Kărdimata Le Apostolengă 7
7
O dinoduma le phendimahko le Štefanohko.
1O baro rašai phendea: „Kadea bešen le butea?”
2O Štefano dea anglal: „Phralale thai daddale, ašunen! O Dell la slavako sîkadi'lo amară daddehkă le Avraamohkă, kana sas ande Mesopotamia, anglal kaste avel ando Xaran.#Cap. 22.1.
3Thai phendea lehkă: „Ankli anda o čem tiro thai anda ti familia, thai telear ando čem, kai sîkavaua tukă les.”#Gen. 12.1.
4O ankăsto atunčeara anda o čem le Xaldeiengo, thai avilo ando Xarano. Dă oçal, pala o mullimos lehkă daddehko, o Dell mutisardea les ando čem kadoa, ande sao bešen tume akana.#Gen. 11.31; 12.4, 5.
5Andoa čem kadoa či dea pe lehkă khanči ando stăpînimos, či barem khă palma thanesti, ta šinadea pe kă dela pe lehkă ando stăpînimos lehkă, thai la semençiakă pala leste, barem kă nas les či khă šeau.#Gen. 12.7; 13.15; 15.3, 8; 17.8; 26.3.
6O Dell phendea lehkă kă e sămînça lestiavela te bešel ande khă čem străino, avela robime, thai avela kăznime štar šella bărši.#Gen. 15.13, 16. Exod. 12.40. Gal. 3.17.
7„Ta o neamo, savehkă avena robea, krisîniua le Me”, phendea o Dell. „Pala kodea, anklena, thai kandena Mangă ando than kadoa.”#Exod. 3.12.
8Pala kodea dea les o phanglimos le šindimahkoroata; thai kadea o Avraamno, kana kărdea le Isakos, šindea les roata ando des le oxtongo; o Isako kărdea thai šindearoata le Iakovos, thai o Iakovo le dešuduien anglalpapuren.#Gen. 17.9-11; 21.2-4; 29.31, etc; 30.5, etc; 35.18, 23.
9Ta le anglalpapurea, kai sas lengă xoli po Iosifo, bitinde les, kaste avel nigărdo ando Ejipto, Ta o Dell sas lesa,#Gen. 37.4, 11, 28; 39.2, 21, 23. Ps. 105.17.
10thai skăpisardea les anda sa le nasulimata lehkă; dea les xaraimos thai nakhlimos angloa Faraono, o thagar le Ejiptohko, kai thodea les dregatorii poa Ejipto thai pa sa pehko khăr.#Gen. 41.37; 42.6.
11Avilio khă baro bokhalimos ande soa Ejipto thai o Kanaano. E kazna sas bari, thai amară dadda či arakhănas xamahko.#Gen. 41.54.
12O Iakovo ašundea kă ando Ejipto sas div, thai tradea amară dadden anglal data oče.#Gen. 42.1.
13Thai kana avile duito data, o Iosifo sas prinjeando pehkă phralendar, thai o Faraono ašundea anda savi viça sas o Iosifo.#Gen. 45.4, 16.
14Pala kodea o Iosif tradea te akharăl lehkă daddes le Iakovos thai sa la familia lehkăra, eftavardeši thai panji sufleturi.#Gen. 45.9, 27; 46.27. Deut. 10.22.
15O Iakovo ulisto ando Ejipto, kai mullo o thai amară dadda.#Gen. 46.5; 49.33. Exod. 1.6.
16Thai sas mutisarde ando Sixemo, thai thodine ando than le mullimahko, kai tindeasas les o Avraamo varesar lovença kata le šeave le Emorohkă, ando Sixemo.#Gen. 23.16; 33.19. Exod. 13.19. Ios. 24.32.
17Pašolas o čiro kana avelas te pherdeol o šinaimos, kai kărdeasas les o Dell le Avraamosa. O norodo bari'lo thai buti'lo ando Ejipto,#Vers. 6. Gen. 15.13. Exod. 1.7-9. Ps. 105.24, 25.
18ji kana vazdinisai'lo aver thagar, kai či prinjeanelas le Iosifos.
19O thagar kadoa xunadea amară neamos, thai kăznisardea amară dadden, ji oče kaste šuden pehkă gloaten, kaste na mai train.#Exod. 1.22.
O čiro le Moisahko.
20Ando čiro kodoa kărdi'lo o Moise, kai sas šukar angloa Dell. O sas pravardo trin šon ando khăr pehkă daddehko.#Exod. 2.2. Evr. 11.23.
21Thai kana sas šudino, lea les e šei le Faraonosti, thai bareardea les sar pehkă šeaves.#Exod. 2.3-10.
22O Moise sîti'lo soa xaraimos le Ejipteanengo, thai sas zuralo ando divano thai andel kărimata.#Luka 24.19.
23Les sas les štarvardeši bărši, kana avile lehkă ando illo o kamimos te rodel pehkă phralen, le šeaven le Israelohkărăn.#Exod. 2.11, 12.
24Dikhlea iekhăs anda lende kăznime pe bičeačimaste; lea lesti rig, vazdea kukoles le perades, thai mudardea le Ejipteanos.
25Patealas kă lehkă phral atearăna kă o Dell anda lehkă vast anela lengă o izbîndimos; ta či ateardine.
26O duito des, kana marănas pe on, o Moise avilo ande lengo maškar, thai kamblea te împtile. „Manušale”, phendea o, „tume san phral; sostar kamen te došaven tume iekh avrăsa?”#Exod. 2.13.
27Ta kukoa kai došavelas pehkă pašes, spidea les, thai phendea lehkă: „Kon thodea tu stăpînitorii thai krisînitorii pa amende?”#Cap. 4.7. Luka 12.14.
28Kames te mudarăs ma i man sar mudardean arati le Ejipteanos?”
29Koa ašundimos kadale divanurengă, o Moise našlo, thai gălo ta bešlo sar străino pe phuw ando Madiano, kai kărdea dui šeave.#Exod. 2.15, 22; 4.20; 18.3, 4.
30Pa štarvardeši bărši, sîkadi'lo lehkă khă înjero ande pustia le barăbaŕăsti le Sinaiosti, ande para la iagati khă kanŕăsti.#Exod. 3.2.
31O Moise, kana dikhlea les, mirisai'lo kadale sîkaimastar; thai, kana pašolas te dikhăl so sî, ašundea o mui le Raiehko,
32kai phendea lehkă: „Me sîm o Dell te daddengo, o Dell le Avraamohko, o Dell le Isakohko, thai o Dell le Iakovohko.” Thai o Moise, isdraindoi, či mai îndrăsnisardea te dikhăl.#Mat. 22.32. Evr. 11.16.
33O Rai phendea lehkă: „Ankalau te papučea andal pînŕă, kă o than pe sao bešes, sî khă phuw sfînto.#Exod. 3.5. Ios. 5.15.
34Dikhlem o kăznimos Mîŕă poporohko, kai sî ando Ejipto, ašundem lengă vatimata, thai ulistem te skăpi le. Akana, telear, tradaua tu ando Ejipto.”#Exod. 3.7.
35Kadale Moisas, savestar šudinesas pe on, kana phendine: „Kon thodea tu tut stîpînitorii thai krisînitorii?” O Dell tradea les sar stăpînitorii thai skăpitorii, le kandimasa le înjerohko, kai sîkadilosas lehkă ando rugo.#Exod. 14.19. Num. 20.16.
36O ankaladea le andoa Ejipto, thai kărdea minuni thai semne ando Ejipto, kai Marea e Lolli, thai ande pustia, štarvardeši bărši.#Exod. 7.11, 14; 12.41; 14.21; 16.1, 27-29, 35. Ps. 105.27.
37Kadoa Moise phendea le šeavengă le Israelohkărăngă: „O Rai, o Dell tumaro, vazdela anda tumară phral khă prooroko sar mande: lestar te ašunen.”#Cap. 3.22. Deut. 18.15, 18. Mat. 17.5.
38O si koda kai, ando tidimos le Israieliçăngo andai pustia, le înjerosa, kai dea lehkă duma poa baŕobaro o Sinai, thai amară daddença, lea divanuri juvinde, kaste del le amengă.#Exod. 19.3, 17; 21.1. Deut. 5.27, 31; 33.4. Is. 63.9. Ioan 1.17. Rom. 3.2. Gal. 3.19. Evr. 2.2.
39Amară dadda či kambline te ašunen les, thai na šutelessama: thai, ande lengă ille, amboldile karing o Ejipto,
40thai phendine le Aaronohkă: „Kăr amengă varesar devlla, kai te jean angla amende; kă kadoa Moise, kai ankaladea ame andoa čem le Ejiptohko, či jeanas so kărdea.”#Exod. 32.1.
41Thai ande le des kodola, kărdine khă guruviç, andine jertfa le idolohkă, thai bukurisai le la buteatar lengă vastendi.#Deut. 9.16. Ps. 106.19.
42Atunči o Dell amboldi'lo lendar, thai dea le te bandeon anglai oštirea le čerestii, pala sar sî ramome ando lill le prooročengo: „Andean Mangă tume juvindimata thai jertfe čiro dă štarvardeši bărši ande pustia, khăr le Israelohko?…#Deut. 4.19; 17.3. 2Thag. 17.16; 21.3. Ps. 81.12. Ier. 19.13. Ezec. 20.25, 39. Amos 5.25, 26. Rom. 1.24. 2Tes. 2.11.
43Phiradean e çăra le Molaxosti thai o tipo la čeraiako le zeosti Remfan, le tipuri kodola, kai kărdean le te bandeon angla lende! Anda kodea mutisaraua tume înteal o Babilono.”
44Amară dadda sas le ande pustia e çăra le arakhadimastii, kadea sar thodeasas les Kukoa kai phendeasas le Moisahkă te kărăla les pala o tipo, kai dikhleasas les.#Exod. 25.40; 26.30. Evr. 8.5.
45Thai amară dadda andine la, ka pehko rîndo, tala o sîkaimos le Iosuahko, kana šute pe ando čem stîpînime le Neamurendar, kai o Dell našadea le angla amară dadda; thai ašili oče ji andel desa le Davidohkă.#Cap. 13.19. Ios. 3.14. Neem. 9.24. Ps. 44.2; 78.55.
46O David lea mila angloa Dell, thai manglea te vazdel khă than bešlmahko anda o Dell le Iakovohko.#Cap. 13.32. 1Sam. 16.1. 2Sam. 7.1. 1Thag. 8.17. 1Kron. 22.7. Ps. 89.19; 132.4, 5.
47Thai o Solomono sas kodoa kai vazdea Lehkă ăkh khăr.#1Thag. 6.1; 8.20. 1Kron. 17.12. 2Kron. 3.1.
48Ta Kukoa But Baro či bešel ande thana kardine vastestar manušengărăndar, sar phenel o prooroko:#Cap. 17.24. 1Thag. 8.27. 2Kron. 2.6; 6.18.
49„O čerii sî Muŕo skamin le raimahko, thai e phuw sî o than Mîŕă pînŕăngo. Savestar khăr vazdeana Mangă tume Mangă, phenel o Rai, or sao avela Muŕo than le čiimahko?#Is. 66.1, 2. Mat. 5.34, 35; 23.22.
50Či kărdea Muŕo vast sa kadala butea?”…
O mudarimos le Štefanohko baŕănça.
51„Manuši zurale zorasa, bišindineroata le ileesa thai le kanença! Tume orkana na den tume le Sfîntone Duxosa. Sar kărdine tumară dadda, kadea kărăn i tume.#Exod. 32.9; 33.3. Lev. 26.41. Deut. 10.16. Is. 48.4. Ier. 4.4; 6.10; 9.26. Ezec. 44.9.
52Saven anda le prooročea či mudarde le tumară dadda? Mudarde kolen kai phenenas mai anglal poa avimos Kolehko Bibezexalo, saves bitindean Les akana, thai mudardean Les,#Cap. 3.14. 2Kron. 36.16. Mat. 21.35; 23.34, 37. 1Tes. 2.15.
53tume, kai kana ašundean e Kris dini kata le înjerea, thai či arakhlean la!…”#Exod. 20.1. Gal. 3.19. Evr. 2.2.
54Kana ašundine on kadala divanuri, šinelas le po illo, thai danddearănas le dandd pa leste.#Cap. 5.33.
55Ta o Štefano, pherdo Sfînto Duxo, vazdea pehkă iakha karing o čerii, dikhlea e slava le Devllesti, thai le Isusos bešlindoi ande pînŕănde ande čeači rig le Devllesti;#Cap. 6.5.
56thai phendea: „Dikta, dikhau le čerurii pîtărde, thai le Šeaves le manušehko bešlindoi ande pînŕănde ande čeači rig le Devllesti.”#Cap. 10.11. Ezec. 1.1. Dan. 7.13. Mat. 3.16.
57On line atunči te çîpin, phandade pehkă kan, thai thai aviline saoră ande khă gîndo pa leste.
58Çîrdine les avri andai četatea, thai mudarde les baŕănça. Le phenditorea thodine saoŕă pehkă çoale ka le pînŕă khă tărnăharehkă, dinoanau Saulo.#Cap. 8.1; 22.20. Lev. 24.16. Deut. 13.9, 10; 17.7. 1Thag. 21.13. Luka 4.29. Evr. 13.12.
59Thai šudenas baŕănça ando Štefano, kai rudilas pe thai phenelas: „Raia Isuse, le o duxo muŕo!”#Cap. 9.14. Ps. 31.5. Luka 23.46.
60Pala kodea deačeanga, thai çîpisardea mosa zuralesa: „Raia, na nikăr lengă sama kadea bezex!” Thai pala kadala divanuri, suto.#Cap. 9.40.; 20.36; 21.5. Mat. 5.44. Luka 6.28; 23.34.
Currently Selected:
Kărdimata Le Apostolengă 7: KALD2020
Highlight
Share
Copy
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
