John 16

1“Imbagaḵ da anna ḵan diḵayu ta adiyu an-awidan da pammatiyu. 2Paḻyawon diḵayu'tta sinagoga. Ḵad dumatong timpu we ngaimane angongat ḵan diḵayu, ḵananapun nu ḵoona ḵad ḵaḵna, anserbi ḵan Apudyus. 3Ḵoonda ḵaḵna ḵan diḵayu te adidapun inigammu'ḵ Amaḵ baḵon nu saḵon.”

Sa Ḵewaaḻ Ni Ispiritu Santu

4Pinagatupan Jesus woḵ ḵanana'tta disipuluna, “Yaḵon imbagaḵ da anna ḵan diḵayu ta maḵwada ḵad si umali ye aḻgaw, iḵagasmoḵyu we imbagaḵ ḵan diḵayu.

“Adiḵpun imbaga da anna ḵan diḵayu si laplapu te inninggawaḵ ḵan diḵayu. 5Sinsadi iyyaḵ si nangibuun ḵan saḵon yaḵon naippun nan-imus ḵan diḵayu ḵanane, ‘Dinu ayam?’ 6Gapu ta imbagaḵ ḵan diḵayu da anna, bummaduuḻ ḵayu. 7Yaḵon ibagaḵ ḵan diḵayu ḵatuttuwaan, bumaḻuwanyu nu iyyaḵon te nu adiyaḵ umoyon, adipun umali Bumadang ḵan diḵayu. Yaḵon nu iyyaḵon, ibuunḵu ḵan diḵayu. 8Ḵad nu umali, panoḵnoḵana'tta tagu we adipun namati ye nankamalida mipanggob atta basuḻda ya sa naun-unaḵ ya sa anḵuwisan Apudyus. 9Nankamalida mipanggob atte basuḻ te naḵabasuḻda si adidapun namatiyan ḵan saḵon. 10Nankamalida mipanggob si naun-unaḵ te sana amanoḵnoḵ si tuttuwae naun-unanaḵe mipauli ḵan Amaḵ ya adiyupun ogon saḵon ilan. 11Nankamalida mipanggob atte anḵuwisan Apudyus te da tagu we adipun amati naḵoddonganda'ḵ dusaon Apudyus te nagangpute inḵoddongnae dusaona'ḵ Satan we pangat da adipun amati.

12“Adu oḵyan da ibagaḵ ḵan diḵayu yaḵon adiyupun lamog maawatan sinsadi. 13Nu umali Ispiritu Santu we angituttudu si ḵatuttuwaan mipanggob ḵan Apudyus, idaḻanna diḵayu ta maawatanyu da losane ḵatuttuwaan te adipun an-ugud atte ḵuwanae ḵaḻabbongan yaḵon ngaimane dongngona siya ugudona. Ḵad ipaigammuna ḵan diḵayu da maḵwa si umali ye aḻgaw. 14Ḵad padayawana saḵon te da losane maḻpu si somsomoḵḵu, dida ipaigammuna ḵan diḵayu. 15Losane ḵuwan Amaḵ, ḵuwaḵ dida. Pun imbagaḵe da losane maḻpu si somsomoḵḵu, dida ipaigammuna ḵan diḵayu.”

Sa Ambalinan Ni Dadauy Aḵ Layad

16Pinagatupan Jesus we nan-ugud atta disipuluna woḵ ḵanana, “Sin-aḵitan ya adiyupun ogon ilan saḵon ḵad sin-aḵitan os ya ilanyu saḵon.”

17Pun ḵanan da udume disipulunae nan-asiimus, “Ngai piona ḵanan si ḵananae, ‘Sin-aḵitan ya adiyupun ogon ilan saḵon ḵad sin-aḵitan os ya ilanyu saḵon’? Ḵad ḵanana bos, ‘Te iyyaḵon ḵan Amaḵ.’ ” 18Ḵananda, “Ngai piona ḵanane, ‘Sin-aḵitan’? Aditaḵupun maawatan imbagana.”

19Inigammun Jesus pionda imuson ḵan siya pun ḵanana ḵan dida, “Siya ḵamman nan-asiimusanyu pioḵ ḵanan si imbagaḵe, ‘Sin-aḵitan ya adiyupun ogon ilan saḵon ḵad sin-aḵitan os ya ilanyu saḵon’? 20Ibagaḵ ḵan diḵayu ḵatuttuwaan, umibil ya andomdom ḵayu yaḵon anggangganas da tagu we adipun amati. Ḵad andadauy ḵayu yaḵon sa dadauyyu ambalin aḵ laylayad. 21Isun ni bubai ye anggumut, andadauy te dummatong timpu we ampaḵaḻamana. Yaḵon nu mibuḵnag abeng, maliwatana nampaḵaḻamana gapu'tte layadna si abengnae niyanaḵ si annae lubung. 22Pun isuna bos ḵan diḵayu te andadauy ḵayu sinsadi. Yaḵon sa umali ye aḻgaw, an-asiila taḵu ḵasin ḵad anggangganas ḵayu ya naippun ḵallamog angaan atte layadyu.

23“Sa sadi ye aḻgaw, naippun ḵodawonyu ḵan saḵon. Ibagaḵ ḵan diḵayu ḵatuttuwaan, ngaimane ḵodawonyu ḵan Amaḵ mipagapu'tte ḵabooḻaḵ, ittona ḵan diḵayu. 24Inggana sinsadi, naippun ḵindawyu mipagapu'tte ḵabooḻaḵ. Anḵodaw ḵayu woḵ awatonyu ta naippun kurang ni layadyu.”

25Pinagatupan Jesus woḵ ḵanana, “Imbagaḵ ḵan diḵayu da anna si pani. Yaḵon dumatong timpu we adiḵpun ogon ipani ye an-ugud ḵan diḵayu yaḵon ibabaggaḵ ḵan diḵayu mipanggob ḵan Amaḵ. 26Ḵad nu dumatong sanae aḻgaw, anḵodaw ḵayu mipagapu'tte ḵabooḻaḵ. Daḵampun aḵ ḵanaḵe iḵdawaḵ diḵayu ḵan Amaḵ. 27Te aḵ Amaḵ we mismu ayatona diḵayu te inayatyu saḵon ya namati ḵayu we naḻpuwaḵ ḵan Ama. 28Naḻpuwaḵ ḵan Amaḵ ya ummaliyaḵ si annae lubung. Sinsadi, tenaḵ annae lubung ya iyyaḵ ḵan Amaḵ.”

29Pun ḵanan da disipuluna, “Sinsadi ibabaggame an-ugud, daḵampun ogon aḵ ipanim. 30Sinsadi, igammuni ye igammum da losan. Ḵad adipun ḵasapuḻane awad an-imus ḵan siḵa. Gapu'tte sana, amati ḵani ye naḻpuḵa ḵan Apudyus.”

31Ḵanan Jesus ḵan dida, “Amati ḵayu ḵamman sinsadi? 32Madam-an dumatong timpu pun tuttuwae dummatong, nu mabuḵaḻ ḵayu, awad osa umoyon atte boḻoyna ya tinenanaḵe abus. Yaḵon daḵampun aḵ abusaḵ te anna'ḵ Amaḵ ḵan saḵon. 33Imbagaḵ sana ḵan diḵayu ta mipagapu ḵan saḵon lumin-awa ḵayu oḵyan. Ampaḵaḻamon diḵayu'tta adipun amati. Yaḵon tumuḻod ḵayu te illogyu da losane lawweng si annae lubung.”

Currently Selected:

John 16: kml

Highlight

Copy