1 Tesalonikika olu 3

1Án ngɔ́lɔtɔnin ndɛ́ɛ mínngɛ, o le kósɔn, án ni bhyɛ a man ko án ni tó án nanan Atɛnin, 2kɛ Timote ce á mán. O mín ŋé án mádhyemannjɛ le, óni o mín ŋe bháala kɛla ni Ala le Kílisi yɛ Sanmankanmɛɛ o láse o lɔ. Án ni a ce á mán lé, ké aa á fáan lo, kɛ á yóso o lágbɛya á yɛ́ lánanya ó lɔ, 3ké á sí kɛ́nan yáayaa wáati míin ndɔ́lɔya o kósɔn. Kɛ mansɔɔ á gbúlu a lɔ ŋóo tɔ́lɔya oo Ala yɛ kíili o kɔɔnnɔn. 4Kɛ án ndo á fɛ yé, án ndɛ́ɛ fɔla á yɛ́ sɔ ko án ɲáan tɔ́lɔya sɔɔ. A lo ŋé kɛ cé ne, á ló ŋán o lɔ. 5O lée kɛ, né kɔ́lɔtɔnin ndɛ́ɛ mínngɛ, née Timote ce á mán, kɛ táa bhɔ́ á yɛ́ lánanya o kibhaloya o ɲán le. Kɛ mansɔɔ ne tɛ́ɛ sháannan le, ké Sɔtaannan kɛ́nan á lɔ́swaan. O bhóo o mán, án ɲɛn bháala o tɛ́ɛ nan kɛ fúu le.

Pɔli yɛ nisɔdhyaa o, Timote yɛ kwaan o kósɔn

6Kwáalenin, Timote wɛ́ɛ í kwɔsɛɛ, kɛ bhɔ́ á fɛ́ yé, kɛ nan í kwaan án ɲɛn kóbhɛɛ, kɛ á yɛ lánanya óni á yɛ dhyáaɲɔɔnya ta fa ŋo fɛ. Aa fɔ án ɲɛn ko miliya bhɛɛ e á la án ndá fa ŋo fɛ óni ko áa fɛ kɛ án ɲe gbútuukɛ, óyoo án ni fɛ kɛ á yé ɲán mín man. 7O ɲán o mán, mádhye ŋólu, kɛ án ndo án ɲɛn sɛɛ óni án ɲɛn tɔ́lɔya kó olu bɛ lɔ, án ɲóso o wɛ́ɛ i láyii á tá fa ŋo fɛ, á yɛ lánanya o kósɔn. 8Kwáalenin, án ŋwɛ́ɛn án ɲɛɛ sɔɔ kókwaa kɛ, kɛ mansɔɔ á lɔ́janin ŋe ni Mantii o le. 9Án ni sé kɛ bálika bhɔ Ala yɛ di le, á ta fa ŋo fɛ, óni án ɲɛn nisɔdhyaa o álee kósɔn, án ɲɛn Ala o ɲánkɔɔ? 10Án ni tóla kɛ Ala dɛ́li gbútuukɛ sú ni tee, kó án ɲan o á ɲɔɔn ɲé kokwaakɛ, óni mín ŋwɛ́ɛn á dɛ́sɛ á yɛ́ lánanya o lɔ, án ni á kála o la.

11Ké án Nva Ala gbú óni án Mantii Ɛnza ŋá án ɲɛn táaman o ɲán bhɔ kɛ sé á fɛ́ yé. 12Ké Mantii o á lɔbhyaa á yɛ dhyáaɲɔɔnya o lɔ́ ɲɔ́ɔnnjɛ, kɛ waawaa, óni ále ní mɔɔn olu bɛ cɛ, óyoo á léelu dhyáa án neelu yɛ ɲán mín man. 13O bhóo o mán, ké aa á yóso o lágbɛya, ké áa sɛ́nnɛnya, ké fyɛn kɛ́nan kɛ á la án Nva Ala ɲankɔɔ, án Mantii Ɛnza nánlo ŋo la ni a yɛ mɔɔn sɛ́nnɛnyanin ŋolu bɛ le, [Amiinan].

Currently Selected:

1 Tesalonikika olu 3: MXX

Highlight

Copy