Na Sailm 99
99
Salm 99.
Dominus regnavit.
1Is é an Tiarna is Rí ann, dá méid í mífhoighne na ndaoine: suíonn sé idir na cearúibím, is cuma chomh corrach ʼsa bhíos an domhan.
2Is mór an Tiarna i Síón: is ard é os cionn na ndaoine uile.
3Tabharfaidh siad buíochas le dʼAinm, atá mór, iontach: óir is naofa é.
4Bíonn cion ar an gceart ag Rí na gcumhacht; chum tú cothroime: chuir tú an breithiúnas agus an fhíréantacht i bhfeidhm in Iácób.
5Móraigí an Tiarna ár nDia, agus ísligí sibh féin faoi stól a chos: óir is naofa é.
6Bhí Maois agus Árón i measc a shagart, agus bhí Samúel ar an dream a ghlaodh ar a ainm: ghlaodar san ar an Tiarna, agus chuala sé iad.
7Labhair sé leo amach as an gcolúin néaltach: óir choinníodar a fhianaisí, agus an dlí a thug sé dóibh.
8Chuala tú iad, a Thiarna ár nDia: is maiteach a bhí tú leo, a Dhia, ach gur chuir tú pionós orthu ar son a ndobheart féin.
9Móraigí an Tiarna ár nDia, agus adhraigí é ar an gcnoc naofa: óir is naofa é an Tiarna ár nDia.
Currently Selected:
Na Sailm 99: OC1965
Highlight
Share
Copy
Want to have your highlights saved across all your devices? Sign up or sign in
© Cumann Gaelach na hEaglaise (Irish Guild of the Church) 1965
