प्रेरितों के काम 16
16
पौलुस अर तीमुथियुस
1फिर उ दिरबे अर लुस्त्रा द्वी शहरों मा भि गै अर देखा उख तीमुथियुस नौं को एक चेला छो जु कैं विश्वासी यहूदिनी कु नौंनो छो पर वेको बुबा यूनानी अन्यजाति देश को छो। 2उ लुस्त्रा शहर अर इकुनियुम का विश्वासी भयों मा सुनाम छो। 3पौलुस ल चै कि तीमुथियुस मि दगड़ी चलो। वेको बुबा एक यूनानी#16:3 यूनानी लोग खतना की रीति तैं नि मणदींनि, पौलुस ल तीमुथियुस को खतना कैरी कि उख यहूदी वे तैं स्वीकार कैरा अन्यजाति को छो अर पौलुस ल तीमुथियुस को खतना कैरी किलैकि वीं जगह का यहूदी वे तैं स्वीकार कैरी साका।#16:3 4पौलुस अर वेका दगड़िया शहर-शहर जांदी बगत ऊं विधियों तैं जु यरूशलेम शहर का प्रेरितों अर पुरणा अगुवों ल ठैरयीं छै, मनणु कु अन्यजाति विश्वासियों तैं पौंछांदी जांदा छा। 5इन कै मण्डलि का लोग विश्वास मा मजबूत हूंदी गैनी अर गिणती मा दिनौ दिन बढ़दी गैनी।
पौलुस तैं दर्शन
6अर उ फ्रूगिया प्रदेश अर गलातिया का प्रदेश बट्टी हवे के गैनी, अर पवित्र आत्मा ल ऊं तैं एशिया प्रान्त मा वचन सुनांण से मना कैरी। 7अर ऊंल मूसिया प्रान्त का नजीक पौंछि, के बितूनिया प्रान्त मा जांणै की कोशिश कैरी पर यीशु की आत्मा ल ऊं तैं जांण नि दींनि। 8तब उ मूसिया प्रान्त बट्टी हवे के बंदरगाह वला शहर त्रोआस मा ऐ। 9अर पौलुस ल राती एक दर्शन देखि की एक मकिदुनिया प्रान्त का रौंण वला एक आदिम खड़ो हुयुं, वेमा बिनती कैरी के बोलि छों “समुद्र का पार उतरी कै मकिदुनिया प्रान्त मा ऐ, अर हमारी मदद कैर।” 10पौलुस का यूं दर्शन देखदी ही हम ल झट मकिदुनिया प्रान्त जांणै की योजना बंणै, इन समझी कै कि परमेश्वर ल हम तैं ऊं तैं शुभ सन्देश प्रचार सुणौंणु कु बुल्युं च।
फिलिप्पी शहर मा पौलुस
11इलै की त्रोआस शहर बट्टी जहाज खोलि के जलमार्ग द्वारा हम सीधा सुमात्राके द्वीप अर दुसरा दिन नियापुलिस बंदरगाह मा अयां। 12उख बट्टी हम मकिदुनिया प्रान्त का फिलिप्पी शहर पौंछयां जु रोमियों की बस्ति कु खास नगर च। अर हम वे नगर मा कुछ दिन रयां। 13यहूदियों को विश्राम को दिन हम नगर का द्वार का भैर गाड का छाला यु समझी के ग्यां कि इख यहूदियों कु प्रार्थना की जगह हवेलि। अर बैठी कै ऊं जननियों बट्टी जु कट्ठा हवे छा बात कन लगि गैनी। 14अर लुदिया नौं एक थुआतीरा शहर की बैंगनी कपड़ा बिचण वली जु प्रभु परमेश्वर की एक भक्त छै जु ध्यान से सुनण छै, अर प्रभु ल वीं का मन तैं खोलि इलै की पौलुस की बातों पर ध्यान लगौ। 15अर जब वीं ल अपड़ी कुटुम्दारी समेत बपतिस्मा लींनि त वीं ल बिनती कैरी कि जु तुम मि तैं प्रभु की विश्वासी समझदा छा त चला अर मेरा घौर मा रावा अर व हम तैं मणै के ली गै।
दुष्टात्मा बट्टी छुटकारो
16एक दिन जब हम पिता परमेश्वर बट्टी प्रार्थना कने जगह मा जांणा छा त हम तैं एक दासी मिली, जैं पर एक इन दुष्टात्मा छै, जै की मदद ल उ भविष्य प्रकट कैर दींदी छै, अर इन कै व अपड़ा स्वामियों कु भौत कुछ कमै कै लांदी छै। 17व पौलुस अर हमारा पिछनै ऐ के चिलांण लगि गै, “कि यु मनिख परमप्रधान परमेश्वर पिता का दास छिनी, उ हम तैं बतांणा छिनी की कनके उद्धार हवे सकद।” 18व भौत दिन तक इन ही करदी रै, पर पौलुस दुखी हवे, अर मुड़ी के वीं दुष्टात्मा बट्टी बोलि, “मि त्वे तैं यीशु मसीह का नौं से आज्ञा दींदु, कि वीं बट्टी निकली जा अर व आत्मा तुरंत निकली गै।” 19जब वीं का स्वामियों ल देखि कि हमारी कमै कि आस जांणि च त पौलुस अर सिलास तैं पकड़ी के चौक मा प्रधानों मा खैंचि के लैनी। 20अर ऊं तैं रोमी न्यायाधीश मा लिजै के बोलि, “यु लोग जु यहूदी छिनी हमारा शहर मा भरि उधम मचाणां छिनी।#16:20 21अर इन बात बतांणा छिनी जै तैं अपनौंण या मनणु हम रोम शहर मा रौंण वलो कु ठिक नि च।”
पौलुस अर सिलास बन्दीगृह मा
22तब भीड़ बट्टी लोग पौलुस अर सिलास खिलाफ मा कट्ठा हवे के ऐनी, अर राज्यपालों ल ऊंका कपड़ा फाड़ी के उतारी दींनि, अर ऊं पर बेत मरणै की आज्ञा दींनि। 23अर भौत बेत मारि के ऊं तैं जेल मा डाली अर दरोगा तैं आज्ञा दींनि कि ऊं तैं सम्भालि के रखयां। 24वेल इन आज्ञा पै के ऊं तैं भितरा खण्ड मा रखि अर ऊंका खुटा तैं लखड़ो का बेड़ियों मा जकड़ी दींनि।
पौलुस अर सिलास कु बन्दीगृह बट्टी छुटकारो
25अधा राती का लगभग पौलुस अर सिलास पिता परमेश्वर बट्टी प्रार्थना करदी अर परमेश्वर का भजन गाणा छा, अर कैदी ऊंकी सुनणा छा। 26त इथग मा अचानक बड़ो भ्वींचलु हवे, इख तक कि जेल कि बुनियाद हिली गै, अर चम सभि द्वार खुली गैनी; अर सभियूं का बन्दखण भि खुली गैनी। 27अर दरोगा बिजि गै, अर जेल का द्वार खुल्यां देखि के समझी कि कैदी भाजि गैनी, त वेल तलवार खैंचि के अफ तैं मरणु कु तैयार हवे गै। 28पर पौलुस ल जोर से चिल्लै कै बोलि, कि “अफ तैं कुई नुकसान नि पौंछो, किलैकि हम सभि इखि छा।” 29तब उ दिवडा मंगवै के दौड़ि के भितर ऐ अर डरदि, कौंपदी पौलुस अर सिलास का खुट्टों मा पोड़ी गै।
दरोगा कु हृदय बदलण
30अर ऊं तैं भैर लै के बोलि, “हे सज्जनों उद्धार पांणु कु अर बचणु कु मि क्य कैरू” 31ऊंल बोलि “प्रभु यीशु मसीह पर विश्वास कैर त तु अर तेरी कुटुम्दारी उद्धार पालि अर बची जाली।” 32अर ऊंल वे तैं अर वेका घौर का सभि लुखुं तैं प्रभु को वचन सुणै। 33अर राती को तुरंत वेल ऊं तैं लिजै के ऊंका घाव ध्वैनि अर वेल अपड़ा सभि लुखुं समेत झट बपतिस्मा लींनि। 34वेल ऊं तैं झट अपड़ा घौर लिजै के ऊंका अगनैं खांणु रखि अर सैरी कुटुम्दारी समेत परमेश्वर पर विश्वास कैरी के उ सभि भौत आनन्दित छा। 35दुसरी सुबेर तब रोमी न्यायधीश ल दरोगा कु सिपैयूं द्वारा संदेश भेजि, कि ऊं मनिख्युं तैं छोड़ी द्या। 36दरोगा ल यु बात पौलुस तैं सुणैनी कि न्यायधीश ल तुम तैं छोडणै कि आज्ञा भेजेले त अब निकली के शान्ति से चलि जावा। 37पर पौलुस ल ऊंकु बोलि, “रोम शहर का रौंण वला छा भंगारी नि हूंण पर भि लुखुं का संमणी मारि अर जेल मा डाली दींनि, अर क्य अब उ हम तैं सुरुक कै निकलण चांणा छिनी? इन कै न पर उ खुद ऐ के हम तैं भैर लिजौनु।” 38जब सिपैयूं ल यूं बातों तैं रोमी न्यायधीश तैं बतै दींनि, अर उ यु सूंणि के कि उ रोमी छिनी उ डैरी गैनी। 39अर ऐ के वे बट्टी माफी मांगी, अर जेल बट्टी भैर लिजै के बिनती कैरी, कि नगर बट्टी चलि जा। 40उ जेल बट्टी निकली के लुदिया का इख गैनी, विश्वासी भयों से भेंट कैरी के ऊं तैं शान्ति दींनि, अर चलि गैनी।
Currently Selected:
प्रेरितों के काम 16: GHMNT
Highlight
Share
Copy
Want to have your highlights saved across all your devices? Sign up or sign in
Garhwali New Testament(गढवली नयो नियम), 2020 by The Love Fellowship is licensed under a Creative Commons Attribution-ShareAlike 4.0 International License.
