यूहन्ना 20
20
खाली कब्र
(मत्ती 28:1-10; मरक 16:1-8; लूका 24:1-12)
1इतवार की सुबेर मा मरियम जु मगदल गौं की छै सुबेर अंधेरो ही छो कब्र मा ऐ, अर ढुंगा तैं कब्र का प्रवेश द्वार बट्टी वीं ल हटियूं देखि। 2तब व दौड़ि कै शमौन पतरस अर वे दुसरा चेला मा गै जै तैं यीशु प्रेम रखदु छो वीं ल ऐ के बोलि, “उ प्रभु की देह तैं कब्र मा बट्टी निकली के ली गैनी; अर हम नि जंणदा, कि वे तैं कख रखि।” 3तब पतरस अर उ हैंको चेला निकली के कब्र जनै चलि गैनी। 4उ द्वी दगड़ी दगड़ा दौड़णा छा पर दुसरा चेलों ल पतरस से भि तेज दौड़ि कै कब्र पर पैली पौंछि गै 5अर झुकि कै भितर कफन पुड़यूं देखि पर उ भितर नि गै। 6तब शमौन पतरस वेका पिछनै-पिछनै पौंछि अर कब्र का भितर गै अर कफन पुड़यां देखि 7अर चेहरा पर लपेटियूं अँगोछा जु वेका मुंड पर बंधयूं छो कपड़ोंं का दगड़ी नि छो पर अलग हैंकी जगह मा लपेटी कै धरयूं छो। 8तब हैंको चेला भि जु कब्र पर पैली पौंछि छो भितर गै अर देखि कै विश्वास कैरी की यीशु मुर्दों मा बट्टी जी उठि गै। 9परमेश्वर का वचन मा यीशु का बारा मा यु निश्चित रूप बट्टी लिखै गै छो की उ मुरण बट्टी फिर ज्यूँदो हवे जालो, पर उ अभि तक यां तैं समझ नि पै छा।#20:9 भज. 16:10 10तब यु चेला अपड़ा घौर लौटि गैनी।
मरियम मगदलीनी तैं दर्शन
(मरक 16:9-11)
11पर मरियम जु मगदल गौं की छै रूंणी छै अर उखि कब्र का नजदीक खड़ी रै अर रुंदि-रुंदि कब्र जनै झुकि छै 12द्वी स्वर्गदूतों तैं उज्यला कपड़ा पैर्यां छा एक तैं सिरांणा अर दुसरा तैं पैथणा बैठयूं देखि, जख यीशु कु शव रखै गै छो। 13स्वर्गदूतों ल ऊंकु बोलि, “हे नारी तु रूंणी किलै छै” मरियम ल ऊंमा बोलि, “उ मेरा प्रभु की देह तैं उठै के ली गैनी अर मि तैं पता नि च कि उ कख रख्यां छिन।” 14इन बोलि के व पिछनै फरकि अर यीशु तैं खड़ो देखि पर नि पच्छयांणी कि यु यीशु च। 15यीशु ल वीं कु बोलि, “हे नारी तु रूंणी किलै छै” तु कै तैं खुज्यांणि छै वीं ल ऊं मालि समझी के बोलि, “हे श्रीमान, जु तिल वेकी देह तैं उठै येलि त मि बट्टी बोलि, की वे तैं कख रख्युं च अर मि वे तैं लिजौलु।” 16यीशु ल वीं कु बोलि, “मरियम”मरियम जु मगदल गौं की छै अपड़ो नौं सूंणि के पिछनै मुड़ी अर इब्रानी भाषा मा बोलि, रब्बूनी “गुरु जी।” 17यीशु ल वीं कु बोलि, मेरा खुट्टों मा लिपटै कै मि तैं नि रोक किलैकि मि अब तक बुबा मा मथि नि गौं पर विश्वासी भयों मा बोलि दे कि मि अपड़ा बुबा अर तुमारा बुबा अर अपड़ा परमेश्वर अर तुमारा परमेश्वर मा मथि जांणु छौं। 18मरियम जु मगदल गौं की छै वीं जै के चेलों तैं बतांण लगि गै “मिल प्रभु तैं देखि अर ऊंल मि बट्टी यु-यु बात बुलिनि।”
चेलों का बीच मा यीशु कु प्रगट हूंण
19वे इतवार कि शाम कु जब वेका द्वार जख चेला छा सब चेला एक दगड़ी कठ्ठा हुयां; ऊंल द्वार बंद करयां छा किलैकि उ यहूदियों का अगुवों बट्टी डरयां छा। तब यीशु ऐ अर बीच मा खड़ो हवे की ऊंमा बोलि, “तुम तैं शान्ति मिलो।” 20अर इन बोलि, वेल ऊं तैं अपड़ा हथों अर पंणकोखि का घाव दिखैनी; तब चेला प्रभु तैं देखि के आनन्दित हवेनि। 21यीशु ल फिर ऊंकु बोलि, “तुम तैं शान्ति मिलो; जै तरपां पिता परमेश्वर ल मि तैं दुनिया मा भेजि, ऊंल ही मि भि तुम तैं दुनिया मा भिजणु छौं।” 22इन बोलि के ऊंल ऊं पर फूंक मारि अर ऊंकु बोलि, “पवित्र आत्मा ल्या।” 23जौं का पाप तुम माफ करिल्या उ ऊंकु माफ करयां छिन जौं का तुम रखिल्या उ रखे गैनी।
दिखण अर विश्वास कन
(मत्ती 28:16-20; मरक 16:14-18; लूका 24:36-49)
24पर बारह चेलों मा बट्टी एक आदिम बल्कि थोमा जु दिदुमुस कहलांद छो जब यीशु ऐ त वेका दगड़ा म छो। 25जब अर चेला वेको बुल्ण लगि गै, “हम ल प्रभु तैं देखि।” तब वेल ऊंमा बोलि, “जब तक मि वेका हथों मा कील्युं का घाव नि देखलु, अर कील्युं का घावों मा अपड़ी अंगुली नि डललु, अर वेकी पंणकोखि मा अपड़ो हथ डाली कै नि देखू तब तक विश्वास नि करुलु की उ मुर्दों मा बट्टी जी उठि गै।” 26आठ दिनों का बाद ऊंका चेला घौर का भितर छा अर थोमा भि ऊंका दगड़ा छो अर द्वार बंद छा। तब यीशु ऐ अर ऊंका बीच मा खड़ो हवे के बोलि, “तुम तैं शान्ति मिलो।” 27तब वेल थोमा कु बोलि, “अपड़ी अंगुली इख लौ अर मेरा हथों तैं देख अर अपड़ो हथ बढ़ै के मेरी पंणकोखि पर डाल अर सन्देह कन बंद कैर, पर विश्वास कैर की मि मुर्दों मा बट्टी ज्यूँदो हवे ग्यों।” 28यु सूंणि कै थोमा ल जवाब दींनि, “हे मेरा प्रभु, हे मेरा परमेश्वर।” 29यीशु ल वेकु बोलि, तिल त मि तैं देखि कै विश्वास कैरी पर धन्य छिन उ, जौं ल मि तैं नि देखि पर फिर भि विश्वास कैरी।
य किताब यूहन्ना ल किलै लिखीं
30यीशु ल और भि भौत सैरा चमत्कार चेलों का संमणी दिखैनी, जु ईं (चाम्रपत्र) किताब मा नि लिख्यां छिन। 31पर यु बात जु लिखीं छिनी उ इलै लिखीं छिनी कि तुम विश्वास कैरी सक्यां कि यीशु ही परमेश्वर कु नौंनो मसीह च अर वे पर विश्वास कैरी कै वेका नौं बट्टी अनन्त जीवन पावा।
Currently Selected:
यूहन्ना 20: GHMNT
Highlight
Share
Copy
Want to have your highlights saved across all your devices? Sign up or sign in
Garhwali New Testament(गढवली नयो नियम), 2020 by The Love Fellowship is licensed under a Creative Commons Attribution-ShareAlike 4.0 International License.
