Exodul 1
1
O POPORO LE ISRAELOHKO ANDO EJIPTO.
LE KAPITOLEA 1—15
(Genesa 15.13, 14. Psalmea 105.23-39; 106.7-12. Kărdimata Le Apostolengă 7.7-36.)
O butimos le Israeliçengo ando Ejipto.
1Dikta o anau le šeavengo le Israelohkă kai šutepe ando Ejipto; šutepe le Iakovosa orsao pehka familiasa:#Cap. 6.14. Gen. 46.2.
2O Ruben, o Simeon, o Levi, o Iuda,
3o Išaxar, o Zabulon, o Beniamin,
4o Dan, o Neftali, o Gad thai o Ašer.
5Le suflete ankăste anda le phrašeave le Iakovohkă sas eftavardeši dă sa. O Iosif sas atunčea ando Ejipto.#Vers. 20. Gen. 46.26, 27. Deut. 10.22.
6O Iosif mullo, thai sa lehkă phral, thai sa le manuši kais as aviline oče.#Gen. 50.26. Kărd. 7.15.
7Le šeave le Israelohkă butile, barile thai arăsle but zuralle. Thai pherdi'lo o čem lender.#Gen. 46.3. Deut. 26.5. Ps. 105.24. Kărd. 7.17.
Le dukhaimata le Israeliçengă.
8Pa sa o Ejipto vazdi'lo khă neo thagar, kai či prinjeandeasas le Iosifos.#Kărd. 7.18.
9O phendea pehkă poporohkă: „Dikta kă o poporo le šeavengo le Israelohko sî mai baro thai mai zurallo sar amende.#Ps. 105.24.
10Xaidan te sîkavasame avervaresar angla leste, kaste na mai bareol, ta na varesar, te avela vokh marimos, te tidelpe amară dušmaiença, te marăn ame thai pala kodea te anklen avri andoa čem.”#Ps. 10.2; 83.3, 4; 105.25. Iov 5.13. Pilde 16.25; 21.30. Kărd. 7.19.
11Thai thodine pa lende isravničeia, kaste kanden le andel butea le phară. Kadea kărdea o le četăçi Pitom thai Ramses, kaste avel tidimata le Faraonos.#Cap. 2.11; 3.7; 5.4, 5. Gen. 15.13; 47.11. Deut. 26.6. Ps. 81.6.
12Ta sode thonas pe leste mai but pharimata, kaditi buteolas thai bareolas; thai pelea lengă greaça le šeave le Israelohkă.
13Atunčeara le Ejiptenea andine le šeaven le Israelohkă ka khă zurali robia.
14Kărdine lendi čivava kărti andel butea le phară anda e phuw thai le kărămizea, thai sakomoda buteandi pa o kîmpo: thai ande sa le butea kadala kai thonas le te kărăn le, on sas bi hançorako milla.#Cap. 2.23; 6.9. Num. 20.15. Ps. 81.6. Kărd. 7.19, 34.
15O thagar le Ejiptohko phendea le moašengă le Evreiengă, kai bušonas iekh Šifra thai e kolaver Pua,
16thai phendea lengă: „Kana kărăna tumari buti le moašendi paša le juwlea le Evreiengă, thai dikhăna le po skamin le kărdimahko, te avela šeau, te mudarăn les, ta te avela šei, te mekăn la te trail.”
17Ta le moaše daraile le Devllestar, thai či kărdine so phendeasas lengă o thagar le Ejiptohko: thai mukline le šeaorăn kai sas muršoră te train.#Pilde 16.6. Dan. 3.16, 18; 6.13. Kărd. 5.29.
18O thagar le Ejiptohko akhardea le moašen, thai phendea lengă: „Anda soste kărdean kadea buti, thai muklean le šeaoŕăn muršoră te train?”
19Le moaše phendine le Faraonohkă: „Anda kă le juwlea le Evreiengă nai sar le Ejiptenče; on sî zuralea thai kărăn le šeaven angla te avel e moaša.”#Ios. 2.4, etc. 2Sam. 17.19, 20.
20O Dell kărdea mišto le moašengă; thai o poporo buti'lo thai arăslo but baro koa dindimos.#Pilde 11.8. Ecl. 8.12. Is. 3.10. Evr. 6.10.
21Anda kă le moaše darailesas le Devllestar, o Dell kărdea lengă khăra.#1Sam. 2.35. 2Sam. 7.11, 13, 27, 29. 1Thag. 2.24; 11.38. Ps. 127.1.
22Atunčeara o Faraono dea phendimos ka sa pehko poporo: „Te uden ando nanilaš orsave šeaves kai kărdeola, thai te mekăn sa le šeian te train.”#Kărd. 7.19.
Currently Selected:
Exodul 1: KALD2020
Highlight
Share
Copy
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
