मत्ती 6
6
दान का बारा मा शिक्षा
(लूका 11:2-4)
1“सावधान रावा तुम लुखुं तैं दिखौणु कु अपड़ा भले का काम नि कैरा, नथिरी अपड़ा स्वर्गीय बुबा बट्टी कुछ भि प्रतिफल नि पैल्या।” 2इलै जब तुम दान कैरा त अपड़ा अगनैं तुरै बजै के दिखावा नि कैरा जन कपटि#6:2 एक आदिम जु नैतिक सदगुण या धर्म का झूठा दिखावा करदो च। यहूदियों का मिलणा का भवन मा अर गलियों मा करदींनि, इलै की ऊं लुखुं का द्वारा ऊं की प्रशंसा हो, मि तुम मा सच बुल्ण छौं कि उ अपड़ो प्रतिफल पै चुकि गैनी। 3पर जब तु दान कैर त तेरु दान गुप्त हो जु की लुखुं तैं भि पता नि हो। 4इलै की तेरु दान गुप्त रौ अर तब तेरु बुबा जु गुप्त मा दिखदो च त्वे तैं प्रतिफल दयाला।
परमेश्वर बट्टी प्रार्थना की शिक्षा
(लूका 11:1-4)
5जब तु पिता परमेश्वर बट्टी प्रार्थना कैर त कपटि का समान नि हो किलैकि लोग ऊं तैं देखि अर ऊंकी प्रशंसा कैरा इन ही यहूदियों का मिलणा का भवन मा अर सड़कों का मोडो पर खड़ो हवे के ऊं तैं परमेश्वर बट्टी प्रार्थना कन अच्छो लगदु, मि तुम मा सच बुल्ण छौं कि उ अपड़ो प्रतिफल पै चुकि गैनी। 6पर जब तु पिता परमेश्वर बट्टी प्रार्थना कैर त अपड़ी कोठरी मा जा अर द्वार बन्द कैर के अपड़ा परमेश्वर पिता बट्टी जु गुप्त म च जै तैं आज तक कैल नि देखि परमेश्वर बट्टी प्रार्थना कर और तब तेरु परमेश्वर पिता जु गुप्त मा बट्टी दिखद, त्वे तैं प्रतिफल दयालो।
7पिता परमेश्वर बट्टी प्रार्थना कन दफा अन्यजातियों का जन बबड़ट नि कर किलैकि उ समझदींनि कि ऊंका भौत बबड़ट कन ल परमेश्वर ऊंकी सुणलो। 8इलै तुम ऊं जन नि बंणा किलैकि तुमारो बुबा तुमारा मंगण से पैली ही जंणदो च कि तुमारी क्य जरूरत छिनी।
9इलै तुम इन कै पिता परमेश्वर बट्टी प्रार्थना कैरा करा,
हे हमारा बुबा तु जु स्वर्ग मा छै तेरु नौं पवित्र मणै जौ#6:9 लूका 11:2
10तेरु राज्य औ।
तेरी इच्छा जन स्वर्ग मा पूरी हूंदी च उन ही धरती पर भि पूरा हो।
11हम तैं आवश्यकता का अनुसार हमारी दिन भरै कि रुट्टि दे।
12और जनकै हम ल अपड़ा अपराधियों तैं माफ कैरी उन ही कै तू भि हमारा पापों तैं माफ कैर।
13अर हम तैं अजमैश मा नि लौ पर दुष्ट शैतान बट्टी बचौ किलैकि राज्य,
अर पराक्रम अर महिमा सदनी तेरी च। आमीन।
14“इलै जु तुम मनिख्युं का पाप माफ करिल्या जु उ तुमारा विरोध मा करदींनि त तुमारो बुबा जु स्वर्ग मा च उ भि तुमारा पाप माफ करलो।” 15अर जु तुम मनिख्युं का पापों तैं माफ नि करिल्या त तुमारो बुबा भि तुमारा पापों माफ नि करलो।
उपवास की शिक्षा
16“जब तुम उपवास कैरा त कपटि का जन तुमारा मुक पर उदासी नि छई रौ किलैकि उ अपड़ो मुक उदास बंणैके रखदींनि इलै की लोग ऊं तैं उपवासि जंणुनु अर लोग ऊकी प्रशंसा करूं मि तुम मा सच बुल्णु छौं कि उ अपड़ो प्रतिफल पै चुकि गैनी।” 17पर जब तु उपवास कैरी त अपड़ा मुंड पर तेल लगौ अर मुक धो। 18कि लोग न पर तेरु परमेश्वर पिता जै तैं तु देख नि सकदी, त्वे तैं उपवासी जांणो। ईं दशा मा तेरु परमेश्वर पिता जु गुप्त मा दिखद कि लोग न पर तेरु परमेश्वर पिता त्वे तैं प्रतिफल दयालो।
स्वर्ग मा धन कठ्ठा कन
(लूका 12:33-34; 11:34-36; 16:13)
19अफ कु धरती पर धन कठ्ठा नि कैरा जख कीड़ा अर कुरय्यो बिगड़दा छिन अर जख चोर सेंध लगौंदिनि अर चोरी करदींनि। 20पर भलै कैरी के स्वर्ग मा अफ कु प्रतिफल कठ्ठा कैरा जख न त कीड़ो अर न कुरय्यो बिगड़दो अर जख न चोर सेंध लगौंदिनि अर न चोरी करदींनि। 21किलैकि तेरु मन हमेशा उखि लग्युं रालो जख तेरु धन च।
देह कु दिवडों
22“आंखा देह कु दिवडा का जन च इलै जु तेरु आंखा खूब छिनी त तेरु सैरी देह भि उज्यलो होलो।” 23पर जु तेरु आंखा बुरा हूंनु त तेरु सैरी देह भि अंधेरो होलो इलै जु उज्यलो त्वे मा च जु अंधकार हो त उ अंधकार कन बड़ो होलो।
कै बात की चिंता नि कन
(लूका 12:22-34)
24कुई मनिख एक ही बगत पर द्वी स्वामियों कि सेवा नि कैरी सकद, किलैकि उ एक बट्टी बैर अर दुसरा बट्टी प्रेम रखलो या एक कु ईमानदार रालो अर दुसरा तैं तुच्छ जंणुलो तुम परमेश्वर अर धन दियूं कि सेवा नि कैरी सकदां।
25इलै मि तुम मा बुल्णु छौं कि हर रोज यु चिंता नि करयां कि हम क्य खौला अर क्य प्यूला अर न अपड़ा देह कु कि क्य पैरुला क्य प्राण खांणु से अर देह कपड़ोंं से बढ़ि के नि च? 26आसमान का चलखुडों तैं देखा उ न त बुतदा छिनी अर न लौंदा छिन करदींनि अर न अपड़ा खलियन मा बटोरदिन फिर भि तुमारो स्वर्गीय बुबा ऊं तैं खिलांदु च सच मा तुम चखलो बट्टी भि बढि कै छा। 27तुम मा बट्टी कुई भि चिंता कैरी कै अपड़ा जीवनकाल म एक छुटा छण तैं भि नि बढ़ै सकद।
28“कपड़ा कु किलै चिन्ता करदां? एकांत जंगली फूलों पर ध्यान कैरा कि उ कन कै बड़दिन उ न त मेहनत करदींनि न कपड़ा बणौ दींनि।” 29तब भि मि तुम मा बुल्ण छौं कि राजा सुलैमान भि अपड़ी सैरी धन दौलत मा बट्टी कैका जन भि कपड़ा पैरदो नि छो। 30इलै जब परमेश्वर जंगली घास तैं इन बड़ौदूं कि ज्वा आज च अर भोल आग मा झोंके जालि सुन्दर कपड़ा पैरान्दो, त हे अल्पविश्वासियों, जरुर तुम्हरी भि देखभाल करलो।
31“इलै तुम चिन्ता कैरी कै इन नि बुल्यां कि हम क्य खौला य क्य प्यूला या क्य पैरुला।” 32किलैकि अन्यजाति का लोग यूं सभि चीजों कि खोज मा रौदींनि पर तुमारो स्वर्गीय बुबा जंणदु च कि तुम तैं यूं सभि चीजों कि जरूरत च इलै चिंता नि करयां। 33इलै पैली तुम परमेश्वर का राज्य अर धर्मी जीवन जींण की कोशिश कैरा त यु सभि चीज तुम तैं मिली जालि।#6:33 लूका 12:31 34त भोल का बारा मा चिन्ता नि कैरा आज कु आज को दुःख भौत च।
Currently Selected:
मत्ती 6: GHMNT
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
Garhwali New Testament(गढवली नयो नियम), 2020 by The Love Fellowship is licensed under a Creative Commons Attribution-ShareAlike 4.0 International License.