Genesa 35
35
O Iakov ando Betelo.
1O Dell phendea le Iakovohkă: „Ušti, ankli andoa Betelo, beši oče, thai vazde oče khă altari le Devllehkă, kai sîkadi'lo tukă kana našesas te phrallestar le Esaostar.”#Cap. 27.43; 28.13, 19.
2O Iakovo phendea pehkă khărăhkă thai saorăngă kai sas lesa: „Ankalaven le devllen le kolaver, kai sî ande tumaro maškar, xalaven tume, thai paruven tumară çoale,#Cap. 18.19; 31.19, 34. Exod. 19.10. Ios. 24.2, 15, 23. 1Sam. 7.3.
3kaste ušteas, thai te ankleas ando Betelo; kă oče vazdava khă altari le Devllehkă, kai ašundea ma ando des mîŕă năkazohko, thai savo sas mança ande muŕo phirimos, kai kărdem les.”#Cap. 28.20; 31.3, 42; 32.7, 24.
4On dine le Iakovos sea le kolaver devla, kai sas ande lengă vast, i le zlaga kai phiravenas le ande le kan. O Iakov prahosardea le ande phuw tala o stejarii paša o Sixemo.#Ios. 24.26. Kris. 9.6. Osea 2.13.
5Thai telearde. E daŕ le Devllesti phaŕadili pa sa le četăçi, kai denasle ŕoata, kadea kă le manuši lengă či line pe pa la le šeave le Iakovohkă.#Exod. 15.16; 23.27; 34.24. Deut. 11.25. Ios. 2.9; 5.1. 1Sam. 14.15. 2Kron. 14.14.
6O Iakovo thai kukola kai sas lesa, arăsle ando Luz, ando Betel, ando čem Kanaan.#Cap. 28.19, 22.
7Vazdea oče khă altarii, thai phendea othan kodoa: „El-Betel” (O Dell le Betelohko), kă oče dikhleasas le Devlles, kana našelas peskă phrallestar.#Cap. 28.13. Ecl. 5.4.
8E Debora, e doika la Rebekati, mulli; thai sas prahome mai tele le Betelostar, tala o stejari kai thodine leskă anau: „O stejarii le jaleako.”#Cap. 24.59.
9O Dell sikadi'lo pale le Iakovohkă, pala lehko amboldimos anda o Padan-Aram, thai dealesdumadămišto.#Osea 12.4.
10O Dell phendea lehkă: „Teo anau sî Iakov; ta či mai bušosa Iakov, thai teo anau avela Israelo.” Thai thodea lehkă anau Israel.#Cap. 17.5; 32.28.
11O Dell phendea lehkă: „Me sîm o Dell Kukoa Seazurallo. Bareo thai buteo; ăkh neamo thai but neamurea kărdeona anda tute, thai thagarea anklena anda te bečea.#Cap. 17.1, 5, 6, 16; 28.3; 48.3, 4. Exod. 6.3.
12Tukă dava o čem kai dem les le Avraamohkă thai le Isakohkă, thai dava kadoa čem tea semiçiakă kai avela pala tute.”#Cap. 12.7; 13.15; 26.3, 4; 28.13.
13O Dell vazdinisai'lo lestar andoa than kai dealehkă duma.#Cap. 17.22.
14Thai o Iakovo vazdea khă tillo andimahko godi ando than kai dealehkă duma o Dell thai khă tillo baŕăhko, pe savo andea khă jertfa pimasti, thai šordea zetino.#Cap. 28.18.
15O Iakovo dea anau o than kai dealehkă duma o Dell, Betel.#Cap. 28.19.
O mullimos la Rahelako.
16Pala kodea telearde anda o Betelo; thai mai sas khă dureamos lašoro ji ande Efrata, kana la Rahela avile lakă le dukha le kărimahkă. Sas la khă kărdimos pharo;
17thai ando čiro le dukhăngo, e moaša phendea lakă: „Na dara, kă mai sî tu khă šeau!”#Cap. 30.24. 1Sam. 4.20.
18Thai kana delas oi pehko dii, kă çîrdelas te merăll, thodea lehkă anau Ben-Oni (O šeau mîŕa dukhako): ta lehko dadd phendea lehkă Beniamin (O šeau la čeačeako).
19E Raxela mulli, thai sas prahome po drom kai nigrăl kai Efrata, or Betleem.#Cap. 48.7. Rut 1.2; 4.11. Mika 5.2. Mat. 2.6.
20O Iakovo vazdea khă tillo po mormînto lako: kadoa tillo sî poa mormînto la Raxelako, kai sî i ades.#1Sam. 10.2. 2Sam. 18.18.
Le šeave le Iakovohkă
21o Israel teleardea mai dur; thai anzardea pesti çăra înteal kataro Migdal-Eder.#Mika 4.8.
22Kana bešelas o Israel ande kadoa than, o Ruben găllo thai suto la Bilhasa, e phiramni lehkă daddesti.Thai o Israel ašundea.#Cap. 49.4. 1Kron. 5.1. 2Sam. 16.22; 20.3. 1Kor. 5.1. Le šeave le Iakovohkă sas ando dindimos dešudui.
23Le šeave la Leiakă: o Ruben, o mai anglal kărdo le Iakovohko, o Simeon, o Levi, o Iuda, o Isahar thai o Zabulon.#Cap. 46.8. Exod. 1.2.
24Le šeave la Raxelakă: o Iosif thai o Beneamin.
25Le šeave la Bilhakă, e roaba la Raxelati: o Dan thai o Neftali.
26Le šeave la Zilpakă, e roaba la Leiati: O Gad thai o Ašer. Kadala sî le šeave le Iakovohkă, kai kărdile lehkă ando Padan-Aram.
O mullimos le Isakohko.
27O Iakov arăslo ka pehko dadd o Isako, ando Mamre ando Širat-Arba, kai sî sa iekh le Xebronosa, kai bešlinesas sar le străinea o Avraamo thai o Isak.#Cap. 13.18; 23.2, 19. Ios. 14.15; 15.13.
28Le des la čivavakă le Isakohkă sas ăkh šell thai oxtovardeši bărši.
29O Isak dea pehko dii thai mullo, thai sas thodino ka pehko poporo, phuro thai čeailo desăndar. Lehkă šeave o Esau thai o Iakov prahosarde les.#Cap. 15.15; 25.8, 9; 49.31.
Currently Selected:
Genesa 35: KALD2020
Highlight
Share
Copy
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
