uLuuka Uvhwandilo
Uvhwandilo
Ikalaata ili lyásimviilwe nu Luuka we ásimvile ikalaata ilya Mbombo izya Vhatumwa. ULuuka atáamile Muyuuda, áamile Muyunaani umusambiilile we áali Muchilisiti. Ahavhaliilizyo hamo ahajendaga pooka nu Paavhuli kulumbiilila Izwi iLyinza. Mwi ikalaata ili uLuuka akulondovhola imbombo izya Yeesu ku luvhaatiho ulwinza, inga avhantu vhe te Vhayuuda vhamanye.
Mwi ikalaata ili ziliipo inongwa inyinji zye zitasimviilwe mu makalaata aganji aga Lufingwi uLupwa, inza kupaapwa ukwa Yoohani uMwozyi nu kupaapwa ukwa Yeesu ni nongwa zyakwe izya vhunsi nu kulumbiilila ukwa Yoohani uMwozyi. Havhili akulolesya vwe shili ishikunzi isha Mulungu ku vhantu avha mavhiila mu mavhiila. UYeesu alolesiizye ishikunzi isho kwi idala ilya viholanyo inza ipangwi ilya Musamaliya umwinza (ulutuulo ulwa 10), nu mwana we áteezile (ulutuulo ulwa 15), na kwi idala ilya kutendama ahinza nu musonchezya musonko we avhantu vhámuvitiliilwe nkaani (ulutuulo ulwa 19) nu kufinga kuumupa uvhulanzi uvhwa shiima umutalamalandu we áhomeliilwe pa shihovhenkanyo (ulutuulo ulwa 23).
Zye zili mwi ikalaata ili
Amazwi aga vhwandilo 1:1-4
Kupaapwa ukwa Yeesu nu vhunsi vhwakwe 1:5--2:52
Imbombo iya Yoohani uMwozyi nu kulingwa ukwa Yeesu 3:1--4:13
UYeesu akusambiilizya izya vhumwene uvhwa Mulungu nu kuvhomba amafindango mu Galilaaya 4:14--9:50
UYeesu akusambiilizya inyinji kuzya vhe vhakumulandata, lwe ali mwi idala kusogola ku Yelusaleemu 9:51--19:27
UYeesu akwinjila mu Yelusaleemu nu kusambiilizya izya nsiku izya kumpeleela 19:28--21:38
Kufwa ukwa Yeesu 22:1--23:56
Kuzyuha ukwa Yeesu 24:1-53
Currently Selected:
uLuuka Uvhwandilo: nih
Highlight
Share
Copy
Want to have your highlights saved across all your devices? Sign up or sign in
© 2021 Wycliffe Bible Translators, Inc.