1 Tesalonikika olu 1

Twaali o

1A fáanan Pɔli ní Silasi óni Timote la, kɛ́ a dí Tesalonikika ólu yɛ́ Egilizi o mán, o mín ŋé Fa Ala tá le óni Mantii Ɛnza Ngílisi tá lé: ké nɛ́nmɛn óni láha o á kɛ́ á fɛ́!

Bálika bhɔ́ ólu

2Án ni bálika bhɔ́la Ala yɛ́ wáati o bɛ́ lɔ́ á bɛ́ yɛ, án ni án milila á man wáati bɛ́ án ɲɛn sɛ́ɛ o lɔ. 3Tínɲan in ne, án ni án milila á mán án Nva Ala ɲankɔɔ, ko á lɔ́janin ŋé lánanya o bháala o man, óni á yɛ dhyáaɲɔɔnya o bháala o táala ɲɛnnvɛ, óni á lɔ́janin ŋe yeemansii o lɔ Mantii Ɛnza Ngílisi la. 4Mádhye ŋólu, áa dí Ala yɛ, án ni lɔ ŋóo Ala wɛɛ álee lú bhɔ. 5Kɛ mansɔɔ, án ni nan sanmankanmɛɛ o láse á man mínngɛ, o láse o man kɛ ni kóman gbáanzan ne, wáa oo kɛ ni Ní Sɛnnɛnyanin ŋo yɛ sébhaaya óni a yɛ fáan o le le, óni ni lánanya o le. Áa lɔ ŋóo án ni táaman á cɛ́man ɲanminman, oo kɛ á yɛ nafa le kósɔn. 6Á wɛ́ɛ kɛ́ án mánɲaanbhaa le, óni Mantii o gbú mánɲaanbhaa lu le; kɛ sɔ́n Ala yɛ sáaninkan ŋo man, gbɛya shɛ́ɛman njɛ́man, óni kɛ i nisɔdhyaa ni Ní Sɛ́nnɛnyanin ŋo le. 7O bhóo o man, á wɛ́ɛ kɛ́ ɲanyaabhaa lu le lánanya o lɔ Masedwanin ni Akayi yamaan ólu bɛ́ lɔ. 8Kɛ mansɔɔ, Mantii ó yɛ́ sáaninkan ŋo wɛɛ búubhɛɛ á fɛ́ yé kɛ táa fɔ́ɔ Masedwanin óni Akayi, óni o kwɔ, á yɛ́ lánanya o Ala la o kóman o wɛ́ɛ se ywáa bɛ́ lɔ. O le kósɔn, á tá lánanya o kóman tɛ́ án man bhée. 9Áa án myaan ɲán o mín man, mɔɔn oluu o bɛ́ bɛ́ lákɛɛ, óni á wɛɛ yɛ́ɛman kɛ sɔ́n Ala man ɲán o mín man, kɛ á yɛ́ sɔ́likɛfe ŋolu tó yé kɛ sɔ́n kɛ Ala ɲáanman o bháto, o min ŋé Ala bhɛ́ɛbhɛɛ o le. 10Kwáalenin, áa Ala dhyé ŋo le mankɔɔnnan, kɛ bhɔ sangboo lɔ, Ala é o mín nákuun kɛ bhɔ́ su olu cɛ́man, o míin Ɛnza ne, ale lé wɛ́ɛ án ngísi kɛ án mɔ́ Ala yɛ kíti nanta o kɔɔ.

Currently Selected:

1 Tesalonikika olu 1: MXX

Highlight

Copy