Yaya 2

Ɛnza ŋé jí ó yɛ́ɛman la lɛ́zɛnnji le Kana

2.5-10

1Tée sawaɲɔn ló ŋó, kwɛ́ɛnyako lɔ́ é kɛ́ Kana, Galile mala ó lɔ́. Ɛnza wóobhaa tɛ́ɛ yé. 2Ii Ɛnza ni a yɛ́ kaamɔɔndhye ŋólu kíi kɛ táa o kwɛ́ɛnyako ywáa o lɔ́. 3Lɛ́zɛnnji óo wɛ́ɛ mínngɛ, Ɛnza wóobhaa é táa fɔ a yɛ́ kó: «Lɛ́zɛnnji tɛ́ í bhóo bhée.» 4Waa Ɛnza ŋé a yawi kó: «Maan! I kɛ́nan hánmin o lá. Né ta wáati ó man sé bhá.» 5A wóobhaa é fɔ bháalakɛdhye ŋólu yɛ́ kó: «A kɛ fé ŋóo fé nvɔ a yɛ́, aa ó kɛ.»

6Káwalaa wɔ́ɔlɔ tɛ́ɛ o ywáa ó lɔ, olu bhyáanin ndɛ́ɛ Yawudhyaa ólu gbú yɛ́ sɛ́nnɛnyali ó le kósɔn kɛ́ kéeɲan ní í yɛ́ laanan ó le, o bɛ́ kée ngée ŋé litili kɛnmɛn ɲɔ́ɔnnɔn bhɔ́la. 7Ɛnza ŋé fɔ i yɛ́ kó: «Aa láa míinnu lafa jí o la.» Íi ólu lafa. 8Ɛnza ŋé fɔ i yɛ́ kó: «Áa a lɔ́ tá sísan kɛ́ táa a dí kwɛ́ɛnyako o ɲɛnmɔɔn ó mán.» Íi a lɔ́ tá kɛ́ táa o dí o mán. 9Kwɛ́ɛnyako o ɲɛnmɔɔn ó jí ó mánfɛɛ mínngɛ, jí óo yɛ́ɛmannin ndɛ́ɛ kɛ́ kɛ lɛ́zɛnnji lé. Cɛ ó mán ó lɛ́zɛnnji ó bhɔ́laa o lɔ. Waa bháalakɛdhye ŋólu kwɛ́nnin ndɛ́ɛ lɛ́zɛnnji ó bhɔ́laa o lɔ, kɛ mansɔɔ i gbúlu a jí o tálaa o lɔ. Ɲɛnmɔɔn óo musocɛtii ó kíi 10kɛ́ fɔ a yɛ́ kó: «O ɲán ó man, mɔɔn bɛ́ɛ lɛ́zɛnnji dhyáanin ne díla jónan. Ni mɔɔn kíinin ŋólu kɛ́ shɛ́ɛman min wáati mínnɔn, ii tó lɛ́zɛnnji kúunnin ŋó díla. Waa íle kwɛ́nnin wɛ́ɛ lɛ́zɛnnji dhyáanin ó mala fɔ wáati míin nɔn!»

11Ɛnza ŋé a yɛ́ káwako jónan ó kɛ́ céne Kana, Galile mala ó lɔ. Aa a yɛ́ nɔ́lɔya ó yáa céne a yɛ́ kaamɔɔndhye ŋólu la, íi lá a lá.

12O kwɔ́, aa táa Kapɛnamu ni a wóobhaa lé, óni a lɔ́ɔnin ŋólu óni a yɛ́ kaamɔɔndhye ŋólu lé. Waa íi tée láman gbóto lé kɛ́ yé.

Ɛnza ŋé feekɛbhaa ólu gbɛnan Ala bhatobhomba ó kɔ́ɔnnɔn

Matiyu 21.12-13; Maki 11.15-17; Luka 19.45-46

13Yawudhyaa ólu yɛ́ Hɔ́lɔɲanli o ɲánlagbɛ ó tɛ́ wɛ́ɛ sunɲan, Ɛnza ŋé táa Yeluzalɛmu. 14Ɛnza ŋé nisi felebhaa ólu ní saa felebhaa ólu ní biinin nvelebhaa ólu, ní wɛ́ɛfɛɛmaa ólu sɔ́ɔ Ala bhatobhomba ó kɔ́ɔnnɔn. 15Ɛnza é yúu lɔ́lu tá kɛ kɛ bísa né kɛ í bɛ́ gbɛ́ kɛ í lábhɔ Ala bhatobhomba ó kɔ́ɔnnɔn, nisi ólu óni saa ólu bɛ́. Aa wɛ́ɛfɛɛmaa ólu yɛ́ wɛ́ɛ ólu ɲɛ́nnzɛn kɛ í yɛ́ tabɛli ólu bé bé kɛ í gbɛ́! 16Aa fɔ biinin nvelebhaa ólu yɛ́ kó: «Áa míin bɛ́ tá kɛ́ bhɔ́ ya! A kɛ́nan Nvá yɛ́ bhó ŋó kɛ féekɛlaa lé.»

17O lɔ, a yɛ́ kaamɔɔndhye ŋólu miliya é yíi a ka kó a fɔnin ŋé Ala yɛ́ kóman ó lɔ kó: I yɛ́ bhó ŋó dhyáaɲɔɔnya óo súla né yóso ó la koyoongɛ o yóo tá. 18Oo kɛ́ mínngɛ, Yawudhyaa ólu a mánɲaankɛ kó: «I wɛ́ɛ ko min ngɛ́ nín, ii sé kɛ́ káwako lɔ kɛ́ min ngáa a yáa án nan kó i kákan kɛ́ ó kɛ a?» 19Ɛnza ŋé í yawi kó: «Áa Ala bhatobhomba míin njé, Né yáa a lɔ tée sawa kɔ́ɔnnɔn.» 20Yawudhyaa ólu a yawi kó: «I kó díi? Ala bhatobhomba míin ŋé lɔ́ sánɲin bínaannin ni wɔ́ɔlɔ lé kɔ́ɔnnɔn, i kó ile yáa ó lɔ tée sawa kɔ́ɔnnɔn kɛ́ɛ?»

21Ɛnza ngan ndɛ́ɛ Ala bhatobhomba min man, o tɛ́ɛ a gbú Fási o lé lé. 22Ɛnza ŋé sayakɛ kɛ́ kúun mínngɛ, a yɛ́ kaamɔɔndhye ŋólu miliya é tó yíila a yɛ́ kóman fɔnin ŋó ka. Óo kɛ mínngɛ, íi lá Ala yɛ́ kóman ó la, kɛ́ la Ɛnza ɲɛ́n kóman fɔnin ŋólu lá.

Ɛnza ŋan Adamandhye ŋó kɔ́ɔnnɔnko ó lɔ

23Kɛ́ Ɛnza ndó Yeluzalɛmu Hɔ́lɔɲanli o ɲánlagbɛ ó mán, aa káwako mínnu kɛ́ mɔɔn ólu ɲánla, shɛ́ɛman ŋé lá a lá olu kósɔn. 24Waa Ɛnza ngwɛ́nnin man lá i lá, kɛ mansɔɔ a tɛ́ɛ i bɛ́ kɔ́ɔnnɔnko ólu lɔ. 25Kɛ mansɔɔ a manko tɛ́ tɛ a lá ké mɔɔn ólu yɛ kó ó ɲánfɔ a yɛ́, kɛ mansɔɔ aa Adamandhye óni a kɔ́ɔnnɔnko ó bɛ́ lɔ.

Currently Selected:

Yaya 2: MXX

Highlight

Copy