ಅಪೊ.ಕ್ರಿ ಪುಸ್ತಕದ ಪೊಲಬು
ಪುಸ್ತಕದ ಪೊಲಬು
ಅಪೊಸ್ತಲೆರೆ ಕ್ರಿಯೊಲೆ ಪುಸ್ತಕ ಕ್ರೈಸ್ತ ಸಭೆತ ಪುಟ್ಟು ಬೊಕ್ಕ ಅವು ಎಂಚ ಯೆರೂಸಲೇಮುಡ್ದು ಯೂದಾಯ, ಸಮಾರ್ಯ ಪ್ರಾಂತೊಲು ಬೊಕ್ಕ ಯೇಸು ಪರಲೋಕೊಗು ಪೋಪಿನೆಕ್ಕ್ ದುಂಬು (1:8) ತನ ಶಿಷ್ಯೆರೆಗ್ ಪಂಡಿಲೆಕ್ಕನೇ ಪಸರ್ಂಡ್ ಪನ್ಪಿ ಚರಿತ್ರೆನ್ ತೆರಿಪಾವುಂಡು. ಈ ಪುಸ್ತಕ ಲೂಕನ ಸುವಾರ್ತೆನ್ ಬರೆಯಿನ ಲೂಕೆ ಬರೆತಿನವು ಆದುಂಡು. ಆಯೆ ಒರಿ ವೈದ್ಯೆ ಆದಿತ್ತ್‌ದ್ ಸರಿಯಾಯಿನ ಲೆಕ್ಕಾಚಾರೊಡೇ ಉಂದೆನ್ ದಾಖಲೆ ಮಲ್ತ್‌ದೆ. ಆಯೆ ತನ ಸುವಾರ್ತೆನ್ ಬೊಕ್ಕ ಈ ಪುಸ್ತಕೊನು “ಥಿಯೊಫಿಲಾ” ಪಂಡ್ದ್ ಲೆತ್ತ್‌ದ್ ಬರೆದಿತ್ತ್‌ಂಡಲಾ ಉಂದೆನ್ ಗ್ರೀಕೆರ್ ಬೊಕ್ಕ ಯೆಹೂದ್ಯೆರೆನ್ ಸೇರಾವೊಂದು ಸಮಸ್ತ ಕ್ರೈಸ್ತ ಸಮುದಾಯೊಗಾದ್‌ (1:1) ಬರೆತೆ. ಅಪೊಸ್ತಲೆರೆ ಕ್ರಿಯೊಲೆ ಪುಸ್ತಕೊನು ಯೇಸು ಪುಟ್ಟುದು ಸುಮಾರ್ ಅಜ್ಪೊಡ್ದು ಅಜ್ಪತ್ತನಾಲ್ ವರ್ಸದ ಸಮಯೊಡು ಬರೆದುಪ್ಪೊಡು ದಾಯೆ ಪಂಡ ಅಪೊಸ್ತಲೆ ಪೌಲೆ ಸೆರೆಮನೆಡ್ದ್ ಬುಡುಗಡೆ ಆಪಿನೆಕ್ಕ್ ದುಂಬು ಅಂತ್ಯ ಆಪುಂಡು. ಲೂಕೆ ಅಪೊಸ್ತಲೆ ಪೌಲುನ ಒಟ್ಟುಗು ಪ್ರಯಾಣ ಮಲ್ತ್‌ದಿತ್ತ್‌ದ್ ಅಂದಾಜಿ ಮಲ್ಪುಲೆಕ್ಕ ಅಂತಿಯೋಕ್ಯ ಪಟ್ಟಣೊಡು ಈ ಪುಸ್ತಕೊನು ಬರೆದುಪ್ಪೊಡು. ಅಪೊಸ್ತಲೆರೆ ಕ್ರಿಯೊಲೆ ಪುಸ್ತಕ ಲೂಕೆ ಬರೆತಿ ಸುವಾರ್ತೆದ ದುಂಬರಿಕೆದ ಭಾಗ ಆದಿತ್ತ್‌ದ್ ಯೇಸು ಪರಲೋಕೊಗು ಏರ್ದ್ ಪೋಪಿನ ಸಂಗತಿಲೆಡ್ದ್ ಸುರು ಆಪುಂಡು. ಲೂಕೆ ಈ ಪುಸ್ತಕೊನು ಬರೆತಿ ಉದ್ದೇಶ ಆಯೆ ತನ ಸುವಾರ್ತೆನ್ ಬರೆತಿ ಉದ್ದೇಶನೇ ಆದುಂಡು. ಆಯೆ “ಥಿಯೊಫಿಲಾ” ಅತ್ತಂದೆ ಬುಲೆವೊಂದು ಪೋಪಿನ ಕ್ರೈಸ್ತ ಸಮುದಾಯ ಅಕ್ಲೆಗ್ ಕಲ್ಪಾಯಿನ ಕಟ್ಟ್‌ಲೆನ್ ಅನುಸಾರ ಮಲ್ಪುನವು ಬೊಕ್ಕ ಅಪೊಸ್ತಲೆರೆ ಕ್ರಿಯೊಲು ಎಂಕ್ಲೆಗ್ ಆರಂಭದ ಸಭೆಕ್ಲೆ ಉದಾರಣೆನೆಡ್ ಎಂಚ ಕ್ರಿಸ್ತ ನಂಬಿಕೆಡ್ ಜೀವನ ಮಲ್ಪೊಡು ಪನ್ಪಿನೆನ್ ತೆರಿಪಾವುಂಡು. ಅಪೊಸ್ತಲೆರೆ ಜೀವನ ಬೊಕ್ಕ ಸೇವೆದ ವಿಷಯೊಲು ಪರಿಶುದ್ಧಾತ್ಮನ ಶಕ್ತಿಡ್ ಪಿದಯಿದ ಜನೊಕುಲೆಗ್ ಸುವಾರ್ತೆನ್ ಎಂಚ ಪ್ರಸಾರ ಮಲ್ಪೊಡು ಪನ್ಪಿನೆಕ್ಕ್ ಉದಾರಣೆ ಆದುಂಡು.
ಅದ್ಯಾಯದ ರೂಪೊಲು
ಧರ್ಮಪ್ರಚಾರೊಗು ತಯಾರಿ (1:1-26)
ಯೇಸುನ ಕಡೆತ ಅಪ್ಪಣೆ (1:1-14)
ಯೂದ ಪಗತೆಗ್ ಮತ್ತೀಯನ ಆಯ್ಕೆ (1:15-26)
ಯೆರೂಸಲೇಮುಡು ಸಾಕ್ಷಿ (2:1—8:3)
ಯೂದಾಯ ಬೊಕ್ಕ ಸಮಾರಿಯೊಡು ಸಾಕ್ಷಿ (8:4—12:25)
ಪೌಲನ ಸೇವೆ (13:1—28:31)
ಸುರುತ್ತ ಪ್ರಯಾಣ (13:1—14:28)
ಯೆರೂಸಲೇಮುಡು ಸಮ್ಮೇಳನ (15:1-35)
ರಡ್ಡನೆ ಪ್ರಯಾಣ (15:36—18:22)
ಮೂಜನೆ ಪ್ರಯಾಣ (18:23—21:16)
ರೋಮುಡು ಪೌಲುಗು ಸೆರೆಮನೆ (21:17—28:31)
Currently Selected:
ಅಪೊ.ಕ್ರಿ ಪುಸ್ತಕದ ಪೊಲಬು: ತುಳು
Highlight
Share
Copy
Want to have your highlights saved across all your devices? Sign up or sign in
New Life Literature