मरकुस 10
10
लोग अन लुगई ने छोड़बा का बारा में उपदेस
(मत्ती 19:1–12; लूका 16:18)
1पछे ईसू वीं जगाँ ने छोड़ दिदी अन यहूदियाँ का हिमाड़ा में यरदन नंदी का ईं पाल्डे आग्या। भीड़ च्यारूँमेरऊँ वाँका नके आबा लागी अन वो रोज उपदेस देतो, वस्यान देबा लागो।
2पछे कुई फरीसी वाँका नके आया अन वाँकाणी ईसू ने फसाबा का वाते पूँछ्यो, “कई, कस्या भी मनक के वाते हव हे के, वो आपणी लुगई ने छोड़ दे?”
3ईसू वाँने जबाव दिदो, “मूसे थाँने कई आग्या दिदी ही?”
4 #
वे.वि 24:1–4; मत्ती 5:31 वाँकाणी क्यो, “मूसे कस्याई मनक ने तलाक पतर लिकन आपणी लुगई ने छोड़बा को आदेस दिदो हो।”
5ईसू वाँने क्यो, “मूसे थाँका कल्डा मन के वाते आ आग्या लिकी हे। 6#उत्प 1:27; 5:2पण जद्याँऊँ दनियाँ बणी, वीं दाणऊँ परमेसर वाँने मनक अन लुगई का रूप में रच्या हा। 7#उत्प 2:24‘ईं वाते एक आदमी आपणाँ बई-बापू ने छोड़न आपणी लुगई का हाते मल्यो तको रेई। 8अन वीं दुई एक डील वे जाई।’ ईं वाते वीं दुई दो ने पण एक वेई। 9ईं वाते जाँने परमेसर मला दिदा हे, वाँने कुई मनक न्यारा ने करे।”
10पछे वे हारई पाच्छा घरे ग्या, तो चेला ईसुऊँ अणी बात का बारा पूँछ्यो। 11#मत्ती 5:32; 1 कुरि 7:10,11वे वाँने क्यो, “ज्यो कुई आपणी लुगई ने छोड़न दूजी लुगईऊँ नातो करे, तो वो पेली लुगई का खिलाप में कुकरम करे हे। 12अन जदी कुई लुगई आपणाँ धणी ने छोड़ दे अन दूजाँ मनक का हाते नातो कर लेवे, तो वाँ कुकरम करे हे।”
ईसू को बाळकाँ ने आसिरवाद देणो
(मत्ती 19:13–15; लूका 18:15–17)
13पछे लोग-बाग ईसू का नके आपणाँ फोरा-फोरा बाळकाँ ने लाया के, वीं वाँका माते हात राक राकन आसिरवाद देवे पण, वींका चेला वाँने तापड़ दिदा। 14जदी ईसू यो देक्यो, तो वाँने घणी रीस अई। पछे वणा चेला ने क्यो, “फोरा-फोरा बाळकाँ ने मारा नके आबा दो। वाँने रोको मती, काँके परमेसर को राज अस्या कुईस हे। 15#मत्ती 18:3मूँ थाँने सई केऊँ हूँ के, ज्यो कुई परमेसर का राज ने एक फोरा बाळक जस्यान ने माने, वो वींमें कदी ने जा सकी।” 16पछे वाँ बाळकाँ ने खोळा में लिदा अन वाँका माता पे हात मेलन वाँने आसिरवाद दिदो।
एक धनी मनक
(मत्ती 19:16–30; लूका 18:18–30)
17अन जदी ईसू निकळन गेला में जारिया हा, तो एक मनक वाँका आड़ी दोड़तो तको आयो, अन वाँका हामे गोडा टेकन क्यो, “ओ हाँचा गरुजी, अनंत जीवन पाबा का वाते मने कई करणो छावे?”
18ईसू वींने जबाव दिदो, “थूँ मने हाँचो काँ केवे? परमेसर का बना ओरी कुई हाँचो कोयने। 19#निर 20:13; वे.वि 5:17; निर 20:14; वे.वि 5:18; निर 20:15; वे.वि 5:19; निर 20:16; वे.वि 5:20; निर 20:12; वे.वि 5:16थूँ परमेसर की आग्या जाणे हे, ‘हत्या ने करणी, कुकरम ने करणा, चोरी ने करणी, जूटी गवई ने देणी, छळ मत करज्ये अन आपणाँ बई-बापू को मान राकज्ये।’”
20वीं मनक ईसू ने क्यो, “हे गरू, मूँ मारा नानपणऊँ आ हारी बाताँ ने मानतो आयो हूँ।”
21ईसू हुदा वींका आड़ी नाळ्या अन वींने लाड़ऊँ देकन क्यो, “थने एक ओरी काम करणो हे, ज्यो भी थाँरा नके हे, वींने बेचन गरीबा में बाँट दे। हरग में थने खजानो मली, पछे थूँ आ अन मारा पाच्छे वेजा।” 22ईसू का अस्यान केबाऊँ वींको मुण्डो उतरग्यो अन घणो दकी वेन परोग्यो, काँके वो घणो रिप्यावाळो हो।
23ईसू च्यारूँमेर देकन आपणाँ चेला ने क्यो, “ज्यो रिप्यावाळो हे वींको परमेसर का राज में जाणो घणो दोरो हे।”
24वाँकी बात पे चेला अचम्बा में पड़ग्या, पण ईसू वाँने केतो रियो, “मारा बाळकाँ, परमेसर का राज में जाणो घणो दोरो हे। 25जस्यान ऊँट हुई का नाका मेंऊँ ने निकळ सके, वस्यानीस रिप्यावाळा को परमेसर का राज में जाणो घणो दोरो हे।”
26वाँने ओरी घणो अचम्बो व्यो अन वे हारई एक-दूँजा ने पूँछबा लागा, “तो पछे कूण बंचायो जाई?”
27ईसू वाँका आड़ी देकन क्यो, “मनकाऊँ तो ओ ने वे सके, पण परमेसरऊँ वे सके, काँके परमेसरऊँ हारोई वे सके हे।”
28पछे पतरस वाँने केबा लाग्यो, “देको, माँकाणी तो हारोई छोड़न थाँरा पाच्छे वेग्या हाँ।”
29ईसू क्यो, “मूँ थाँने हाँची केऊँ हूँ, कुई भी मारा वाते अन हव हमच्यार का वाते घर-बार, भई-बेन, बई-बापू, छोरा-छोरी अन खेत-कूड़ा हाराई ने छोड़े देई, 30वींने ईं जमारा मेंऊँ हो गुणा हेला घर-बार, भई-बेन, बई, छोरा-छोरी अन खेत-कूड़ा ने मली, पण हताव का हाते आबावाळा जमाना में अनंत जीवन मली। 31#मत्ती 20:16; लूका 13:30अन घणा जणा ज्यो आज हाराऊँ आगे हे, वीं हाराऊँ पाच्छे वे जाई। घणा जणा वे हे, ज्यो हाराऊँ पाच्छे हे, वीं हाराऊँ आगे वे जाई।”
ईसू को आपणी मोत का बारा में तीजी दाण केणो
(मत्ती 20:17–19; लूका 18:31–34)
32पछे ईसू अन चेला यरूसलेम में जारिया हा अन जदी वीं गेला में हा, तो ईसू वाँकाऊँ आगे-आगे चालरिया हा। चेला अचम्बा में पड़ग्या अन ज्यो वाँके पाछे-पाछे चालरिया हा, वीं भी दरपवा लागा। जदी ईसू आपणाँ बाराई चेला ने न्यारा लेन वाँकाऊँ वे बाताँ केबा लागा, ज्यो ईसू पे आबावाळी ही। 33“देको, आपीं यरूसलेम जारिया हाँ। मनक का पूत ने (ईसू) धोकाऊँ पकड़न मुक्य याजकाँ अन मूसा का नेमा ने हिकाबावाळा ने हूँप देई अन वीं वींने मोत को दण्ड देन, ज्यो यहूदी ने हे वाँने हूँप देई। 34अन वीं वाँकी रोळ केरी अन वाँका पे थूँकी, वीं वाँके कोड़ा मारी अन पछे वींने मार नाकी, पण तीजे दन वो पाछो जीवतो वे जाई।”
याकूब अन यहुन्ना की अरज
(मत्ती 20:20–28)
35पछे जद्याँ जब्दी को छोरा याकूब अन यहुन्नो वाँका नके आया अन बोल्या, “गरुजी, माँ छावाँ हाँ के, ज्यो भी थाँकाऊँ माँगा, थें माकाँ वाते करो।”
36ईसू वाँने पूँछ्यो, “थाँ माराऊँ कई छारिया हो, ज्यो मूँ थाँका वाते करूँ?”
37पछे वाँ वाँने क्यो, “जदी थाँकाणी थाँका मेमा का राज की गाद्दी पे बिराज्यो तो माँने ओ हुकम दो के, माँ दूयाँमेंऊँ एक तो थाँके डावा पाल्ड़े अन एक जीमणा पाल्ड़े बेटाँ।”
38 #
लूका 12:50
ईसू वाँने पूँछ्यो, “थें ने जाणो हो, थें कई मांगरिया हो? ज्यो दुक को प्यालो मूँ पिबा ने त्यार हूँ, कई थाँकाणी पीं सको? अन ज्यो बतिस्मो मूँ लेबा ने हूँ, कई थें वींने ले सको?”
39वाँकाणी वाँने क्यो, “में वस्यान कर सका हाँ।”
पछे ईसू वाँने क्यो, “थाँ वो प्यालो पिवो, ज्यो मूँ पीवूँ। थाँ वो बतिस्मो लेवो, ज्यो मूँ लेबा ने हूँ। 40पण, मारा जीमणा अन डावा पाल्ड़े बेटबा की जगाँ देणी मारो हक को काम कोयने, पण वा जगाँ वणा मनकाँ का वाते हे जिंका वाते ईंने त्यार किदी हे।”
41जद्याँ दूजाँ दस चेला ओ हुण्यो, तो वे याकूब अन यहुन्ना पे रीस करबा लागा। 42#लूका 22:25,26पछे ईसू वाँने आपणाँ नके बलाया अन वाँने क्यो, “थें जाणो हो के, ज्यो यहूदी ने हे, वींका राज करबावाळा वाँका पे राज कररिया अन वाँका हाकम वाँपे दब्बेदारी कररिया हे। 43#मत्ती 23:11; मर 9:35; लूका 22:26पण, थाँकामें अस्यान कोयने हे। पण ज्यो कुई थाँकामूँ मोटो वेणो छावे, वो थाँको दास वणे। 44अन ज्यो थाँकामें सबाऊँ मुक्यो बणबो छावे, वो हाराई को हाळी बणे। 45काँके मनक को पूत (ईसू) सेवा कराबाने ने आयो, वो तो सेवा करबा आयो हे अन घणा जणा का छूटकारा का वाते आपणो जीव देबाने आयो हे।”
ईसू बरतिमाई ने देकतो किदो
(मत्ती 20:29–34; लूका 18:35–43)
46पछे वीं यरीहो नगर में आया अन जदी ईसू आपणाँ चेला अन घणी भीड़ के लारे यरीहो छोड़न जारिया हा, तो तिमाई को छोरो बरतिमाई नाम को एक आन्दो भिकारी गेला के एक पाल्ड़े बेटो हो। 47जदी वणी हुण्यो ओ नासरत को ईसू हे, तो वणी कल्ड़ी हाका-भार किदी, “हे दाऊद का पूत, मारा पे दया कर।”
48नरई लोगाँ वींने छानो रेवा का वाते तापड़्यो, पण वो ओरी ज्योरऊँ केबा लागो, “ओ दाऊद का पूत, मारा पे दया कर।”
49जदी यो देकने ईसू रक्या अन बोल्या, “वींने मारा नके लावो।” तो वे लोग वीं आन्दा मनक ने बलान लाया अन वींने क्यो, “हिम्मत राक, ऊबो वे। वो थने बलारियो हे।”
50वो आपणाँ उपरला गाबा छेटी फेंकन उछळ पड़्यो अन ईसू का नके आयो।
51पछे ईसू वींने पूँछ्यो, “थूँ मारा नकूँ कई छावे हे?” वीं आन्दे ईसुऊँ क्यो, “ओ गरुजी, मूँ देकणो छाऊँ हूँ।”
52जद्याँ ईसू बोल्यो, “परोजा, थाँरा विस्वासऊँ थूँ हव वेग्यो हे।”
पछे वो वणीस दाण देकबा लाग्यो अन गेला में ईसू का पाच्छे चाल पड़्यो।
Currently Selected:
मरकुस 10: एम टी आर
Highlight
Share
Copy
Want to have your highlights saved across all your devices? Sign up or sign in
(c) 2010-2017, New Life Computer Institute. All rights reserved
