यूहन्ना 18
18
बगीचा मा यीशु कु पकड़ै जांण
(मत्ती 26:47-56; मरक 14:43-50; लूका 22:47-53)
1जब यीशु ल परमेश्वर बट्टी प्रार्थना कन खत्म कैरी य अपड़ा चेलों का दगड़ी किद्रोनं घाटी तैं पार कैरी। वीं जगह पर एक बगीचा छो अर उ वेका भितर गैनी। 2ऊंको पकड़वाण वलो यहूदा भि वीं जगह जंणदु छो किलैकि यीशु उख अपड़ा चेलों का दगड़ी जांणा रौंदा छा। 3तब यहूदा सिपैयूं का दल अर प्रधान याजक, फरीसियों का भिज्यां मनिख्युं तैं लै के हथों मा उज्यला का रांको लालटिनु अर तलवार अर लाठा लै के ऐनी। 4तब यीशु ऊं बातों तैं जांणि कै जु ऊं पर आंण वलि छै उख बट्टी निकलीनि अर ऊं मनिख्युं मा पूछि “कै तैं खुजांणा छा” 5ऊंल यीशु तैं जवाब दे, “नासरत नगर का यीशु तैं।” यीशु ल वेकु बोलि, “मि ही यीशु छों।” अर वेको पकड़ाण वलो यहूदा भि ऊंका दगड़ा खड़ो छो। 6यीशु का इन बुल्द ही, “मि छो” उ पिछनै हटि कै भूमि मा लमडी गै। 7तब यीशु ल ऊं तैं फिर पूछि “तुम कै तैं खुजांणा छा।” ऊंल बोलि “नासरत नगर का यीशु तैं।” 8यीशु ल ऊं तैं जवाब दे, “मिल तुम कु बोलि कि मि उ ही छौं।” 9इन इलै हवे कि यीशु ल जु पैली बोलि छो उ सच हवे जौं, “जौं तैं तिल मि तैं दींनि वेमा बट्टी मिल एक तैं भि नि ख्वे।” 10तब शमौन पतरस ल अपड़ी तलवार खींचि के महायाजक का दास पर चलै की, वेको दैंणो कंदूड़ काटि दींनि वे दास कु नौं मलखुस छो। 11तब यीशु ल पतरस कु बोलि, “अपड़ी तलवार तैं दूर कैर। काठी मा रख। जु कटोरा बुबा ल मि तैं दे क्य मि वे तैं नि प्यों”
हन्ना का संमणी यीशु
12तब सैनिको ल अर ऊंका सुबदार ल अर यहूदियों का सिपाहियों ल यीशु तैं पकड़ी के बंधि दींनि 13अर पैली ऊं तैं हन्ना मा ली गैनी किलैकि उ हन्ना वे साल को महायाजक कैफा कु ससुर छो। 14यु उ ही कैफा छो जैल यहूदियों तैं सलाह द्ये छै कि हमारा लुखुं कु एक मनिख को मुरण अच्छो च।
पतरस को यीशु तैं पैछनण बट्टी इन्कार
(मत्ती 26:69-70; मरक 14:66-68; लूका 22:55-57)
15शमौन पतरस अर एक हैंको चेला भि यीशु का पिछनै हवे गै। यु चेला महायाजक का जांण पछयांण कु छो इलै उ यीशु का पिछनै प्रधान याजक का चौक तक चलि गै 16पर पतरस भैर द्वार पर ही खड़ो रै। तब उ हैंको चेला जु महायाजक को जंणयूं पच्छयणु छो भैर ऐ अर द्वार कि चौकिदानि बट्टी बोलि, कि पतरस तैं भि भितर लै गै। 17वे तैं जु द्वार पर नियुक्त दासि छै, पतरस बट्टी बोलि, “क्य तू भि ये मनिख का चेलों मा बट्टी छै” वेल बोलि, “मि नि छौं।” 18प्रधान याजक अर मन्दिर का रखवला ठण्ड का कारण कुईला धधकै खड़ा आग तपणां छा अर पतरस भि ऊंका दगड़ा आग तपणु छो।
महायाजक का संमणी यीशु
(मत्ती 26:59-66; मरक 14:55-64; लूका 22:66-71)
19तब महायाजक यीशु मा ऊंका चेलों का बारा मा अर ऊंका उपदेश का बारा मा पूछताछ कैरी। 20यीशु ल वे तैं जवाब दे “मिल सभि तैं खुलि कै सभियूं का संमणी बात कैरी; मिल यहूदियों का मिलणा का भवन मा अर यरूशलेम शहर का मन्दिर मा जख सभि यहूदी कठ्ठा हूंदा छिनी हमेशा उपदेश कैरी अर उ गुप्त मा कुछ भि नि बोलि। 21तु मि बट्टी यु सवाल किलै पुछणी छै? सुनण वलो बट्टी पूछ की मिल ऊंमा क्य बोलि? देख उ जंणदा छिन; कि मिल क्य-क्य बोलि।” 22जब यीशु ल इन बोलि त मन्दिर का रखवलों मा बट्टी एक ल जु संमणी खड़ो छों यीशु पर छकड़ मारि के बोलि, क्य तु महायाजक तैं इन कै जवाब दींणि छै?#18:22 लूका 22:63, मीका 5:1 23यीशु ल वे तैं जवाब दे “जु मिल बुरो बोलि, त मेरी बातों तैं साबित कैर, कि यु की छो; पर जु भलो बोलि, त मि तैं किलै मरदी छै?” 24यीशु अभि भि बंधियुं छों, अर हन्ना ल वे महायाजक कैफा मा भेजि दींनि।
पतरस कु यीशु तैं पैछनण बट्टी इन्कार
(मत्ती 26:71-75; मरक 14:69-72; लूका 22:58-62)
25शमौन पतरस खड़ो हवे कै आग तपणु छो तब वेका दगड़ी खड़ा लुखुं ल पतरस तैं पूछि, “कखि तू भि वेका चेलों मा बट्टी त नि छै” वेल इन्कार कैरी कै बोलि, उ मि नि छौं। 26महायाजक का नौकरों मा बट्टी एक ल जु वेका कुटुंब बट्टी छो जैकु कंदूड़ पतरस ल काटि छो वेल बोलि, “क्य मिल त्वे तैं यीशु दगड़ा सगोड़ा मा नि देखि छो?” 27पतरस ल फिर इन्कार कैरी दींनि अर वे बगत मैर ल बांग दे दींनि।
यीशु तैं पिलातुस का संमणी लिजांण
(मत्ती 27:1-2; 11-31; मरक 15:1-20; लूका 23:1-25)
28अर यहूदी लोग यीशु तैं कैफा का संमणी बट्टी य रोमी राज्यपाल, पिलातुस का महल कु ली गैनी अर सुबेर कु बगत छो, पर उ अफी किला का भितर नि गै जु वेमा बट्टी कुई भि भितर जांदु, त उ अशुद्ध हवे जांदु अर वे तैं फसह को भोज नि खै सकदा छा। 29तब पिलातुस ऊंका संमणी भैर ऐ अर वेल बोलि, “तुम यु मनिख पर क्य कु भंगार लगांणा छा?” 30ऊंल वे तैं जवाब दींनि, “जु उ कुकर्मी नि हूंदो त हम वे तैं त्वे मा नि लौंदा।” 31पिलातुस ल ऊंकु बोलि, “तुम ही यु तैं लिजै कै अपड़ी व्यवस्था का अनुसार वेको न्याय कैरा।” यहूदियों का अगुवों ल वेमा बोलि, “हम मा कै तैं मनों को कुई अधिकार नि च की कैका प्राण लै।” 32यु इलै हवे कि यीशु कि व बात पूरी हवे जु वेल यु दिखै के बोलि, की वे ढंग से मरलु। 33तब पिलातुस फिर रोमी गवर्नर, पिलातुस का महल का भितर गै अर यीशु तैं महल का भितर बुलै, वे तैं पूछि, “क्य तु यहूदियों कु राजा छै?” 34यीशु ल पिलातुस तैं जवाब दींनि “क्य तु यु बात अपड़ी तरपां बट्टी बुल्णी छै य और मेरा बारा मा त्वे कु बोलि।” 35पिलातुस ल जवाब दींनि, “तु जंणदी छै की मि यहूदियों बट्टी नि छों? तेरी ही जाति अर प्रधान याजक ल त्वे तैं मेरा हथ सौंपी, तिल क्य कैरी?” 36यीशु ल जवाब दे, “मेरू राज्य यु जगत कु नि, जु मेरू राज्य यु जगत कु हूंदो त मेरा चेला लड़दा, कि मि यहूदियों का अगुवों का द्वारा गिरफ्तार नि कैर जांदु पर अब मेरू राज्य इखौ नि च।” 37पिलातुस ल ऊंकु बोलि, “त क्य तु राजा छै” यीशु ल जवाब दे, “तु बुल्णी छै, कि मि राजा छौं; मेरू जन्म लींण अर जगत मा आंणो कु कारण यु च की मि सचै का बारा मा सिखै साको। सचै कु पालन कन वला सब मेरी बातों तैं मणदा छिन।”#18:37 1 यूह. 4:6 38पिलातुस ल ऊंमा बोलि, “सचै क्य च?” अर इन बोलि के उ फिर यहूदियों का अगुवों मा निकली गै अर वेल बोलि, “मि त वेमा कुछ भि भंगार नि पांदु।
यीशु या बरअब्बा
39पर तुमारी या रीत च कि मि फसह का त्यौहार का खातिर तुम कु एक मनिख तैं छोड़ी द्यों त पिलातुस ल ऊं तैं बोलि, क्य तुम चदयां कि मि तुम कु यहूदियों का राजा तैं छोड़ी द्यों” 40तब सभि मिल कै चिलांण लगि गैनी, “यीशु तैं छुड़णा का बदला बरअब्बा तैं छोड़ी द्ये।” अर बरअब्बा एक डाकु छो।
Currently Selected:
यूहन्ना 18: GHMNT
Highlight
Share
Copy
Want to have your highlights saved across all your devices? Sign up or sign in
Garhwali New Testament(गढवली नयो नियम), 2020 by The Love Fellowship is licensed under a Creative Commons Attribution-ShareAlike 4.0 International License.
