii Zudasi yawi ko: Ílee tá fósi tɛ́ o lɔ, kó a ta kó lée wé! 5Zudasi é wɛ́ɛ o láfii Ala bhatobhomba ó kɔ́ɔnnɔn kɛ táa a yɛ́ɛ fáa. 6Faanlɛɛɲansebhaa olu kúnndii ólu wɛ́ɛ o tá tó kɛ fɔ kó: «A láanin ndɛ́ kó mɔɔn a wɛ́ɛ súu míin bhyáa Ala bhatobhomba ó wɛ́ɛkesu o lɔ, kɛ mansɔɔ wɛ́ɛ naansinin ɲéeman née wé.» 7Ii ɲɔ́ɔnɲe tó kɛ o wɛ́ɛ o tá kɛ laalalaamaa o yɛ́ sɛ́ɛn ó sá kɛ o kɛ́ lónan ŋólu yɛ́ kábulu só o le. 8Ó lée kɛ, kɛ ta o wáati o mán kɛ sii bí la, fɔ́ é kála o sɛ́ɛn ó mán kó «yée sɛ́ɛn.» 9Céla Zelemi é kóman mín nvɔ, oo í lafa céne. A fɔnin ndɛ́ɛ a kwɔ tá ne kó: Ii o wɛ́ɛgbannan bísawa ó tá, Izalayɛli mɔɔn o lɔ́ lúu wɛ́ɛ mín ɲace síi cɛ ó kósɔn, 10tó ii laalalaamaa o yɛ́ sɛ́ɛn ó sá ŋo wɛ́ɛ o la, óo Mantii o o fɔ ɲɛ́n kó ní a láse i man tɛ́nmɛn ne cɔ́.

Pilati é Ɛnza manɲaankɛla

Maki 15.2-5; Luka 23.3-5; Yaya 18.33-38

11 Ɛnza nalɔnin ngwɔ́ kunndiiba ó kɛ́ɛnnan, oo a mánɲaankɛ kó: «Íle lée Yawudhyaa ólu yɛ́ mansacɛ o le a?» Ɛnza ŋé a yawi kó: «Í legbu le wɛ́ɛ o fɔ́ wé.» 12Faanlɛɛɲansebhaa olu kúnndii ólu ní cɛba ólu kómanyoo mín nú fɔ́ Ɛnza man, a man olu yawi kan ŋóo kan nan. 13Oo kɛ́ mínngɛ, Pilati é fɔ a yɛ kó: «Ii kómanyoo nzúu súu lala i la nín, í tóo tɛ́ olu lɔ a?» 14Ɛnza mán a yɛ kóman ó sí yawi. O lée bháa kunndiiba ó lɔ kɛ tínmin.

Pilati wɛ́ɛ í kan mɔ́ Ɛnza nga kó kɛ a fáa

Maki 15.6-15; Luka 23.13-25; Yaya 18.39--19.16

15Hɔ́lɔɲanli o ɲánlagbɛ o mán sa ŋóo sa, laanan bhóoman, kunndiiba ó tɛ́ɛ kasodhye ngée ne lábhyaala, yaman o tɛ́ɛ kasodhye mín ngofɔ, a tɛɛ o lé lábhyaala. 16Mɔɔn lɔ́ tɛ́ɛ kaso lá Lomɛn olu kwɔ. O kasoladhye ŋo mánlɔnin ndɛ́ɛ koyoongɛ le mán, a tɔ́ɔ tɛɛ le kó Ɛnza Baanabasi. 17Pilati é yaman ládhyɛnin ŋó mánɲaankɛ kó: «Álee fɛ́ ké ní yɛ́ne lábhyaa: Baanabasi bháa, bháanin Ɛnza tó fɔ́ é kɛ́la a man kó Kílisi o?» 18Kɛ mansɔɔ Pilati tɛ́ɛ lɔ ŋóo ɲánngboya le kósɔn íi Ɛnza no a móo lɔ. 19Pilati é tó kítitɛɛ ó lá kítitɛɛlaa ó lɔ kɛ a muso a sanmankan nɔ bhyaa a man kɛ fɔ a yɛ kó: «Cɛ míin ŋé mɔɔn télenin né le, í sé mɔ́ a yɛ kíti o lɔ, kɛ mansɔɔ sú o lɔ, ní tɔ́lɔyala kibhalo lɔ́ a ta fa nvɛ́.»

20 Faanlɛɛɲansebhaa olu kúnndii ólu ní cɛba ólu yaman o lɔ́lo kó ii fɔ kó kɛ Baanabasi lábhyaa kɛ Ɛnza nváa. 21Kunndiiba óo kóman ó tá kɛ yaman o mánɲaankɛ íkwɔ kó: «Áa fɛ́ ké ní i mɔɔn fyáa ó kéengeenan mínnɛɛn lé lábhyaa?» I ko a yɛ kó Baanabasi. 22Pilati é i manɲaankɛ o lé lɔ kó: «Tó fɔ́ é kɛ́la Ɛnza mín man kó Kílisi o, ní mínnɛɛn lé kɛ́ o la?» I bɛ́ é a yawi kó: «O a gbáan yíi ó mán, a gbáan yíi ó mán!» 23Pilati kó i yɛ kó: «Aa kó yóo mínnɛɛn lé kɛ wɛ́?» Wáa ii gbáa ko kwáa kɛ kó: «A gbáan yíi ó mán!» 24Pilati é yé mínngɛ óo ale tɛ́ cóoya sɔɔla, óo wɔyɔ óo táa í móo kɛ́ le, aa jí tá kɛ í bhóo kwó yaman o ɲánla kɛ fɔ kó: «Nze ndɛ́ cɛ míin nváako o lɔ, móo tɛ́ lɔ. A gbúlu kúnngo lée wé!» 25Bɛ́ bɛ́ é a yawi kó: «Aa kɛ́ cé! A fáako o yáacɛ a kɛ́ án ne ní án mɔ́nzɔ ŋólu ka njé!» 26Ii o fɔ́ mínngɛ, Pilati é í bhóo kɛ́ Baanabasi la. Ii Ɛnza gbasi gbɛ́nɲɛn la, aa Ɛnza no i bhóo kó ii táa a gbáan yíi ó mán.

Swaasi olu yɛ́ɛbhɔla Ɛnza nɔn

Maki 15.16-20; Yaya 19.2-3

27Kunndiiba ó yɛ́ swaasi olu táa Ɛnza né faanmannjɛ lɔ yɛ́ lúkɔɔn ó mán, tó ilee ni i swaasiɲɔɔn tɔ́ ó bɛ́ é nan í mínnin Ɛnza nan. 28Ii a yɛ faani o bhɔ́ a kannan tó kɛ tɔɔya ɲánlaywɛ nɔ́ bhyáa a kannan. 29Ii wɛɛ kɛ ŋwɛ́ɛn ŋo kɛ́ mansayagɔ ne, kɛ o bíin a kúnnan, ii kaakaa lɔ́ ló a bhóobhɛɛ ó lɔ́ mansayagbele bhóoman. Ii táa í kúnmɛɛn ngbáan né lúu lɔ́ a ɲɛn kɛ táa a lákɔɔbhɔ le tá kó: «Yawudhyaa olu yɛ́ mansacɛ o, án ni í fola!» 30I tɛ́ɛ í láji bwɔ́nan a ka, óni kɛ kaakaa ó myáan a lá kɛ táa o fɛ́lɛ né a kúnnɔn. 31Ii wɛɛ yɛ́ɛbhɔla a lɔ mínngɛ o ɲán o mán cé, ii a yɛ tɔɔya ŋo bhɔ́ a kannan kɛ ale gbú yɛ faani o bhyáa a kannan tó kɛ táa a le kó i kɛ́ɛ tɛ́ɛ a gbáan yíi ó mán.

I wɛɛ táa Ɛnza ngbáan yíi o mán

Maki 15.21-32; Luka 23.26-43; Yaya 19.17-27

32I bhɔ́tɔ ó lé só ó kɔ́ɔnnɔn, ii bhyɛ Silɛninnga cɛ lɔ le o tɔ́ɔ tɛ́ɛ kó Simɔn. Swaasi olu fáan lá o cɛ ó ka kó aa Ɛnza gbáanɲii ó tá. 33Fɔ́ é kɛ́la ywáa mín man kó Gɔligota, ii táa lo yénɔn. Gɔligota o kɔ́ɔ o tɔ́ɔ ta kó «Kunngɔɔngoo ywáa.» 34Ii bhwɛ́ɛyi kwaanyanin nɔ́ ɲáanmin lɛ́zɛnnji o la kɛ o dí Ɛnza man. Aa í lá túu o lá wáa a man sɔ́n kɛ a mín. 35Ii a gbáan yíi ó mán tó kɛ gbámantɛɛ a yɛ faani olu ka kɛ olu lɔ́taa ɲɔ́ɔnnan. 36Ii wɛɛ kɛ í síi yénɔn kɛ í hákii tó a lɔ. 37Yíifɛɛn nɔ gbáannin ndɛ́ɛ a kúnnɔn, ii ale Ɛnza nváa kúun mínnan, o Kúun ŋó sɛ́wɛnin ndɛ́ɛ o yíifɛɛn ŋo mán tá kó: «Cɛ míin née Ɛnza ne, Yawudhyaa ólu yɛ mansacɛ ó.» 38O lɔ, ii bénganikɛbhaa fyáa gbáan yíi o mán Ɛnza ndɔ́ɔfɛ, kée ndɛ́ɛ a bhóobhɛɛkɔɔ, kée ndɛ́ɛ a bhóonwaan ngɔɔ.

39Tínminmaa olu tɛ́ɛ í kún námaanla nɛ́ɛnnin bhóoman Ɛnza ndá fa ŋo nvɛ́ 40kɛ táa fɔ lé a man kó: «Ɲɔ́ɔn ngo íle lée fɔ kó íi sé kɛ Ala bhatobhomba ó cé kɛ́wɛɛ kɛ a lɔko kwáa kɛ́ tee sáwa kɔɔnnɔn lé? Ni íi Ala dhyénjɛ le cɔ́, í ló ŋan í yɛ́ɛ bwási kɛ í yíi kɛ bhɔ́ i gbáanɲii ó mán nín né!» 41Faanlɛɛɲansebhaa olu kúnndii ólu ní sɛliya kaamɔɔn ólu ní cɛba ólu tɛ́ɛ yɛ́ɛbhɔla a lɔ tá kó: 42«A wɛɛ mɔɔn lu bwási wáa a tɛ sháa a yɛ́ɛ bwásila. Ɲɔ́ɔn ngo Izalayɛli mansacɛ o lée wé né! A lo ŋan í yíi kɛ bhɔ́ gbáanɲii ó mán nín né! Ni o kɛ́ kɛ́ án ni lá a lá. 43Ɲɔ́ɔn ngo aa lá Ala la tó kɛ fɔ kó álee Ala dhyénjɛ le le. Ni aa dí Ala yɛ, Ala a nan a bhɔ́ kó bhóo kwáa le nín ne!» 44Bénganikɛbhaa mínnu gbáannin ndɛ́ɛ yíi ó mán Ɛnza ndɔ́ɔfɛ, olu tɛ́ɛ a nɛɛnnan o ɲán kée ŋó mán.

Ɛnza ɲɛn saya o

Maki 15.22-41; Luka 23.44-49; Yaya 19.28-30

45Teelatee wáati o lɔ, diwiba é lo ywáa ó bɛ́ lɔ́ yamaan o ka fɔ́ kɛ táa se ywáatee ó mán. 46Ywáatee ó mán, Ɛnza ŋé gbáa fáan lá kɛ fɔ kó: Eli, Eli, laman sabataanin. O kɔ́ɔ o tɔ́ɔ ta kó: Ɲɛ́n Ala o, ɲɛ́n Ala o, í wɛ́ɛ í kwɔ́kɛ nán mínnɛɛn lé la? 47Mɔɔn mínnu tɛ́ɛ yénɔn, o lɔ́lu o myɛ́n mínngɛ, ii fɔ kó: «Cɛ óo Eli kíila!» 48Mɔɔn kée ŋé bwée téeman kɛ fu lɔ́ tá tó kɛ o díin lɛ́zɛnnji kuunnin nɔ́lɔ tó kɛ o fú ó dhyɛ́ kaakaa lɔ la kɛ a di Ɛnza man kó aa a mín. 49Wáa mɔɔn tɔ́ ólu kó o yɛ kó: «A tó yé, án ni a mánfɛɛ ní Eli yáa nan a bwási.»

50Ɛnza ŋé gbáa fáan lá ko kwáa kɛ, tó kɛ sayakɛ. 51O wáati kée ŋó lɔ, Ala bhatobhomba ó sácɛ ó fala fyáa le kɛ a lamyaan sáman fɔ́ɔ lúuman, lúukolo óo yáayaa, fáa olu ce cé, 52kábulu olu í láka tó safee mínnu tɛ́ɛ mɔɔn sɛ́nnɛnyanin ne, o shɛ́ɛman ŋé kúun kɛ bhɔ́ saya bhóo o mán. 53Ii bhɔ́ kábulu olu lɔ kɛ táa Yeluzalɛmu, ó míin kíila kó só sɛ́nnɛnyanin. Ii táa yénɔn ké Ɛnza wɛ́ɛ wɛɛ kúunnan kɛ bhɔ́ saya bhóo o mán. Mɔɔn shɛ́ɛman ŋé i yé yénɔn. 54Lomɛn swáasikunndii ó ní a yɛ swaasi mínnu síininndɛ́ɛ Ɛnza ngunnan, olu ɲán é lɔ lúukolo ó yáayaa seɲan o lɔ, óni kó mín núu kɛ́. I man é sháan gbúnigbukɛ tó ii fɔ kó: «Kɛ fɔ tínɲan la, cɛ míin ndɛ́ɛ Ala dhyénjɛ gbú le le!» 55Muso shɛ́ɛman ndɛ́ɛ yénɔn olu tɛ́ɛ kólɔgbɛla ywáa já nɔn. Olu bhyáa Ɛnza ngwɔ́ka Galile le háan fɔ́ Yeluzalɛmu, i tɛɛ a lɔdhyɛmanla lé. 56O muso ólu cɛ́man: Mwɛnyamu Magidalaka, óni Zaki ní Yusufu lú wóobhaa Mwɛnyamu, óni Zebede dhyénjɛ ólu wóobhaa o.

Ɛnza nzúlongo o

Maki 15.42-47; Luka 23.50-56; Yaya 19.38-42

57Ywáatee ó mán, Alimateka nanfootiicɛ lɔ é nan. Ale cɛ ó tɔ́ɔ tɛ́ɛ lé kó Yusufu, ale tɛ́ɛ Ɛnza ɲɛn kaamɔɔndhye ne lé. 58Aa táa Pilati fɛ́ yé kɛ Ɛnza nvée ó kófɔ o yɛ. Pilati é fɔ kó kɛ sú ó ló cɛ ó bhóo. 59Yusufu e táa su ó tá tó kɛ a kásange 60tó ale cɛ ó tɛ́wɛɛ fɔ kó kɛ kábulu mín nzhɛn fáa o lɔ́ ale gbú yɛ, aa táa Ɛnza nzútaa o kábulu kwáa kwáa o lɔ. Aa wɛɛ kɛ káwagbuba lɔ́ gínninman kɛ o lá kábulu o lála tó kɛ táa. 61Mwɛnyamu Magidalaka ní Mwɛnyamu dɔ́ mín ŋo síininndɛ́ɛ yé, kábulu o ɲánkɔɔlaa ó lɔ.

Ɛnza ngábulu o kúnnansiiko o

62Ló mín ŋé túun lɔnwɛɛnlilo ŋo lɔ́bhyɛndee ó la, faanlɛɛɲansebhaa olu kúnndii ólu ní Falizɛn ŋolu táa kéene Pilati fɛ́ yé. 63Ii fɔ o yɛ kó: «Mantii ó, a wɛɛ bhyáa án ɲáakii la óo Ɛnza mɔɔn lanɛɛnmaa míin ndɛ́ɛ í ɲánla mínngɛ, aa fɔ kó ale yáa kúun kɛ bhɔ́ saya bhóo o mán a sayakɛnin ŋó tée sáwaɲɔn ló ŋo mán. 64Oo lɔ mínngɛ, dhyɛ́n íi mɔɔn lásii a kábulu o kúnnan ké tee sáwa ó a í lafa ótun, ní o tɛ, a yɛ kaamɔɔndhye ŋolu sé kɛ táa a su ó tá loo nɔn tó kɛ fɔ bɛ yɛ́ kwɔ́la kó: ‹Ɛnza ŋwɛ́ɛn kúun kɛ bhɔ́ saya bhóoman.› O mɔ́ɔnlanɛɛnnze ŋó táa cɛ́yooɲan lé wé kɛ tínmin jónan ó ka ŋan?» 65Pilati kó i yɛ kó: «Áa swaasi míin nú tá ké ii táa kábulu o kunnansii, óo aa dí a yɛ́ ɲán mín man.» 66Oo kɛ́ mínngɛ, ii táa swaasi lɔ́lu lásii kábulu o kúnnan. Ii tɔɔmansii lɔ́ bhyáa káwagbuba ó mán, kó óo kó é kɛ mɔɔn lɔ́ kɛ́nan o káwa ó bhɔ́ kábulu o lála.

Currently Selected:

Matiyu 27: MXX

Highlight

Copy