Matiyu 15

Laanan kɔ́ɔkɔɔ ólu

Maki 7.1-13

1 Falizɛn nɔ́lu ní sɛliya kaamɔɔn lɔ́lu bhɔ́ Yeluzalɛmu kɛ táa Ɛnza nzaala kɛ fɔ a yɛ kó: 2«Mínnɛɛn lé kósɔn í yɛ́ kaamɔɔndhye ŋolu tɛ́ án myɛ́man olu yɛ laanan ó bhɔ́la a sháa mán? Kɛ mansɔɔ i tɛ́ i bhóo kwóla kɛ tó lɔ́minkɛla.» 3Ɛnza ŋé i yawi kó: «Tó álee lu wɛɛ, mínnɛɛn lé kósɔn álee í kwɔ́ kɛla Ala yɛ tɔ́ ŋo la kɛ a yɛ́ laanan o léelu bhɔ́ a sháa mán dɔ́lɔun? 4Wáa Ala é fɔ le kó: Í fá ní í wóobhaa bwóɲan, kó ní mɔɔn mín ngɛ kómanyoo nvɔ́ a fa wáman a wóobhaa man, o tíi ó kákan kɛ fáa lé. 5Wáa álee lu kó ní mɔɔn lɔ́ kɛ́ fɔ a fa yɛ wáman a wóobhaa yɛ kó: Ndɛ́ káa móota mín ndí í mán kɛ́ í lɔdhyɛman, ŋwɛ́ɛn wɛɛ o díla Ala man; 6kó dhyaalagbeya tɛ́ o lɔ́ bhée kó mɔɔn a í fá lú sɔ fé nzɔ́. Álee Falizɛn ŋolu kɛla céne kɛ Ala saaninkan ŋo bhɔ́ fila tó kɛ bhyáa álee gbúlu yɛ́ laanan dɔ́lɔun ŋó lé kwɔ. 7A fyáangafo ólu! Jó gbú le tɛ́ɛ céla Ezayi fɛ́ a láse ó lɔ́ a tá fa nvɛ́ kó

8Ala kó: Mɔɔn míinnu bwóɲanla í lá lɔ́ lé,

wáa i yóso o ywáa a já ne lá.

9 Ii mátola gbɛ́ɛgbɛɛ lé wé,

í lée mín núu mɔɔn ólu kalanan tɔ́ nu la,

mín núu fáanan mɔɔndhye ŋolu la.»

Fé mín núu mɔɔn lánɔɔnla Ala koowaan la

Maki 7.14-23

10Ɛnza ŋé yaman o kíi kɛ́ fɔ i bɛ́ yɛ kó: «Áa í tóomanlɔ ké áa bhɔ́ kóman míin ɲánle: 11A tɛ kó fé mín ŋé lónan mɔɔn lálɔ kó o lée mɔɔn lánɔɔnla Ala koowaan la. Kóman mín ŋé bhɔ́la mɔɔn lálɔ, o lée mɔɔn lánɔɔnla.» 12A yɛ kaamɔɔndhye ŋolu í mángbaa a lá kɛ fɔ a yɛ kó: «Íi lɔ ŋóo í yɛ́ kóman míin ŋwɛ́ɛn díin Falizɛn ŋolu la a?» 13Ɛnza ngó: «Né Fá mín ŋé sángboo ó lɔ, o mán yíi mínnu ló, o bɛ́ yáa bwɔ́. 14Áa Falizɛn ŋolu tó yénɔn lɛɛ! Fyóo née lúu wé mínnuu bhyaala fyóo ngbɛ́ɛlu ɲɛ́n. Ni fyóo ngɛ́ kɛ sháaɲɛn ne fyóo ngbɛ́ɛ ɲɛn, i fyáa o bɛ́ yáa í bé jáan kɔɔnnɔn!» 15Piyɛli é kóman ó tá kɛ fɔ a yɛ kó: «Saanan mín ŋé mɔɔnlanɔɔnko o ka, o kɔ́ɔfɔ án ɲɛn.» 16Ɛnza ŋé fɔ kó: «Ále yáanin bí ále mán yáakii sɔ́ɔ bhá ŋan? 17A mán lɔ kó fé ŋóo fé ngɛ́ lo mɔɔn lálɔ, aa tínminnan mɔɔn kɔ́ɔnnɔn lé kɛ tó bhɔ́la sháa kunmantaa fɛ́ a? 18Wáa fé mín ŋé bhɔ́la mɔɔn lálɔ, oo bhɔ́la mɔɔn yóso ó lé lɔ, o lée mɔɔn lánɔɔnla. 19Kɛ mansɔɔ míliya yóo ŋólu, mɔɔnfaa ólu, ɲɔnmɔɔnya ólu, játɔya ólu, soɲan olu, sɛ́ɛya ládi fwɔnɲan ŋólu ka ní mɔɔntɔɔcaan ŋólu bhɔ́la mɔɔn yóso ó lé lɔ. 20O lée lúu mɔɔn lánɔɔnla! Wáa kɛ lɔ́min kɛ́ í bhóo kwóbhɛɛ o la, o tɛ́ mɔɔn lánɔɔnla.»

Lónanmuso lɔ é lála Ɛnza nan

Maki 7.24-30

21 Ɛnza ŋé bhɔ́ o ywáa ó lɔ, tó kɛ táa Tili mála óni Sidɔn mála o lɔ. 22Kananngamuso lɔ síininndɛ́ɛ o lánga ŋo lɔ, o muso óo nan Ɛnza nzaala kɛ í kan nányɛɛ kɛ fɔ kó: «Mantii o, Laula Bhɔ́nzɔ manɲwaan nán! Lámansa yóo nɔ́ é nyémuso ó fɛ́, a man ngɛ́nnɛn féu!» 23Wáa Ɛnza mán a yawi. A yɛ kaamɔɔndhye ŋólu í mángbaa a lá kɛ a mánɲaankɛ kó: «Í tɛ́ kóman muso míin nvɛ́ a! Ɲɔ́ɔn a lɔ gbáanan án ngwɔ́ka ndá nín.» 24Ɛnza ŋé i yawi kó: «Myáanin ɲe kɛ́nan Izalayɛlika ó léelu bwási, o mínnu e óo saa túunnin nú.»

25Wáa muso óo nan í kúnmɛɛn nɔ́kɛɛ Ɛnza ngɛɛnnan kɛ fɔ kó: «Mantii o, nɔ́dhyɛman!» 26Ɛnza ŋé a yawi kó: «Kɛ dhyémuu ólu yɛ sunman ŋó ta kɛ a lafii ŋwúunnin ŋolu kɔɔ o mánɲin!» 27Muso óo fɔ a yɛ kó: «Tínɲan lée wé, Mantii o, wáa háanin sunman mín ŋé buunnan ŋwuunnindii ólu yɛ tabɛli o kɔɔ, ŋwúunnin núu o lɔ́ɔnan.» 28Óo kɛ́ mínngɛ, Ɛnza ŋé a yawi kó: «Í yɛ́ lánanya ó a bwó, muso o! Íi fé mín ɲiinnan, Ala a o dí í mán!» Muso ó dhyémuso óo kɛ́ɛnya o wáati kée ŋó lɔ.

Ɛnza ŋé yaangalotɔ shɛ́ɛman nákɛɛnyala

29 Ɛnza ŋé bhɔ́ o ywáa ó lɔ kɛ táa Galile bhála o la. Aa í yɛ́ɛ tii lɔ́ ka kɛ í síi yénɔn. 30Yamandhye nzhɛɛman ŋé nan a saala ni kuugba lú ní fyóo nú ní nanmaannin nú ní bhóbho lú ní yaangalotɔ súu gbɛ́ɛ shɛ́ɛman nú le. Ii nan i lala Ɛnza nze nvɛ́ tó aa i lákɛɛnya. 31Mɔɔn ólu bhóbho ólu yé kómanla mínngɛ, kɛ nanmaannin ŋólu lákɛɛnyanin ɲe, kɛ kuugba ólu yé táaman kɛ́la, kɛ fyóo ŋólu yé ywáa yéla, óo bháa i lɔ gbúnigbukɛ tó ii Izalayɛli yɛ Ala o tando téeman.

Ɛnza ŋé lɔ́min dila cɛ wáa náannin mán

Maki 8.1-10

32 Ɛnza ŋé a yɛ kaamɔɔndhye ŋolu kíi kɛ fɔ i yɛ kó: «Yaman míin mánɲwaan é ne lɔ́, kɛ mansɔɔ i tee sáwa lée ngwɔ́ka nín, sunman ndɛ́ i bhóo. Ndɛ́ fɛ́ kɛ i kɔ́ɔntɔ ó lábhyaa, ké i dɛ́sɛ sháala.» 33Kaamɔɔndhye ŋólu fɔ a yɛ kó: «Yaman bá míin ngáa fá búlu mínnan, án ngáa bhɔ́ o búlu ó lé mín ne dhyɛ́ míin nɔn?» 34Ɛnza ŋé i manɲaankɛ kó: «Búlu yée lée a bhóo?» Ii a yawi kó: «Búlu wóonvyaa, óni yɔ́ɔ fítii fítiinin nɔlu.» 35Oo kɛ́ mínngɛ, aa fɔ yaman o yɛ kó kɛ í síi lúu mán. 36Aa búlu wóonvyaa ólu ní yɔ́ɔ ólu tá kɛ Ala bálika bhɔ́, kɛ ale búlu ólu kúunndɛɛtɛɛ óni yɔ́ɔ ólu, tó kɛ i di a yɛ kaamɔɔndhye ŋólu mán. A yɛ kaamɔɔndhye ŋolu a lɔ́taandaa yaman ó la. 37Mɔɔn bɛ́ɛ lɔ́minkɛ kɛ fá. Tó ii nán seenin wóonvyaa láfanin né sunman ndɔto ó la. 38Mɔɔn mín núu lɔ́minkɛ, olu tɛ́ɛ cɛ wáa náannin né le, muso ólu ní dhyémuu ólu tɛ́ o la. 39Ɛnza ŋé yaman o lábhyaa tó kɛ í bhyáa Kúun ŋó lɔ kɛ táa Magadan mala ó lɔ.

Currently Selected:

Matiyu 15: MXX

Highlight

Copy