Romanos 13

1Zhãrã jõma nokꞌorã edre bꞌeaudua. Nokꞌora Daizezeba bꞌʉdꞌa ẽãrã ne ẽã, aramaʉ̃ne zhi bꞌʉra Daizezeba bꞌʉdꞌata bꞌʉa. 2Mawũẽ nokꞌoba jarabʉrʉta aribꞌae ẽãrã, Daizezeba bꞌʉdꞌata aribꞌae ẽã. Mawũã aribꞌaedꞌa ẽãrã ãzhi nokꞌoba kꞌawua oya. 3Nokꞌorã duanu ẽã biata obꞌʉ perabiita, awuarabʉrʉ bꞌea bia ẽãta obꞌʉ perabiita. ¿Nokꞌorã wawi ẽã bꞌa krĩña bꞌʉka? Mobera biata odua, mawũãrã bʉra bia jaradꞌaya ãzhara. 4Nokꞌorã Daizezebara izhi nezokꞌarã kĩrãkꞌa bꞌʉsia bʉ biaitabemata. Mawũãmina bʉa bia ẽãta ora wawiarua. Bari nokꞌota chubꞌe ẽã, Daizezebara izhi nezokꞌarã kĩrãkꞌa bꞌʉsia zhãrã sãwũã oi bꞌʉdꞌe odꞌamarẽã, pua kꞌawua odꞌamarẽã bia ẽãta obꞌʉra. 5Maʉ̃ba nokꞌorã edre bꞌaibara, pua kꞌawua odꞌa ẽbamarẽã mawũã bꞌaidꞌe bꞌʉ ẽã, awuarabʉrʉ mawũã bꞌaidꞌe bꞌʉa mawũãrã bigata kꞌawua bꞌʉba. 6Maʉ̃ba mazha ne erubꞌʉbari nokꞌorã plata diabadata dia bꞌea, aramaʉ̃ne nokꞌorã Daizezebara izhi nezokꞌarã kĩrãkꞌa bꞌʉdꞌaba baridua maʉ̃ne bꞌea.

7Jõmaʉ̃ã diaudua marãba diaita bꞌʉra: Ne erubꞌʉbari nokꞌorã plata diaita bꞌʉra diauduaa. Drua ãĩba ne webʉrʉbari nokꞌorã plata diaita bꞌʉra diaudua. Wawiaita bꞌʉra wawiaudua. Zhi zromane edaita bꞌʉra zhi zromane edaudua.

8Zhãrãã deweta bꞌearãũdua miã kꞌãrẽne. Awuarabʉrʉ dewedꞌe bꞌeaudua zhiya kʉãgꞌaita. Zhãrã kʉãgꞌa bꞌʉbara aribꞌae bꞌʉa Moisé ũrãgꞌata. 9Maʉ̃ẽnabemata mawũã bꞌʉa: Kĩma ẽãta erukꞌãĩrãrũã, miã bearãrũã, nezrʉgarãrũã, sewa nebʉrʉrãrũã, ne zhãrãne krĩñarãrũã. Maʉ̃ta, baridu ũrãgꞌa awʉrʉta jõma aribꞌaeidꞌebema mawũã bꞌʉa: Bʉzhi zhãrã kʉãgꞌarua bʉzhi kĩrãkꞌa. 10Kʉãgꞌabara zhãrã bĩ ẽã o ẽã. Mawũẽ Moisé ũrãgꞌara aribꞌae nʉmaña zhãrã kʉãgꞌa bꞌʉba.

11Maʉ̃ta aribꞌae bꞌeaudua, ewari sãwũã nʉmʉta kꞌawua bꞌedꞌebara dazhirã ya piradrʉdꞌaibara kꞌãĩ bꞌera. Idꞌibai dazhirã ẽdrʉira audre kꞌaita basia Jesúsdꞌebema dazhirãba ĩjãnata nʉmʉnebara. 12Diamase nʉmʉta ʉ̃nadrʉ bodꞌo kĩrãkꞌa ẽdrʉi ewarira kꞌaita basia. Maʉ̃ba bia ẽãta pãrĩguadꞌebemata obadara idu bꞌʉdꞌaya, bia ẽã ũme zhõĩta soldaorã kĩrãkꞌa ne jʉ̃bʉdara biata oita jʉ̃naña ʉ̃nanebemata. 13Ewaridꞌe bꞌe kĩrãkꞌa kĩrãẽpa bꞌeaya. Fiestadꞌe beu bꞌea ẽã, kĩma ẽãta erukꞌãĩ bꞌea ẽã, dazha krĩñane bꞌea ẽã, zhõ bꞌea ẽã, zhãrãba ne erubꞌʉ kꞌarea bĩ ẽã bꞌea ẽã. 14Awuarabʉrʉ Nokꞌo Jesucristo kĩrãkꞌa bꞌeba orãũdua zharaba krĩñata.

Currently Selected:

Romanos 13: cto

Highlight

Copy